Foodeli (形點 I)

营业中

休息中

元朗大商場Yoho mall形點一期，入面有個幾隱秘既food court，之前都聽朋友講開。首先要行到去中庭Zara對出一條電梯上去，就有food court啦！叫Food deli.環境幾闊落，可能大西北地大，比一般既food court算大。食過幾次，黎既話，最好避開禮拜六／日中午或晚飯時間，較多人。平時就坐得幾鬆動。天氣好仲可以坐去出面露天座位，唔算嘈，望住博愛那邊的馬路。呢個foodcourt本人試過唔同菜式，但首推一定係泰萊廚房既海南雞飯！！$50蚊左右。無骨係基本既，食過幾次都無中伏。雞肉非常嫩滑、惹味，唔會好似出面一般餐廳咁老咁鞋。飯仲要粒粒沾滿油香，粒粒金黃，連平時不喜歡吃飯的我也每次成碟成晒，一粒不剩。佢既泰式辣汁絕對係畫龍點睛，唔食得辣既都食得落。怕辣的話可以加幾蚊嗌埋佢杯青檸梳打。不過佢送既碗胡椒湯個人就麻麻啦，太咸，不了。