雪山冰廳

营业中

休息中

今日男朋友來接我收工，就喺附近搵食啦～行過依間冰室想食西多士，就入咗去啦🤣榛子醬西多士：多士份量大大件，外邊炸到金黃色但又冇濃，抵讚！另外餐廳用呢隻榛子醬味道岩岩好，唔會太甜，岩哂唔食太甜人士。😙招牌芝士半熟蛋牛肉漢堡：呢個漢堡好有驚喜，性價比好高～包底鬆軟中又不失香脆～牛肉漢堡香味十足，煎得好香口，夾上慢慢融化的芝上同大大塊流心太陽蛋，一啖咬落去，口感十足😋招牌海南雞飯：我同男朋友都係「雞精」，見到海南雞當然要叫來試吓啦！雞都算幾多件，油飯幾香口，旁邊配個酸辣醬汁非常開胃！仲有晚餐加$9有一盅燉湯，今晚靚湯係花旗參螺片，清清地都唔錯架！話明雞精，我哋見到menu上有個好特別嘅避風塘生炸雞髀，當然要試埋啦！嘩，隻髀仲大隻過我隻手板，啖啖肉！避風塘風味少少辣，好惹味喎！而且炸得皮脆肉嫩，正！仲有好似都係招牌嘅樽仔奶茶，另外仲有樽仔咖啡，奶茶香滑，不錯吖～

本人一向都愛吃小炒，覺得街巿嘅小菜先至夠鑊氣，但朋友話試過雪山冰室啲小菜唔錯，所以就過嚟試一試我地今次叫左一個二人餐，會跟一個原盅燉湯同兩個小菜呢個雞腳湯味道非常清甜，飲得出係冇落任何味精，健康好飲係足足有半隻雞，份量十足，雞肉都好嫩滑，有雞味一上枱比佢嗰份量嚇親，好大碟，其實留意到其他人客嘅小菜份量都比較大，所以唔會怕食唔飽😄味道方便佢嘅豆腐外脆內軟，入邊係熱辣辣滑嘟嘟嘅豆腐，食到停唔到口，另外椒鹽鮮魷都鑊氣十足，非常之惹味，正因為我哋三個人所以散叫多咗個漢堡包，想讚一讚佢塊漢堡肉做得好好，調味亦都相當好食，配埋芝士同蛋一流，好快又俾我地ko哂另外我哋在叫咗支樽仔咖啡，鍾意飲甜兼且多奶嘅我對此十分滿意！如果依餐係冰室來講價錢好合理，最緊要係佢真係幾好食，值得推介

深水埗雪山一直為人熟悉由以前老店到裝修完轉型新型冰室依加更開多一間分店去長沙灣店內一幅大金魚牆 乾淨簡潔鋪面 感覺舒服平日晚上早到都已有好幾枱客 有晚餐餐牌 專為一家大細食小菜而設可惜今日母親大人想食其他野 唔叫小菜了分別叫了叻沙摻摻特餐 + 海南雞飯餐再另外叫多一個 雪山芝士牛肉漢堡飲品當然係樽仔奶茶啦 無冰的凍奶茶～首先海南雞飯係最早黎到 見到擺盤唔錯賣相都幾好 食落更好 食到海南雞雞肉好滑唔點醬料到有味 食到雞皮下的冷啫喱油脂配上油飯 真心好食再黎就係叻沙摻摻 感覺份量細 但其實剛剛好因為特餐跟櫻花蝦蛋+厚多士在此特別要讚下叻沙湯底 好香又夠濃味母親大人好中意食 話有椰漿令湯底更滑配上易吸湯的米粉 格外入味其後見到隔離小朋友食緊一個漢堡包我都忍唔住叫左個試下 同母親大人一人一半蛋有點流心 中間芝士唔多 但溶得夠徹底蛋漿同芝士溶埋一齊食非常好味牛肉煎得香又唔燶 仲夠厚身一大塊講真$30一個雪山漢堡 抵過食快餐店扁漢堡總括而言 分店都保持到水準 令人感到安心老店果然是有品質保證