餓居

营业中

休息中

今次嚟到太子試餓居～第一次見到有餐廳有成棵櫻花樹喺正中心🌸咁啱坐嘅榻榻米就係櫻花樹隔離，賞住花咁嘆日本菜真係幾特別🤣不過唔知嘢食方面又點樣呢？😋#厚燒玉子三重奏（口味六選三）💰$98喺menu見到咁厚嘅玉子已經覺得非常吸引🤩急不及待就order咗先！今次就揀咗大阪燒、明太子同芝士味🧀玉子燒蛋香味好重，而且又厚又鬆軟🥹就算單食唔落醬都好正！不過要排嘅話…大阪燒>明太子>芝士🫣明太子同玉子燒夾呢樣嘢大家都知，所以唔係唔好食，只係覺得兩樣食材可以再整得融洽啲～至於芝士味，如果可以再燒熔啲上面嘅🧀就更好了～#日本海膽流心忌廉餅💰$32本人係極鍾意食忌廉餅🤤所以見到呢個就一定要試下～外皮酥脆同埋入面嘅餡都好creamy同熱辣辣🔥係唔錯嘅忌廉餅～不過海膽味就略嫌少咗啲啲🤏🏻#海膽醬烏冬💰$68每一條烏冬上面都掛滿好creamy嘅海膽醬～加埋蔥花一齊食有辣辣地嘅感覺更加好食🤤不過一樣海膽味略嫌少咗啲啲🤏🏻但$68嚟講份量算抵食😛#蟹肉三文魚子漬飯💰$98三文魚子同蟹肉🦀呢個配搭十分好～但最突出嘅係蛋絲！唔係一般食乾噌噌、凍冰冰、嚡熠熠嘅蛋絲，而係又濕潤又暖又滑，喺我心目中搶曬三文魚子

店外店內都係日式既裝潢，仲有好多打卡位架📸有一大棵櫻花樹🌸可以一邊望住櫻花，一邊食野☺️又有燈籠牆🏮仲有得揀坐榻榻米🤩好似真係去左日本🇯🇵😍充滿日式設計既居酒屋🏮店內除左充滿打卡位之餘，食物都唔差架😍😋海膽醬烏冬烏冬非常掛汁，濃濃海膽味，鍾意海膽既人一流😋七味一口豚豚肉份量都好多，一口一件，肉質超軟，小朋友都好岩食😋關東煮湯底清甜，配料亦都好充足，最特別係有年糕係福袋入面😋吉列蠔外脆內軟，一咬仲要爆汁😋吉列帶子帶子大小份量岩岩好，又唔會炸到過晒龍😋紅豆鯛魚燒魚魚造型好可愛，入面既紅豆餡十足，甜度適中😋章魚小丸子新鮮出爐，調味岩岩好，有章魚粒增添口感

經常被有趣店名吸引，日式居酒屋餓居，店門充滿日本風。店內特別之處，有一棵櫻花樹，旁邊為榻榻米座位，可以係櫻花樹下進餐，好有氣氛🔅鰹魚汁豚肉鍋 - 小盛 $108天氣漸涼，最啱食暖笠笠嘅豚肉鍋每一口豚肉、嫩滑豆腐或其他配菜都帶有微甜又帶點鹹嘅鰹魚汁湯底，好入味🔅原燒玉子三重奏 $98玉子入口軟綿，蛋味香濃面層鋪上嘅三重奏，分別係芝士、明太子醬同海膽醬較喜歡明太子，少少辣，多點層次🔅海膽醬烏冬$68醬汁香濃，滑滑嘅烏冬，做到每條都掛汁單用加海膽醬已經好夠味🔅海苔魷魚鬚 $48魷魚鬚煙韌，加入海苔變得好香口🔅日式餃子 $44餃子脹卜卜，煎得金黃又香脆

6月去完日本，依家又有掛住日本美食了😌一於搵間日式風格嘅居酒屋，緩解我思念之情❤️餓居係一間位於太子，以日式裝修為主題嘅居酒屋🏮燈籠牆係打卡點之一，櫻花樹下享受美食，滿滿日本氛圍🇯🇵📍海膽醬烏冬濃郁海膽醬配搭彈牙烏冬📍波板五花腩五花腩變成波板糖咁，好過癮📍岩鹽燒牛舌送酒小吃，燒得剛剛好唔會韌📍蒜香一口牛肉質鮮嫩多汁📍吉列帶子炸到金黃香脆📍燒御手握飯團外面塗上醬油，外層燒到有少少脆📍波子汽水除咗原味，仲有菠蘿味，比較清新適合炎熱天氣🌟逢星期二及三仲有happy hour🍻大大杯生啤半價😍

跟攝影朋友去搵食, 都總會發掘到打卡餐廳。就係離太子站不遠嘅---餓居。踏入餐廳, 柔和昏暗燈光令人有種很warm感覺, 餐廳正中央有棵仿櫻花樹, 旁邊設有榻榻米座位, 非常適合打卡。餐廳供應多款日式小食、串燒、鍋物及一品料理等….【香蔥山椒胡麻豆腐】HK$38豆腐好滑, 加咗七味粉、胡麻醬同大量蔥粒, 配搭簡單清新。【厚燒玉子三重奏】HK$98分別有芝士、明太子醬、海膽醬三款口味散發蛋甜香味, 口感香軟, 芝士配玉子永遠係prefect match, 但明太子醬口味個人覺得過於鹹。【紫薯甘粟薯餅】HK$23外層鬆脆不油, 紫薯香甜味突出, 仲有少少甘粟碎, 很有層次。【海膽醬烏冬】HK$68烏冬彈牙, 每條都沾滿海膽醬汁, 鮮香味十足。【七味一口豚】HK$98豚肉切粒, 剛好一口一粒, 豚肉彈牙爽口, 加咗七味粉調味, 微辣惹味。【雞翼(2串) 】HK$58雞翼燒得香口, 帶少少焦香。【熊本一口牛串】HK$38牛粒keep到原本肉汁, 肉質林。【波子汽水】HK$21/枝

30/9 前 講夏日九折優惠碼 「Summer01」有九折優惠 太子站D出口 各式各樣嘅餐廳琳琅滿目有高級Cafe、有大排檔、有火鍋、有雞煲而唯獨是 「餓居」是一間食日本食物的餐廳而裏面嘅裝潢意想不到的 特色裏面有三個榻榻米的桌子可以輕鬆地 盤腳而坐而剛好我的桌子就對正在櫻花樹下的一張看着桌子對面的牆壁上面亦有各種紅色燈籠🏮日式感十足而美食亦毫不馬虎三重奏嘅蛋明太子醬是最好吃的，足料夠鹹壽喜燒鍋（有讚好標誌）我們叫了200 gram份量的每人大概吃到兩塊牛肉牛舌、雞串、海膽烏冬也很好