塔門仔海膽燒 (已搬遷) 新店位置

接完媽媽放學咪行去佐敦睇下有咩好食，一直都係海膽控，既然有間用海膽做招牌嘅餐廳，不試不行吧！睇住張menu紙，咩"膽粗粗"，咩"舞台上的海膽仔"完全唔知up嘜！不過d店員好細心，會逐一介紹尼d咁有特色嘅名字係咩黎，亦會推介當日有d咩必吃之選。咁咪揀左以下幾樣囉Overall, 的確價錢可能貴少少，但環境，食品，同服務都唔錯。因為除左主打海膽，其實都仲有好多燒物可以試，可能如果搵多幾個朋友一齊，摸下酒杯底，一定更開心

最近開始愛上食海膽，所以當我知道佐敦有間串燒店用海膽嚟命名，我地當然要去試吓喇~~海貼炸雞 - 炸雞好脆口，個汁係用海膽、芝士、沙律醬(我估)合成，有少少膩，不過真係非常好味紋甲墨魚 - 本來想食一板海膽，但係大少其實唔係好鍾意成板食，佢覺得太多，所以我決定食墨魚，因為叫得sepical一定有佢嘅過人之處，果然，入口好黏，好香墨魚味，唔腥，店員話呢個係speical所以如果大家去嗰時見到，都可以一試燒雞泡魚乾 - 我最愛之一，最正係用嚟送啤酒，可惜我今日唔想飲酒，如果唔係真係一流法國Gillardeau生蠔 - 有咩美味、幸福得過食呢個法國蠔﹖我答你……無，重要一啲都唔貴$38一隻，真係有啲後悔唔叫多幾隻食，因為我去Captains House食，要$52一隻，呢款蠔最正係佢海水味、甜味非常適中，質感亦唔會太creamy，我非常鍾意海膽炒飯 - 炒飯非常乾身，好有味道，用翠肉瓜炒飯我真係第一次食，但係原來宦可以好好味，我都可以叫老豆試吓，炒飯上枱時有好大嚿海膽，個海膽好甜，好新鮮，我完全唔想將佢同啲炒飯撈勻，我決定就咁食，嗯………人間美味~胡麻汁豆腐沙律 - 係嫌唔係好夠汁，沙律夠多菜

今晚和好朋友到來吃海膽，因為我倆都是極愛海膽的。因為沒有訂位的原因，所以在門外等了15分鐘。首先叫了這兒最出名的海膽炒飯。海膽的份量不少，而且飯也炒得很乾身，正！之後叫了海膽大啡菇，蘑菇的確很大，而且燒得很juicy，好想encore!!!!由於沒有燒生蠔的關係，所以我們改叫了兩隻大扇貝。燒扇貝沒有甚麼特別，不過不失。這裡還有串燒，下次可以再來一試。