塔門仔海膽燒 (已搬遷) 新店位置

與老公間中也會去佐敦的，今晚路經此店，女職員有禮及熱誠的介紹，我們最後也欣賞她殷勤及敬業態度而進店內光顧。點了菜及飲品後，時間尚算快捷 ，大部分的食物味道都非常唔錯，當中尤其個白鳝厚切、弹牙，洋蔥蠔 煙肉惹味，生蠔亦好juicy,必食。麟麒生啤好飲又抵，仲買二送一添。惟獨三文魚頭較其他店细小而且魚鰓並冇去除，此感覺不太理想。最後系服務也算十分吾錯，職員態度有善，也有推介美食。會再度光顧，有機會也會推薦朋友一起再happy Friday。

食物差！態度差！環境差！未見過咁差手藝仲出嚟開舖頭，下次絕不幫襯，如果唔信你就去試吓，絕對搵你笨一定令你失望！海膽炒飯勁難食，其他燒烤都唔知係用咩嚟烤，坐得用唔舒服，點啲嘢可以等成一個鐘先送上嚟，但係得兩三台客，好似留你喺嗰度俾人感覺好多人喺佢餐廳食嘢咁

同班好朋友就黎到佐敦寧波街度食塔門仔海膽燒，好近佐敦B1出口嘅，大約行3分鐘左右。咁我哋就叫咗，海膽煎蛋，海膽焗扇貝，海膽招牌炒飯，同其他嘢食。d海膽好新鮮，每一道菜嘅海膽料都落得好足！！！好好味。而且我哋叫咗咁多嘢食最后平均都好平，有食得好飽。尤其系個海膽炒飯，海膽味好濃，炒飯粒粒均勻，鮮味滿滿，仲有個海膽焗扇貝，海鮮好新鮮，做的又好食，真系食唔停口，鐘意食海膽嘅朋友真係要去試下啦！！！！！！！！！！

«試過一次就夠，唔會再食。»今日同男朋友去佐敦買野，所以就open rice下附近有咩食，就見到呢間專門食海膽嘅餐廳。見好多都正評，D菜色又幾特別，所以就滿心期待晚餐去食。今日星期四，唔多人，得4枱散客，唔洗排隊就入座。坐低後打算落單，但老闆話執完枱幫我地落單，然後又收埋其他枱D吉碟，又出埋餐等左成15分鐘先過黎，同我地講叫我地轉去後座。🤔我本身都係做飲食業，其實如果老闆落完單先收枱收碟，客人唔洗等咁耐...轉完枱就order左大家一致推薦嘅海膽炒飯、海膽大扇貝，仲有海膽大啡茹、䐁肉蘆筍，汁燒鰻魚。飲品就order左啤梨味啤酒。第一樣黎嘅係啤酒，唔知係咪放左好耐先拎過黎，黎到已經冇晒汽泡，但個味個好飲嘅。然後個炒麵..最期待嘅海膽炒飯，係真係海膽+炒飯😢炒飯係普通粒粒分明嘅炒飯 然後再放D海膽上去，兩者其實完全冇交集😞除左飯上面幾粒海膽，飯入面完全冇任何海膽味，就好似食緊個普通炒飯一樣，真係好失望。除左大啡菇 同 大扇貝係熱，其他所有熱食包括個炒飯都係唔熱最離譜係燒鰻魚，一D都唔熱，係凍嘅...今日唔係繁忙日子，出緊餐嘅得兩枱客（其餘兩張枱已經出晒餐食緊），唔明點解最基本熱食要熱出都做

專登佐敦去食塔門仔海膽燒呢間野,一入到去塔門仔發現好多人好受歡迎, 我今次叫左個招牌既塔門銀針粉同埋一盤油菜, 銀針粉個湯底個汁都幾濃,佢既味道超好食!佢既油菜好健康,佢既飲品好凍好得意,一次滿足曬鍾意食野既我,吃了好多好飽,真係好抵!店內環境我覺得都算唔錯既,我個人唔知點解總覺得有一點可愛感.雖然唔係走華麗路線,但係塔門仔海膽燒俾到我一D舒服既感覺！><有興趣既,不妨好似我咁,相約朋友閨蜜一齊去試吧！

