鯛魚湯專門店 (已結業)

廣東人喜歡品嚐以不同食材煲成的老火湯，而日本人的飲食文化就有點不同，一般都是較簡單的麵豉湯，或用昆布、鰹魚煲成的清湯，另外亦有著名的湯頭如豬骨湯，醬油湯和魚湯等，雖然沒有老火湯的滋補，但仍有其獨到之處。最近到了灣仔天樂里一間以鯛魚湯作主打的食店，門面裝上了大片電子展示板，不停播放著該店的食評影像，很是創新，內裡環境光鮮闊落，牆上掛上了日本浮世繪風的畫作，增添了幾分和風味道。叫得魚湯專門店，湯頭當然是靈魂所在，這店標榜魚湯以鯛魚熬煮，突出了其獨特性。據店家解說，鯛魚之營養價值在於其氨基酸均衡，較易被人體吸收，加上骨膠原及蛋白質豐富，脂肪又少，滋潤養顏。皇帝蟹腳海膽湯飯，兩款皇牌食材放在一起，賣相賞心悅目。廚師已將皇帝蟹腳部份外殼破開，方便進食，細心貼心，蟹腳偏幼身但仍可吃到一條條的蟹柳，肉質鮮甜爽彈；而海膽的份量亦不少，入口軟滑，甘香甜美！兩者輕輕浸在湯飯上，沾上了湯頭的鮮美，有助提升了味道的層次，豐腴順滑，更覺可口。而作為主角的鯛魚湯底果然真材實料，湯色奶白，魚味濃厚，怕腥的朋友最好加點胡椒粉辟腥；湯汁入口味道濃醇香甜，配上軟彈的日本米飯，吸收了湯汁的滋味，鮮甜濃郁，讓人一粒飯也不想浪

王子懷念着鰂魚涌吃過的肥牛湯烏冬，於是我帶他們到灣仔分店再來朝聖一番。灣仔分店位於跑馬地電車路，鵝頸橋十字路口，灣仔舊有Neway旁邊，非常方便。餐廳的大門用了日本式半透明躺門，這裡裝修簡潔，餐廳面積也頗大，木色的餐枱和椅子大約有10張四人枱；服務員態度親切有善，值得一讚。看着熟悉的下午茶餐牌，有六款可供選擇，價錢一律＄45包熱飲，但留意全店最低消費每位＄50；而餐廳亦添加了一張可以自選湯底及配料的餐單，像是豪華車仔麵一樣；而我卻被一份海膽湯飯相片深深吸引着，所以今天決意豪吃一番。最後我們點了一份下午茶餐雜菇炒肥牛湯烏冬配豬骨湯＄45配熱飲；一份海膽湯飯＄138；一份自選麵餐：稻庭手打烏冬＄36包括海帶黃菜京蔥，自選湯底自家製豬骨湯或者地獄豬骨湯，而我選了鯛魚濃湯加＄5，木耳絲加＄6，花膠兩件加＄15，象拔蚌三件加＄12，一共＄74配熱滴漏奶茶。大約10分鐘，豬骨湯雜菌炒牛肉烏冬先上枱，超級大碟的炒肥牛認真誇張，他不但有外在美，也非常有內在美，不至於入口即溶，但肥牛鮮嫩可口，實在無懈可擊，冬菇絲再配合牛肉的獻汁一起炒，非常野味，極力推介。另外我的象拔蚌花膠木耳絲鯛魚湯烏冬亦上枱，可惜鯛

有時吃東西真是一分錢一分貨， 就好像這間鯛魚泡飯專門店，食碗泡飯價錢都要一百幾十，是否值得見仁見智。門面及內部都是日系裝修設計，大門上方大大塊的電視不斷播出廣告，就算遠遠也容易看到。皇帝蟹腳海膽泡飯 $168每款食物都有一些重點，好難取得平衡，而這個泡飯在材料及湯底上都拿捏得準確， 湯底味道濃郁，魚湯香氣在火爐加熱過程中慢慢飄了出來。出面舖頭的湯會愈食愈口渴，但這個湯感覺沒有下味精，感覺很好。皇帝蟹腳和海膽也很新鮮，海膽多數是生吃，現在將海膽放在熱湯中灼一灼，這樣半生半熟的食法又是另外一種風味，皇帝蟹腳一絲一絲蟹肉，肉質爽嫩。整體味道佳，但價格稍貴，對於打工仔的我要一段時間才再幫襯。

