丸十寿司日本食堂

营业中

休息中

丸十呢間日本料理，除了出名用料新鮮，所選用既飯粒都係經過精挑細選，採用北海道既七星米，因此壽司飯粒粒粒分明，唔易散且黏度剛剛好；而壽司醋既酸度調校亦剛好，整體很不錯！1️⃣雜錦野菜沙律沙律菜夠新鮮，配埋酸酸地既柚子醬，味道開胃又清新，非常適合作前菜！2️⃣豐州特上刺身（5點）刺身包括：拖羅丶牡丹蝦丶油甘魚丶赤貝同鯛魚，整體刺身質素高，解雪技巧好，完全食唔出任何雪藏味～而個人最愛當然是拖羅，油脂分佈十分平均，食落入口即溶，感覺好幸福！3️⃣鐵板燒日本地雞日本走地雞肉質好嫩滑，配埋照燒汁，以鐵板熱辣辣咁呈上，香氣四溢！4️⃣丸十壽司盛合包括：海膽壽司、拖羅壽司、鯛魚壽司、帶子壽司同蝦刺身壽司～呢度除左拖羅高質，海膽亦出乎意料地高質，口感極creamy，一點都唔腥；紫菜仍然好脆身，好味！💕💕5️⃣海鮮土瓶湯湯底似味增湯，但無咁鹹；而且加入左好多唔同海鮮，包括蝦、蟹肉同魚肉等，令成個湯底鮮味十足！店員建議可以搾少少青檸汁，令鮮味再提升，正！飲完唔夠喉！

同小妹係朗豪坊睇完戲， 就係朗豪坊搵食～ 見到「丸十寿司日本食堂 」做緊優惠，幾抵喎！ 餐廳樓底高，空間感十足！ 近期仲做緊XO和蛋黃哥主題， 身為蛋黃哥粉絲一定要黎朝聖！😎 恆生信用卡做緊套餐推廣優惠， $630就可以食到原價$900嘅5款美食， 咁抵梗係要食套餐啦！😏 丸十春日二人套餐（$630） 雜錦野菜沙律 唔好以為雜菜沙律無咩特別， 上面灑左勁多白飯魚， 沙律菜又夠新鮮爽脆， 配上酸酸甜甜嘅沙律醋，幾開胃！👍🏻 🌟推薦❗️豊洲特上刺身(5點) 刺身好豐富，全部都好新鮮有光澤， 有中拖羅、 牡丹蝦、金目鯛、原隻赤貝、油甘魚， 當中以中拖羅最為出色，好肥美，油脂豐腴，入口即化； 好少係香港可以食到咁高質嘅拖羅，讚！👍🏻 牡丹蝦好大隻，肉質爽彈， 油甘魚好厚身，魚油脂香， 金目鯛軟嫩爽彈～ 🌟推薦❗️丸十寿司盛合 有拖羅、帆立貝、海膽、牡丹蝦和池魚。 小編提提大家一定要食海膽先， 如果唔係紫菜就會好快腍！🌝 海膽甘香清甜，算係幾新鮮！ 帆立貝鮮甜味美， 牡丹蝦新鮮又大隻，入口軟嫩又不失口感。 最重要係壽司🍣

又OT呀😠，決定攜同事食歺好嘅平衡一下😅係旺角其實講真都食到厭曬，即管search一下最近有咩新餐廳,朗豪坊新開一間壽司店,想去望吓,見等兩三張枱就試吓啦!等左10分鐘到就有位,裝修簡約寬敞樓底好高，幾Relax嘅感覺第一件事梗係要試吓佢啲壽司啦，點左一份丸十壽司盛合，一睇埋相就知冇揀錯，注明係築地直送，真係無得假，大鮪魚腩壽司，細細粒飯，魚油脂肪比例剛剛好，魚香芳香，幾乎不用咀嚼海膽壽司亦係冇得輸，好creamy 好鮮味一D腥味都冇牡丹蝦亦係非常黏口，一樣咁新鮮，唯一帶子壽司薄左少少！由於太肚餓嘅關係我哋再點在一碗飯同一碗烏冬😂😂牛肉燒得剛剛好有碳燒香味，配上一個溫泉蛋，好夾，鍋燒烏冬亦有驚喜，事關有一隻大天婦羅蝦另外點左一杯清森蘋果汁，清甜大大杯，但太多冰了，下次記得佢係小冰先算係有一大發現啦