海街丼 (海光街) (已搬遷) 新店位置

呢排冇得去旅行 真係好掛住日本今次由朋友帶路嚟到鰂魚涌估唔到竟然有間日本居酒屋咁有驚喜海宝丼鋪住滿滿既蟹肉仲有三文魚子，甜蝦同埋海膽都好新鮮食完魚生可以加啲湯有兩種口味好滿足呀😋

有日經過呢間野個門面真心一秒被吸引，先唔理佢食咩淨係裝修已經夠晒日系，然後行埋去睇menu，係海鮮丼同定食，結果我二日就黎左食。門面緊要，食物質素都好緊要，叫左佢個招牌海宝丼，有吞拿魚赤身、白身、穴子、裙邊、三文魚籽、成半碗蟹肉等等，切粒撈撈撈的魚生其實真係好考師傅手勢～近鏡一點。再近鏡啲。特別係調味方面，我覺得呢到處理得剛剛好，因為佢仲有醬料放係一邊比你加，最有趣的就係佢連壽司醋都比你自己加，勁中意壽司醋的我真係加得好開心哈哈，因為要有多點醋咪先係壽司飯嘛～全部魚都係日本直送﹐食到咁上下你仲可以將佢變做茶漬飯， 中和一下魚生的油膩感。朋友叫左個天丼，香港真係冇咩天丼係好滿意，但呢個只係個size已經足以令人嘩然，我特登咁樣影去比大家睇佢到底有幾大～天婦羅最緊要係炸粉，佢真係炸得好脆好好味，有好多蔬菜，隻蝦好新鮮，呢個價錢黎講真係好抵，雖然身為九龍人黎講鰂魚涌係遠左啲，但我覺得我會再來的～店家仲有白酒送，唔知係咪新張期內special offer？我叫左一杯，都幾易入口，同魚生好夾呢～

近排工作壓力大，放工一定係搵朋友食好野減壓！今次揀左港島區，聽朋友推介，啲海鮮係日本直送，十分新鮮，試一試係咪真既先！海宝丼。聽店員講解，有一碗好似啫喱既係壽司醋果凍，可以跟自己喜好加落丼入面。而旁邊仲有支保溫瓶，入面係魚湯，食到最後加入丼變茶漬飯。聽完覺得好抵食因為食到三款唔同味道既丼首先唔加任何野，食丼既原味，不得了，好鮮味！有好多魚生但都食到唔同鮮味，好勵害。之後有加少少壽司醋，變左好似食壽司咁，鮮味無咁直接，有點小清新。最後就是加上魚湯，變左茶漬飯之後魚湯變左主要味道，濃濃既魚味加上熟左既海鮮，雙重鮮味又係另一風味。最重要係大家鍾意食邊款就食邊款，食多食少自己去選擇，唔同人都滿足到。海宝天婦羅丼。新鮮海鮮係佢地特色，但呢款天婦羅都唔差，炸粉唔厚，另外天婦羅汁係店家自製，味道同天婦羅好夾。不過個海宝丼實在出色，令個天婦羅丼比下去有點失色。