今晚同朋友約左係灣仔見面， 佢提議試下係天樂里既鯛魚魚專門店。 入到去見到好多人坐滿左，好在 我地預約左。唔使等 就可以快快食到好味野！！ 我叫左生蠔泡飯，朋友就豪氣咁叫左龍蝦泡飯！！鯛魚湯是非常濃香， 湯底用料相當豐富。 生蠔鮮甜， 龍蝦彈牙爽口， 味道一流！份量好多， 食左3/4已經飽飽 ,食唔哂，飲左好多魚湯🤤🤤滿足！！👍

吾知係米唔收加一所以啲服務差到一個點..自選下午茶 3餸送飲品 我嗌左杯熱檸水 黎到時得兩塊薄檸檬 同暖水都稱吾上既「熱檸水」 當時餐廳其實得小貓三四隻 但店員就好似忙呢樣忙嗰樣 嗌左幾次先有人黎落單 而且態度好似吾想回答我地既問題 問可吾可以俾兩杯水黎最尾冇左件事湯飯跟爐上 我同個類似經理既男人講個火熄左 佢話係正常 因為個爐係靠兩粒野著火 一燒完就熄 但問題個湯一啲都吾熱 要燒兩次先得第二就係「花膠」其實係魚肚？！$15得兩塊所謂既花膠 其他配料亦吾算好食同有啲貴 湯底冇電視/廣告話咁濃魚味 兩個人食左$201 價錢仲可以接受，但食物既質素同服務態真係有待改善。

之前喺鰂魚涌已見鯛魚湯專門店，但嗰次趕時間無試，今次行開見近近哋，又唔駛等位，就入去試試。嚟到下午茶時間，入座率都有9成，睇完 menu 見下午茶平平哋就叫嚟試吓，因為鯛魚湯麵食都比較貴。自己叫咗個吉列豬扒手打烏東，跟凍檸茶，吉列豬扒炸得鬆脆，但豬扒醃得唔夠入味，油都未瀝乾，幸好配上沙律菜，減低油膩感，烏冬有少少彈牙，幾滑，湯底飲得出係豬骨湯，但略嫌有啲羶味，整體不過不失。朋友叫咗雞塊唐揚手打烏冬，試咗件炸雞，炸皮夠薄，但唔夠脆，好在雞肉尚算滑，但同樣都係無咩味。叫咗鱈魚魚腐，同期待有所出入，鱈魚魚腐無咩魚味，而且質地好淋，個人唔好。可能我唔係食鯛魚湯食品，有少少覺得名過於實，試1次就夠。

魚湯少偏咸，魚湯的味道不腥但魚的味道也吃不太出來！朋友的鮑魚花膠魚肚沒有什麼嚼勁、都很冧、兩款食物的原本味道都被覆蓋吃不太出來、覺得皇帝蟹腳是冰凍又沒有解凍過的！味道不鮮有很冰的味道。皇帝蟹腳剪得不夠好需要動手剝開才能吃！不周全的是桌子上沒有調料牙籤之類的東西！買單的時候只接受現金不給刷卡，這是不可置信的事情！別的小店消費二、三十塊都能刷卡，這裡吃幾百塊不給刷卡！我就想知道我現金帶不夠怎麼辦！！openrice還說用某些信用卡有優惠

