深記海南粉

营业中

休息中

近期幾乎每星期都會光顧的食堂：深記海南粉。這兒選擇不多，很適合有選擇困難症的朋友。經過我多次觀察，食客絕大多數是街坊，而且都是熟客，大都是來吃海南雞飯的，其次受歡迎的就是豬雜湯飯。今次我和朋友正是點了這两道最受歡迎的菜：海南雞飯（$45）和豬雜飯（$47）。豬雜湯和飯是分開上的，湯是胡椒湯，豬雜份量不多，但夠入味。小店的海南雞一貫保持水準，雞肉頗滑，配上獨家橙色辣椒醬，鮮味更突出。我推薦大家可以也點娃娃菜湯和綠豆芽菜湯，只需加$10即有份量不少的一大碗菜，可以有助飲食均衡。

幾年前响元朗廣場隔離食過, 當年仲要坐街, 估唔到而家開左間地鋪, 可見依間啲海南雞真係夠做架! 一入黎緊係叫個海南雞食飯啦 黎到竟然係雞脾, 勁開心 啲雞好滑, 雞皮好爽, 連皮食都完全無肥膩感覺. 再點埋佢秘制酸汁同辣汁, 真係無得頂 油飯好香, 無可能响普通茶餐廳食到依隻食海南雞飯. 四十幾五十蚊包埋餐飲, 今時今日物價禁高, 真係抵啦.依度係食物好, 不過環境就同其他茶廳一樣, 嘈左啲, 呀姐啲服務都可以改善下 (成日揾人落單都等了又等), 不過服務有樣好係你食完唔會收你野趕你走, 有個朋友Late join都坐左好耐

聽人講呢度d海南雞飯好正...今日中午同老公嚟試o下~ 海南雞飯好快有得食~ 但係一睇落去...份量好少lor...雖然係雞肶...但已經好近骨o既位置...又切得薄...所以真係無乜肉食...唔係我地仲有個肉餅...都唔夠食晒咁大碗飯...雞係滑...但味道唔算太突出...淡口...反而等o左10分鐘先有o既肉餅味道仲好~ 醃得好好味唔會太咸~ 而且熱辣辣又大碟~ 同一樣o既價錢...肉餅性價比高好多lor~ 真係d失望...有機會再嚟都唔會encore海南雞...