海南少爺 (已結業)

假日的黃昏，相約了好朋友在尖沙咀一帶睇戲。睇戲之前，黎到位於港運大廈的海南少爺共聚晚飯，店舖有一邊是望海的落地大玻璃，可惜今次不是坐在靠窗邊位置，不過坐在卡位的梳化位置都很舒適，遠望維港景色都好靚。😍🌆海南雞飯拼馬來西亞肉骨茶（$138），去骨的海南雞啖啖肉，肉質嫩滑，油飯香味十足。海南雞配上三款醬油（辣椒醬、醬油、薑泥）是絕配的組合。肉骨茶真材實料，濃香的豬骨和回甘的藥材精心炮製，還有一些油條配送，非常美味。🍲🐥🫶🏻椰香海鮮喇沙（$128），濃厚的喇沙椰香湯底，不論是色澤或賣相已經率先吸引眼球，湯底的顏色呈現金黃色，湯底有很重的椰香和蝦醬，味道還帶點微辣，相當惹味。湯麵的面頭舖滿上幾隻大紅海蝦，蝦肉鮮嫩彈牙、魷魚圈很有咬口，還有碎蝦乾、魚片及半流心蛋，配餸都算好多。值得一提的是喇沙的湯麵的麵底選用了米線及米線兩溝，是傳統的摻摻，真是幾值得一食。🍜🦐🦑😚星洲蠔餅（$118），蠔餅的蛋邊煎至金黃色，包住粒粒脹卜卜蠔仔，入口鮮甜美味，配上魚露或辣椒醬，味道更為豐富。🦪🍳新加坡蕃薯喳喳（$68），甜品的材料好多，以椰汁西米露做底，香味十足的椰汁班蘭、很煙韌Q彈的芋圓，還有很粉的芋頭和番薯，熱

係海港城食星馬菜，海南少爺嘅性價比都幾高，有幸被安排坐近窗邊位置，可以欣賞海景，環境唔錯，食物質素都幾好，每次去我都會點以下幾款：💕麻醬雞絲撈起沙律 $142賣相好靚好多色彩，除咗有雞絲，仲有紅蘿蔔絲、青瓜絲、紫椰菜絲、木耳絲、芽菜、粉絲、中華沙律、薄脆、花生碎等營養豐富嘅配料，淋上麻醬，吃下口感非常豐富，最重要麻醬味道香而不膩又可口，愈食愈開胃💕海南雞飯拼馬來西亞肉骨茶 $146 轉雞胸肉 ＋$8又想食海南雞飯，又想飲肉骨茶，呢個套餐就可以一次過兩款菜都品嚐到😋果然係招牌菜式，海南雞啖啖肉冇骨，雞肉彈牙軟嫩，完全不乾柴，雞皮滑嫩，油飯香軟，醮上薑蓉、甜醬油、酸辣醬，再配油飯一流。肉骨和藥材味濃郁，飲落甘甜香醇，有黨參、杞子等，一字骨好稔又香，支竹、冬菇、豆卜等索滿肉骨茶，超正💕星洲蠔餅 $118有驚喜，外層煎到好脆口，散發陣陣濃郁蛋香，蠔仔非常之足料，而且份量比一般炸蠔餅多，入口鮮甜多汁，再配上辣椒醬和魚露食，唔錯唔錯

黎呢間主要嘅原因就係因為個海景，做完一日野咁攰，望住個海景食飯都舒服啲✨海南雞飯拼馬來西亞肉骨茶🍱$138試完呢個肉骨茶之後，好後悔點解唔叫Standard size😖真係超正，湯汁帶濃郁藥材味，有豆卜、枝竹等吸滿湯，食落特別入味。細細碗飲完想即刻添飲🥺海南雞好嫩滑，配嘅油飯亦都好靚仔，香口軟糯，個質素完全超出$138 呢個價錢，絕對要encore!✨椰香海鮮喇沙🍜$128喇沙湯底惹味香濃，微辣。入面有齊大蝦、魚片、魷魚圈、豆卜同埋糖心蛋🤩材料豐富，米線同米粉軟硬適中✨沙嗲拼盤(6串)🍖 $118又想食豬又想食雞，所以最後叫咗拼盤。肉質香嫩唔會燒到乾晒。每樣有三串，係食星馬菜必叫食品之一🤪✨蔥油酥餅配咖喱汁🥘 $68蔥餅香酥鬆軟，有啲似台式手抓餅，餅底幾厚，蘸咖喱汁食好滋味😋✨名茶🫖 $8/位淡淡清香嘅荔枝紅茶，消滯解渴淨係個肉骨茶已經令我想encore，又有海景，整體質素都唔錯，而且價錢唔貴，性價比極高👍🏻

