花月宮

营业中

休息中

冬天凍冰冰最適合打邊爐，主打海鮮及火鍋專門店 "花月宮"，装潢以花和木為設計主題，古典氣派，環境優雅 ; 另外，所有菜式擺盤都很精美，提供令人有視覺同味覺既享受！呢間主打食火鍋，有多款湯底、食材選擇，全部都好靚好適合打卡。芫荽皮蛋鍋    $88醇白色嘅芫荽皮蛋鍋飲得到芫荽與皮蛋嘅香氣，清香濃郁，鮮甜好滋味，呢個係經典嘅火鍋湯底。美國頂級手切封門柳    $238將牛肉巧妙咁擺放成花形，非常精緻，封門枋屍柳肉質細嫩及爽口，好新鮮，淥一淥好快就熟，食起嚟牛味特別濃，軟身得來但有咬口，頂級享受！一口牛柳粒    $108味道較濃嘅牛柳粒，淥煮嘅時間比封門柳稍為耐少少。牛柳粒雖小小一顆，但軟嫩多汁，咬落去油香四溢，肉汁豐富！流沙黃金蝦丸    $68呢款爆漿嘅蝦丸，彈牙爽口，蝦味鮮甜，釀入好香嘅鹹蛋黃，一咬落去蛋黃就流出來，與蝦肉一齊食，香濃美味。鮮淮山  $48 ，切成細塊嘅鮮淮山，口感清新爽口。萵荀  $38，翠綠嘅萵荀，爽脆清甜，吸晒湯汁，幾好味。蕃茄   $28，個蕃茄都好大，相當新鮮，放湯後更鮮甜。出前一丁  $18，出前一丁配湯底一同入口，夠惹味。檸檬薏米水    $48點左一渣

二訪《花月宮》，呢度裝修靚，圓型沙發卡座非常舒適，仲有VIP包廂適合小型聚會。念念不忘佢哋嘅【養生豆腐白肉湯鍋】湯底，非常好飲，濃郁嘅藥膳味白湯，未開始打邊爐之前要先飲兩碗🥰 加上湯裡面配料非常豐富，有五花腩、鴨血、蜂巢豆腐、腐竹，份量十足，齋食配料已經飽咗三分之一😂今次到訪再回味吓呢個湯底🫶🏻試咗幾款未試過嘅嘢食，超級推薦【本地手切新鮮頂級騸牯牛頸脊】，擺盤好似一朵花🌸 望住已經流口水🤤 肉紋非常靚油脂豐富分佈平均，灼15秒就食得，入口軟嫩牛味濃郁，非常好味！另一必食推薦【流沙黃金蝦丸】，手打蝦丸非常彈牙，咬落去有流心嘅鹹蛋黃醬，而且𥚃面真係有原粒新鮮蝦肉！滿分💯【水魷魚鬚】份量多，新鮮爽彈；【田園拼盤】有齊多款蔬菜🥬 ，最驚喜裡面有羽衣甘藍，份量夠2-3人食；小吃【椒鹽粟米】好惹味。呢度所有食物除咗好味高質，賣相都靚，影相打咭一流，絕對唔會令人失望🥰============ヽ(○´∀`)ﾉ♪❀養生豆腐白肉湯鍋 $128❀本地手切新鮮頂級騸牯牛頸脊 $368❀流沙黃金蝦丸(4粒) $68❀水魷魚鬚 $58❀田園拼盤 $68❀椒鹽粟米 $48❀可樂 $15✰醬芥$18一位✰加一服務費✰

朋友介紹去花月宮食火鍋，因為食材有質素，價錢合理，兩個人大概每位$400，品嚐一鍋四菜。 養生豆腐白肉湯鍋 $128因為感冒尚未完全痊愈，選擇了一個比較清淡的火鍋湯底，意想不到合心意。 原來白肉是五花腩肉，片片肥美口感好，食落又唔覺得膩，湯底更有不少鴨血及鷹巢豆腐，正是我喜歡的材料，所以先飲兩碗湯食些材料，已經填了個胃。 本地手切新鮮頂級騙牯牛頸脊 $368牛肉一係唔食一食就要食頂級，我非常喜歡騙牯牛，因為肉質有咬口，牛頸脊更是首選。 流沙黃金蝦丸 $68手打蝦丸，內藏少少鹹蛋黃，煮熟之後更大粒。 白鱔片 $88新鮮肉脆味甜。 台灣水蓮 $68平時比較少吃到，爽爽地的，唔錯的呀！ 環境基本，卡位對兩個人來說寛敞舒適，無接觸QR code點菜，上菜快，有免費開水，服務態度正常，火鍋醬料費每位$18，當然有加一。 若然在附近覓食，可以考慮。