塔門仔海膽燒餐廳位處於佐敦,大家可以港鐵佐敦站EXIT B 出口, 步行3分鐘上下,真係好方便好就腳!我每日午餐都自己一個過黎食呢間野!叫左塔門仔既海膽煎蛋公仔面同其他野,有陣陣海膽香香味撲鼻看起來好高級, 又滑又多既煎雞蛋,食完個海膽煎蛋公仔面仲可以飲下個咁新鮮既野飲!正式既一餐!正正正!塔門仔海膽燒真的超有人氣,環境氣氛餐點都好正,味蕾同胃通通滿足!美食唔可以只係食飽食撐,仲要食好食既,食滿足既,食到爽！

拿...要介紹返我琴晚同三個朋友食既宵晚啦！係出色既宵夜之選，價錢唔貴，仲有我最鍾意既海膽，雖然地方細，但勝在同朋友可以慢慢傾計，仲可以啤啤佢，係佐敦仲可以食完去下場😝😝我地叫左受歡迎的海膽炒飯，海膽煎餅，仲有海膽同三文魚刺身，海膽焗大扇貝，名副其實係海膽套餐😂我話想食下串燒，仲叫咗個拼盤添～如果真係鍾意食海膽嘅朋友，絕對要來試吓，佢依度仲有好多唔同種類嘅海膽，有平有貴～不過我自己就最鍾意海膽扇貝，因為兩樣野加埋好match，兩樣又係我鍾意食既野❤❤

一直都好鐘意食海膽早前已經聽聞呢間餐廳有好多款海膽做既菜式仲係由塔門每日新鮮運送除左海膽仲有好多燒物再飲埋啤酒同朋友傾下計真係一流所以約左人班好友放工黎個happy friday環境真係唔大 得5-6張台黎得呢到一定要食海膽先叫左個塔門仔海膽招牌炒飯以為淨係得面頭有舊海膽原來飯入面都有好多粒粒海膽配上自家制醬油 帶出海膽鮮甜味 跟住叫左幾款刺身有加州馬糞海膽好厚身 好濃味又帶少少甜另外仲有北海道帶子 厚切三文魚腩 甘蝦每一款都啖啖肉非常新鮮海膽燒龍蝦龍蝦好大隻 龍蝦肉上鋪滿鮮甜海膽估唔到味道又十分夾燒出黎好入味滿足了我呢位海膽控 

適逢男朋友生日，又點可以只一餐好嘢，我之前食過呢間，今日就決定再食呢一間,因為上一次未試真！一入到去,見到好多人,呢度真係座無虛席架，想搵一個位都難,咁就知呢間有幾受大家歡迎啦～叫左一碟海鮮炒烏冬,68蚊,好好食,真係好抵加,68蚊就有大大碟,好平,而且烏冬仲好有口感,令人一試難忘,再加上呢碟野有好多好多海鮮,令成碟野既味道再去到另一個層次,我絕對冇呃你加,呢度既服務員做野好快手,我落左單一陣姐,就已經食得啦,真係要比個LIKE佢地先得

香港人慶祝就是喜歡吃海鮮，和朋友慶祝他找到新工作，來吃海鮮大餐，有我們最喜歡的海鮮,咁就決定係呢一度慶祝啦。呢度環境好好,燈光又好好,一大班人泥呢一度食海鮮都冇問題啦!!!!!!我地仲叫左個塔門招牌海膽炒飯,好好食,特別係海膽好入味,而且價錢唔貴,砰平平地已經可以有咁大碟野啦,真係好抵食加!!!!!!!朋友食過都話好正,仲話要推薦比其他人TIM喎,呢間野服務又好,而且仲有好多好多海鮮可以食,大家一定一定一定要泥食呀,我真心推薦比大家

