교자상

营业中

休息中

放工同朋友去試咗一間高級韓國菜餐廳，環境優雅，服務貼心。菜式由韓國當地大廚主理研發，用上濟州新鮮食材，真心高質。海膽生牛肉紫菜包飯紫菜卷上面放左生牛肉同埋超多海膽，海膽新鮮，生牛肉入口鮮嫩，上面加咗矜貴嘅魚子醬，每一口都感受到細膩嘅口感和豐富嘅層次。炸青陽辣椒釀豬肉青陽辣椒辣味適中，豬肉餡料多汁，炸至香脆，配搭蛋黃醬/辣椒醬，非常滋味。海鮮煎餅煎餅煎至金黃色，入口香脆，材料有蝦、帶子和魷魚等等，蝦肉質鮮嫩，帶子柔軟，魷魚有嚼勁，每一口都充滿住層次感，點少少特製醬汁提升海鮮風味。元祖蒜頭辣燉雞鍋(配芝士泡菜炒飯)湯底辣度溫和，落左好多蒜頭，蒜香味濃郁，雞肉燉得入味，肉質滑嫩，泡菜炒飯酸酸辣辣。

呢間韓國菜走新派路線，由韓國大廚主理研發菜式，更用上濟洲島新鮮食材之前嚟食過一次覺得好滿意，最近出咗辣燉雞鍋覺得好吸引所以又嚟試下✨海膽生牛肉紫菜包飯呢款可以話係招牌菜，差不多每枱必嗌！紫菜包飯上面加咗生牛肉、海膽同魚子醬，紫菜包飯豪華version😍生牛肉同海膽都鮮味十足，紫菜包飯好香麻油味✨炸青陽辣椒釀豬肉去完韓國旅行之後愛上咗青陽辣椒，鍾意佢嘅香味同爽脆口感吉列炸皮炸得香脆唔會太油膩無乜辣椒籽所以唔覺得辣✨元祖蒜頭辣燉雞鍋(配泡菜炒飯) 燉雞鍋可以揀辣同唔辣雖然成煲紅色但其實食落只係小辣，惹味得嚟唔會太鹹一上枱已經好香蒜頭味，香到隔離枱聞到都問侍應係乜鍋😂雞件份量好多足夠三至四個人食另上嘅泡菜炒飯好足料，食到啖啖泡菜✨半半炸雞炸雞有四款口味揀: 原味、甜辣、醬油、芝士揀咗甜辣同芝士味無骨炸雞炸得酥脆，炸粉唔會太厚，咬開內裡仍然有肉汁芝士味炸雞表面鋪滿芝士味粉，食落好香芝士味又甜甜地好特別

平時食韓國菜通常都會諗到去尖沙咀🤭今次就嚟到銅鑼灣Fashion walk試間新派嘅韓國餐廳😆 Gyojasang 無論食物、環境定服務都好高質，好有情調🥰仲有戶外位置，好適合嚟拍拖又或者同班閨蜜嚟chill下🥂🥩海膽生牛肉紫菜包飯($380)真係好震撼好吸睛🤩鮮甜嘅海膽配上鮮嫩生牛肉同黑魚子，每一啖都好滿足🥰🥰紫菜包飯有蘿蔔、青瓜、蛋同埋醃蘿蔔，酸酸甜甜好清新🥕🫑炸青陽辣椒釀豬肉($86)好少食炸青陽辣椒所以叫嚟試吓😝辣椒嘅籽有少少辣，加埋微微炸咗嘅外皮同埋釀豬肉，爽脆帶辣香🌶️配上滋味嘅蛋黃醬同韓式辣椒醬，好match😋🐥半半炸雞($178)食韓國嘢又點可以少咗炸雞😚半半炸雞最正係可以揀兩種口味，今次揀咗甜辣拼洋蔥芝士炸雞🌶🧀炸雞外皮脆卜卜，雞肉嫩滑，保持到好Juicy👍🏻🐔韓式蒜頭清燉雞鍋($385) 配泡菜炒飯(+$40)店員好貼心溫馨提示我哋要先滾10至15分鐘先食🥰清燉雞件好大嚿，咬落去又香又滑，啖啖肉😋湯底蒜味香濃，配埋佢嘅秘製豉油，好惹味😆我最欣賞係大大嚿薯仔煲到好林好香好入味，蒜蓉味勁濃🤤🤤🍹荔枝梳打($48)🍍菠蘿梳打($48)