鈴木珈啡館 (已結業)

即興買飛睇「百靈頓小熊」，離開場只有一個小時，帶住三隻馬騮又想食啲嘢！戲院內有間餐廳都係一個方便選擇！其實係戲院一角圍起做餐廳，門口開揚，好光猛，店內裝修別緻，尤其喜歡樹形裝飾！傢俬淺木為主！好簡潔清新！兩點幾，唔爆場，不過有啲枱未執，店員見我在門口！即刻快快執張卡位比我！卡位闊落好坐！食物以日式意粉為主，快速落好單等嘢食！店員就比餐具同熱水（真係熱到辣手，其實有小朋友都唔好咁熱，暖水ok）食物超快到齊！（落單唔夠10分鐘到齊）但沙律都未食完，你比兩個忌廉汁意粉我，食得沙律意粉都凍喇！（忌廉汁一凍就變漿糊）煙三文魚香芒沙律：賣相唔錯，羅馬菜較老，少許火箭菜，芒果好酸，醬汁係柚子醬（即係平時沖柚子蜜嘅醬）味道配搭都可以，但面頭嘅三文魚就幾腥！唔新鮮！ 海膽珍珠帶子拌忌廉汁烏冬：烏冬滑溜彈牙，忌廉汁香滑，蟹籽卜卜脆，可惜比一糰好腥嘅海膽破壞晒（味道好壓）我連紫蘇葉一齊食都壓唔住啲腥味，差黑松露巴馬火腿蛋黃汁意粉：意粉彈牙有咬口，黑松露忌廉汁香夾滑，撈埋半生熟蛋就更滑！可惜巴馬火腿薄身，味道咸香但較韌！失色！食物其實正常，但唔知點解放响面嘅主題都係唔好味道！尤其個海膽，腥得好緊要，好壓！如果

鈴木咖啡館勝在方便，就在我看完《綠野仙生》、等待看《愛的麵包魂》的期間，來吃頓晚飯吧！時間不算充裕，我有點著急，舉手點菜要等，食物要等，心太軟更加是要久等，所以服務只屬一般。我們吃了～芝士焗脆薯條($36)：薯條是幼長狀，炸得很香脆，但面層的芝士不多，要點隨薯條奉上的芝士醬，相比我最愛的Ruby Tuesday煙肉芝士薯條，實在小巫見大巫。香芒軟殼蟹比薩($56)：比薩是細批的大小，一分為四，每件都有軟殼蟹，但軟殼蟹與薄餅不太搭配，口感怪怪的，最終我將它們分開享用。海膽珍珠帶子伴忌廉汁烏冬($82)：烏冬份量少，較腍，沒彈性。海膽比預期多，正！忌廉汁有少許甜，味道不錯。心太軟邂逅芒果($52)：這是唯一值得推介的食物。心太軟有質素，很香軟，內裏的朱古力能造成流心效果，很濃郁。芒果汁和菠蘿只是點綴，沒能令味覺更享受。總結而言，鈴木珈啡館的食物不過不失，但因開水必須付$16才有，所以如非必要，我不會再光顧。