之有有coupon差唔多成個海港城啲餐廳都食過曬 唯獨係得呢間想encore❣️海南雞飯拼馬來西亞肉骨茶 $138食星馬菜必嗌item 雞件幾多下 件件白白滑滑跟餐肉骨茶以福建口味製作 楺合16種上等藥材食材 藥材味勁重 飲落甘醇香濃💁🏼‍♀️杞子豆卜吸滿湯汁 排骨依然嫩口唔鞋❣️沙嗲拼盤(6串) $118豬肉雞肉各3串 燒烤手法鎖住肉汁 雞肉串食落滑捋捋💁🏼‍♀️豬肉搽上以洋蔥蒜粒香茅整成嘅沙嗲醬 味道獨特 非常惹味❣️忌廉咖啡骨 $158咖啡一字骨燒到令立立 賣相超吸引旁邊放左一pat鮮忌廉 咖啡蜜汁同忌廉混合而成嘅Latte香氣勁創新 食幾舊都唔厭 啱曬我呢啲coffee addict❣️炒貴刁 $118幾隻大蝦同韭菜芽菜一齊炒嘅貴刁 超夠穫氣 生抽均勻佈滿每條麵條蒜香味極重 食到停唔到口

今日專登約左朋友去海南少爺度食飯傾下計，貪呢度坐得舒服又對住海景好chill，而且平日下午茶時段人不多，無限時。😎👍🏿我地點左兩個套餐加一碟小菜，朋友點了海南雞飯拼馬來西亞肉骨茶，淡淡🌿中藥味加上腳骨熬製嘅香，湯味鮮醇，大上少少胡椒辛辣味，可惜的是無得再加湯。🥰海南雞肥瘦適中，啖啖肉，肉質夠滑，加上豉油汁的確好味😋。另外再配上滿滿雞油香的油飯，讚👍🏿，而且份量頗多不用擔心吃不飽🤣。而我所點海南雞米線🍜，海南雞比較肥美，看得出每碟部位不一，雞件大分肉質嫩滑，湯米線清湯感覺無味精，不過不失，另外飲品加了羅漢果龍眼蜜，蜜糖滋潤喉嚨加上羅漢果清熱絕配，非常健康之選。😋還有加了份馬拉盞通菜，這個相對濃味，而且馬拉盞炒得好香口，還有蝦乾肉碎作調味。

係附近番工既我今日又去左海港城食lunch😆 今次就去左係玩具反斗城隔離既海南少爺試下佢哋既海南雞飯😋 午市套餐都有唔少選擇 淨係海南雞飯已經可以選擇配搭油飯 椰香喇沙 馬來西亞或者新加坡肉骨茶 感覺好豐富🥰 今次我哋就試左海南雞飯拼馬來西亞肉骨茶同埋椰香海鮮喇沙👅 海南雞份量都幾多 雞肉好滑👍🏻 原來除咗肉骨茶亦都有油飯架 馬來西亞肉骨茶就比較香濃中藥味 如果鍾意胡椒味既朋友可以揀新加坡肉骨茶😎椰香海鮮喇沙有好多材料 有蝦 魷魚 溏心蛋 魚蛋 豆卜等等😋 湯底好濃 麵底係米線同米粉 好掛湯👍🏻 午市套餐加錢仲可以加配各款小食 我哋今次就加左金絲網蝦春卷🦐 咬開清晰見到蝦肉 香脆可口👍🏻除咗咖啡奶茶 仲可以加錢加配星馬特飲 我今次就試左杯叫熱帶雨林既🍹 成份有石榴 番石榴 菠蘿同橙 所以口味酸酸甜甜 好清新🌟