之前有朋友係fb介紹過此店，一直都好想嚟試吓，因為有我最愛既魚湯湯飯，但小妹比較少出城……今次難得男友話陪我去食好西(因為佢想去動漫)，所以就抱住就算熱到中暑，都要出去試好野既心態，由新界坐火車再轉巴士出去一試。入正題，見店名都知，此店是鯛魚魚湯做主打，我們分別叫了海膽蟹腳湯飯及鮑魚花膠湯烏冬，前者上桌既時候有火爐熱住(一路食一路標汗)，而且有蟹腳既關係d湯特別甜，海膽及蟹腳既份量都好多，後者沒有跟火爐上，明顯食到一半d湯就涼了，味道比較腥，但餸既份量都好多，有两隻鮑魚及三至四舊花膠、魚肚，餐牌上仲有d小食，但今次無叫，總括此店可再來，不過要等天氣無咁熱先，下次會試吓龍虾湯飯。

同3位好朋友黎到這間出名的魚湯餐廳， 之前在太古附近食過，不過灣仔這間近好多又方便。我晚上6:45左右到達， 等埋我的朋友們， 這裡的裝修好日式， 好特別，幾舒服、有空間感，一點也不迫。食物方面都好多選擇，有湯飯、湯烏冬，定食等等，這裡新出咗龍蝦及蟹腳，我地試咗佢的海膽蟹腳湯飯好多材料，仲好貼心咁有個木製小火爐熱住個湯飯，海膽好大好鮮，全無鯹味，我平時唔太好海膽，但這裡真係好食；蟹腳好鮮甜 都幾多隻，仲有豆腐、木耳、海帶作配料，好健康美味鮑魚有兩大粒，我朋友食；花膠都好厚好滑，食完會靚咗囉另外叫了帶子魚湯羽衣烏冬，我地覺得好滑，似闊條意粉感覺，都幾好食，但掛住食唔記得咗影佢的特飲好特色 又不是太甜 還有藍碟花 好健康我地都食到好滿足

相比起一般日式餐廳, 呢度嘅選擇更有特色但係以lunch黎講一d都唔平ah稻庭手打烏冬 ($36)鯛魚濃湯 ($5)象拔貝(3件) ($12)呢度有羽田烏冬揀, 侍應話好似河粉咁但系最尾都系揀左稻庭烏冬, 諗住實冇死點知稻庭烏冬太淋啦不過份量多幾多象拔貝得三件真係唔係幾夠仲要都幾韌下不過呢個鯛魚濃湯真係不得不試奶白嘅湯, 魚味濃郁烏冬吸收埋魚湯嘅精華真係好正鯛魚湯燒汁雞扒手打烏冬($72)雞扒皮脆脆地幾好味但係雞扒肉就一啲味都冇皮同肉就好似分開嘅兩個世界咁

晚上到達貴店，嚐試吉列蠔烏冬和皇帝蟹腳海膽湯飯。此湯飯的海膽新鮮，味道尚可，可惜蟹腳味道一般，比較遜色，幸好鯛魚湯底鮮味，補償不足。三隻大炸蠔賣相吸引，食下去味道鮮美，鯛魚湯烏冬味道吸引，一啖湯一啖烏冬，差點食到落碗底。

鯛魚湯一直係我收藏之內，因為鯛魚比較有多營養價值，日本人亦以之為日常養生食材，平民化得來有營養，深得人心。鯛魚低脂肪高蛋白質，有豐富菸鹼酸，可促進血液循環，消除疲勞，且含滿滿骨膠原，最適合我呢d愛美的人. 呢晚去左銅鑼灣呢間專門吃鯛魚湯，食物種類選擇都比較有特式。魚湯熬製一般較長時間 加上豐富材料才有濃郁奶白色魚湯，吃一口不會覺得加味精且鮮甜出色，一試難忘！皇帝蟹腳海膽海飯 $168用鐵鍋盛載，並用火繼續滾辣辣送上，送來時已聞到魚鮮味飄香。面舖上材料非常豐富，金黃海膽尤其吸引，店員介紹說是由韓國送來的海膽，味道質感不差於日本，有著海膽鮮香，絕無怪腥味。第一次配熱辣辣既飯黎食，增加飯香甜度，又唔會浪費左海膽本身鮮甜。好特別的食法！另外皇帝蟹腳肉多及肉質絲絲爽滑，豐富了層次口感。由幾種材料配搭而成，滾滾熱湯啖啖充滿鮮味，令人回味無窮！象拔貝手打烏冬$72食材獨特，一般食烏冬店絕少用貴價食材做配菜，相當有心思。主角手打烏冬，質感軟稔度適中 彈牙，食落爽口。象拔貝爽脆而味甜，熟度剛好。而不得不提這裡有名的鯛魚湯，是全碗精髓所在。濃郁而不腥，清甜鮮香，不禁全碗湯也一同喝完。食完無特別口渴 証明

