泰聚 (已結業)

一向都好喜歡泰國菜，但係天水圍泰菜的選擇並不多，通常會和家人去洪水橋吃泰菜。最近知道原來西鐵站的聚星樓附近，開左一間泰菜，一直都想試下，之前睇過晚飯的MENU，價錢偏貴，所以未有一試。後來知道原來有午餐的套餐，價錢較合理，襯星期六又諗唔到有乜野想食，就去試下。叫左個海南雞飯，份量都好夠，最欣賞的地方係無骨既，如果怕骨的朋友，啱晒。個汁較濃味，點少少已夠味，雞飯雖然唔夠香，但唔會好油，都OK的，如果以＄58來講，都算OK架。仲叫左另一個套餐，香草肉碎蛋飯，香香辣辣，十分惹味，好有驚喜！但吃到後期，見到碟底比較多油，如果可以少D，咁就會比較健康。餐廳較多戶外位置，由於當日天氣不錯，唔會太熱，所以坐戶外都OK，但如果天氣熱的話都幾辛苦。應該會有下一次，因為想試埋D 檬粉系列。