麗姐廚房

营业中

休息中

祖祖介紹有一定保證自己平時都有食素，但另一半只係陪太子讀書😑第一次去試嗰日係星期六，我哋無訂枱，好彩我哋6點到，趁未客滿就比張二人枱我哋。睇過餐牌，當然叫祖祖推介過嘅流沙餃同咕嚕肉啦另一半揀涼瓜炒蛋甜品一定要紅荳糕真係不得了！首先流沙餃已好有驚喜，我好少食咕嚕肉嘅菠蘿但都清碟我怕苦少食涼瓜但居然都令我唔停口食紅荳糕時以為食緊紅荳雪糕另一半居然話呢間齋店可以再黎，試埋佢其他餸好滿足尋日初一另一半話不如再去麗姐度食齋，當然好啦今次試雙拼餃，煎蓮藕餅，麻婆豆腐，肉碎四季豆，同最想試埋芝麻糕雙拼餃其中一款係梅菜餃，好香，但我哋都係比較鍾意流沙餃煎蓮藕餅對我太熱氣啦（係另一半點，佢食大半）四季豆同出面飯店食無分別，唔講唔知係素肉跟住上麻婆豆腐好香麻辣味啊！佢係少辣，初食有辣味，但食多幾啖就「麻」了最後係甜點芝麻糕同紅荳糕，芝麻糕好有咬口紅荳糕依然係好似紅荳雪糕咁呀另一半話要繼續黎試其他菜

因為公司喺灣仔，好多素食餐館都無得訂位，咁啱呢間有，所以今年的生日午餐就訂咗麗姐㕑房。之前無去過，不過見食評都唔錯，我哋對環境唔係太高要求，所以試吓。訂位時要order定嘢食，幫手訂位的女士好好人，我心諗：素食館啲人真係友善㗎啫。嗯！人類真係好天真。Book一點正，一點鐘去到樓下，等𨋢期間就收到call：「係咪嚟緊，我哋要交張枱畀人。」ok ok，𨋢都唔等，慌張嘅大家即刻飛虎隊上身：跑樓梯！都係二樓啫。奈何我哋並唔能夠突破人類極限，上到去，頂！遲咗一分鐘，侍應再面黑黑同我講多次：「你哋遲到我要畀張枱人㗎勒！」真係當頭棒喝，我覺得自己真係死不足惜。雖然講咗好多次唔好意思對唔住，但係若然有刀仔喺手，我真係會當場切腹謝罪。搞到佢咁唔開心，真係好想喺生日時封返封利是畀佢；不過無利是封喺手咋。睇見牆上掛嘅佛偈，如果俾我加多一幅的話，我會喺「莫生氣」隔籬加「咪遲到」。我決定下次，如果仲有下次，不過多數都唔會有下次，我會book遲十分鐘；因為我真係希望令食素嘅大家開心，千祈唔好好似食咗成隻牛咁嬲豬。懷住內疚、悔恨嘅心情，到底我仲有冇資格食呢？我好疑惑，不過飯菜經已預備好，而呢張咁稀有咁珍貴咁不得之了