早前已經黎過食下午茶，覺得湯底唔錯，決定介紹比咀刁既肥豬過黎品嚐下！放工時間大約6:30坐位都未滿，但陸陸續續就人多！由於我介口中，所以就是但㨂左個雜菌炒肥牛湯烏東，而肥豬仔㨂左個海膽蟹腳湯飯！$72☝🏻☝🏻雜菌炒肥牛烏東，份量絕對夠食，我就鐘意加胡椒粉一齊食，更野味！魚湯出色$168☝🏻海膽皇帝蟹腳湯飯，蟹既份量唔算少，我一直都冇試過個湯，直至到我叫肥豬試下我個湯，佢就話佢個個鮮甜好多！我已經覺得自己個個烏東好好味，點知佢個個湯飯甜得黎好重蟹味，佢話啲海膽係甜新鮮並唔係會有苦味個啲海膽！另外肥豬話啲海膽熟左就冇咁好食，所以要求拎多一隻碗自己分開啲海膽！下一次 我就會食佢依個湯飯這個價錢一啲都唔貴！我地叫個餐而跟一杯熱飲，但因為張單過左$200就可以升級轉特飲，或啤酒或梅酒，我地唔飲酒就㨂左兩杯特飲，一杯 凍檸檬可樂，另一杯蜂蜜桃園！

今日同同事講開有間魚湯烏冬好正，於是我哋放工就一於去試試。黎到門口已經感受到佢濃濃的和風設計。之後我地叫左一個湯飯一個手打烏冬，另外叫左D前菜同小食。皇帝蟹腳海膽湯飯（$168）一上枱我地已經嘩聲四起。泡飯有火爐烘住以保持熱度。海膽色澤金黃，而且份量好多。蟹腳肉厚鮮甜，廚師仲好細心地預先敲碎外殼，方便食用。真係冇得頂！鮑魚花膠魚肚手打烏冬（$138）鮑魚口感夠哂彈牙，仲有唔少花膠夠哂滋補養顏。魚湯清甜，會令人忍唔住飲哂成個湯底。明太子沙律（$45）真心推介呢個沙律。明太子份量超多，而且每粒都大大粒，咬落仲好爽口彈牙，絕對值得一試。

某幾款~有明火熱住湯飯皇帝蟹腳海膽湯飯奶白色的鯛魚湯(唔腥)好鲜甜，海膽(唔苦鮮甜，口感creamy)，皇帝蟹腳有3節(每節的殼，已剪開(方便原條肉拆出)，蟹腳肉好厚身，啖啖肉(味道鲜甜)飯吸收了鲷魚湯和蟹腳，海膽的味道，每一啖飯都充滿,海鲜味另外推介~自選款式選湯底、主食、餸選左鲷魚湯底$5主食選:羽衣烏冬(第一次食，外表好得意)餸:花膠(2片)$15魚肚(2片)$15八爪魚片$9胡椒蝦(3隻)$9(忘了影相，蝦熟左~好细粒)湯底比皇帝蟹腳海膽個款湯(小了蟹和海膽的鲜味)鱿魚(彈牙)花膠煮得(淋身)魚肚吸收魚湯(惹味)夾起羽衣烏冬好得意~薄薄一片(有小,小似河粉)口感好滑(外表唔似傳統烏冬woo)甜品椰子雪萉味道好香椰子味，口感幼滑滴漏奶茶似三合一即冲奶茶(奶茶~有點失望)餐牌~好多選擇全單$311(美味的午餐)