鯛魚湯專門店 (已結業)

之前有朋友係fb介紹過此店，一直都好想嚟試吓，因為有我最愛既魚湯湯飯，但小妹比較少出城……今次難得男友話陪我去食好西(因為佢想去動漫)，所以就抱住就算熱到中暑，都要出去試好野既心態，由新界坐火車再轉巴士出去一試。入正題，見店名都知，此店是鯛魚魚湯做主打，我們分別叫了海膽蟹腳湯飯及鮑魚花膠湯烏冬，前者上桌既時候有火爐熱住(一路食一路標汗)，而且有蟹腳既關係d湯特別甜，海膽及蟹腳既份量都好多，後者沒有跟火爐上，明顯食到一半d湯就涼了，味道比較腥，但餸既份量都好多，有两隻鮑魚及三至四舊花膠、魚肚，餐牌上仲有d小食，但今次無叫，總括此店可再來，不過要等天氣無咁熱先，下次會試吓龍虾湯飯。

同3位好朋友黎到這間出名的魚湯餐廳， 之前在太古附近食過，不過灣仔這間近好多又方便。我晚上6:45左右到達， 等埋我的朋友們， 這裡的裝修好日式， 好特別，幾舒服、有空間感，一點也不迫。食物方面都好多選擇，有湯飯、湯烏冬，定食等等，這裡新出咗龍蝦及蟹腳，我地試咗佢的海膽蟹腳湯飯好多材料，仲好貼心咁有個木製小火爐熱住個湯飯，海膽好大好鮮，全無鯹味，我平時唔太好海膽，但這裡真係好食；蟹腳好鮮甜 都幾多隻，仲有豆腐、木耳、海帶作配料，好健康美味鮑魚有兩大粒，我朋友食；花膠都好厚好滑，食完會靚咗囉另外叫了帶子魚湯羽衣烏冬，我地覺得好滑，似闊條意粉感覺，都幾好食，但掛住食唔記得咗影佢的特飲好特色 又不是太甜 還有藍碟花 好健康我地都食到好滿足

放工經過間舖頭，門口一張poster 大大份海膽好吸引，天氣熱食湯飯又易入口，所以入嚟試下。今次試左個海膽蟹腳湯飯，非常好味，一試難忘，海膽份量好足，基本上每啖都食到海膽。下次嚟一定試埋個鮑魚花膠烏冬。唯一敗筆係有個灰色uniform 懷疑係老闆娘嘅女仔態度惡劣，又面目猙獰大大聲呼喝員工。黑口黑面。員工都係人，真係應該好好改善。