琴晚10點零做完野係佐敦見到幾多人係呢間舖頭食飯，於是就入去。入到去高高地個個應該係老闆黎，佢見我熱熱地竟然比左杯冰水我叫我涼d 先諗食咩😍😍好窩心呀涼夠同個fd 叫左4 樣野個海膽炒飯上到枱我以為得面頭個道有海膽，我竟然食到粒粒都有海膽味，值得推介比大家之後好快咁又上左碟海膽汁焗青口一份有4隻都算抵食，食得出個海膽汁有加芝口增加口感燒物我就叫左燒牛仔骨，仲以為牛仔骨多數有雪藏味，點知一食落口冇雪味之餘，仲要有d 香草味，燒得唔乾身，仲有d 肉汁係道最後張相可能老闆見我同個fd 飲啤酒，問我洗唔洗叫d 香口野送酒，於我叫左雞皮雞軟骨edc唔好睇小個燒雞皮，食落去唔酒，仲要脆卜卜下😍😍

睇食評話間專食海膽同燒物既餐廳有水準價錢又親民，點知一試就出哂事～6點半左右入到去，老闆待人有禮，又親切咁介绍有咩好食。一家三口嗌左燒物：鹽燒貴妃蚌2隻、牛舌串2串、1份雜錦拼盤、半條燒茄子、牛仔軍1串、漫魚1串、秋刀魚1條、海膽炒飯1份同韓國海膽1板。其實好多食評上有既菜式都冇左la～先上海膽炒飯，飯粒炒得乾身，粒粒分明，口感唔錯，但可惜炒飯本身竟然冇用海膽去炒??只係最尾係飯面上鋪上羹海膽==飯入面根本冇海膽味，但收$140一碟…跟住上各式燒物，水準一般，冇乜味，火候略欠，個人覺得焼到少少焦會香口啲。最差係碟串燒雜錦拼盤，老闆話貨源問題，所以幫我地換左靚啲既一口牛粒同豬肉各2串加4粒茄子燒，話數量係比原本少左但肉靚左（原本係6串）。可惜食出黎一口牛中間雪水都仲有，冇味，入口係有血腥臭味。我自問真係冇野係唔食哂，通常差極都尊重人食哂佢，但碟牛真係好唔想食好唔得，豬肉都係中間凍既，感覺係拎唔新鮮既豬白洽咁。唯一讚既係秋刀魚同板海膽（但係係成板買返黎嗰隻）正常發揮，可以一試。總括而言，黎到真係失望而回，雖然老闆招呼親切有禮，但啲食物真係好唔得，仲要3個人埋班$719！！！！！！哩個價錢真

28/05/2018訂著塔門仔海膽燒（佐敦）$208兩人套餐，29號去食時話網上搞錯價錢，要求我們補差價，我們同意俾佢加價，跟著又話套餐配的共八串燒雞肉冇，豬肉冇，羊肉冇，問我地同唔同意轉牛肉，我地同意，等著快一個鍾，上著叫有點熱氣的四串牛肉，再等半小時上著海膽炒蛋，再等半小時實在等不下去了，最後俾多$118餓著肚走人，仲有個廣東話唔正的女伙計好惡死怕怕食物差，環境差，態度差

I went there to eat because it was marketed as a place for sea urchin lovers. I was truly disappointed. Here’s what I ordered: two large scallops with sea urchin, beef on skewers, sea urchin soup with silver noodles, and razor clam with garlic.The Ichiban frozen beer they serve is just perfect. The icy foam on top is great. Whoever created the machine that makes the icy foam deserves the Nobel Prize. The scallops were slightly too well done and you can hardly taste the urchin. I ordered it via a

入左去等左半個鐘都係未有野食 追單先開始燒 大概9個字到終於等到第一碟食物 $78 1隻海膽汁燒扇貝 諗住點都有番咁上下既質素 但係唔熱之餘味道一般 沙律醬覆蓋哂啲味 大失所望 黎第一碟食物個陣仲問我同朋友食唔食龍蝦 心諗你黎哂啲野食先算啦 第二碟同第三碟野食都算快到，不過價值貴得黎份量少，芝士煙肉焗薯皮得手掌咁大，仲要得半個，咁就食左$48？！都算啦，仲要唔係太熱芝士焗金菇菜聽落正正常常，點知呢得金菇，不過都食得落肚既題外話：本身叫左兩個炒飯，炒左一粒鐘都冇，索性卡左單