R&B (已結業)

生日當晚俾人帶咗嚟呢間食西餐為主嘅餐廳食野，地方都幾闊落。靠窗仲有啲梳化位，望住個景食野，氣氛應該都唔錯。-海苔蜜糖雞翼海苔碎滿佈成個碗，份量太多反而影響食材本身味道。加上佢遍佈成隻雞翼，食完個陣儀容有機會唔太好。雞翼係單骨雞翼，食落比完整雞翼更方便。咬落外皮香脆，炸粉唔算過厚，雞肉質感唔會太鞋身。-Breakfast Sampler餐廳有all day breakfast選擇，仲可以比客人自己剔選配料，自由度較大。呢間餐廳嘅全日早餐配料味道大多都好特別，例如焗豆同腸仔。焗豆醬汁有微微香料味，茄汁味反而唔濃。腸仔比德國腸再濃味啲，稍嫌有點油。薯餅同炒蛋都不錯，炒蛋多點蛋漿會更滋味。最驚喜係多士同培根，多士烘得金黃鬆軟，外層酥脆，白麵包鬆軟無比，帶牛油香。培根薄脆，口感似薄片豬肉乾，食落都幾香。-LemonadeLemonade味道酸中帶點清爽，夏天飲幾清涼，亦有解油膩作用。不過呢度嘅切餅費都有少少貴，會收返100蚊，想慶祝特別節日嘅朋友要留意啦。

佢嘅carbonara pie超震撼，點解可以咁多醬汁😂😋😋😋落咗勁多忌廉，但唔會蓋過蛋黃及芝士的味道！佢芝士香氣好濃郁，當然食落去都一樣咁濃郁，煙肉份量唔算少，每夾起一住都食到煙肉🥳佢真係好大份，四個人食就差唔多😋我地又叫左蒜香松露薯條🥰炸得啱啱好嘅薯條，配上茄汁、忌廉、蛋黃醬，同全部醬都好夾🥰唯一缺點就係啲醬太少了😭但啲薯條份量好多，四個人食都得！海苔蜜糖雞翼，佢係單骨雞翼，方便啲食，同埋隻雞翼四面都入晒味，海苔味出，蜜糖味就好似冇乜喎，但係雞翼真係點樣都整得好味，OK啦！😌

朋友曾經食過覺得不錯，所以推薦在這裡來個小飯聚。閒日的夜晚不算人多，加上餐廳都好闊絡，環境安靜舒適，很適合幾個朋友食個飯聊聊天。不過一看餐牌還真的不便宜呢～大家對海苔蜜糖雞翼抱有很大的期望，但都一致認為這道菜未如理想。雖然雞翼痴滿海苔碎，但其實甚無海苔味道，海苔完全是裝飾。擠了青檸汁，再點了醬汁才覺得雞翼有味。另外雞翼是單骨雞翼，用叉食反而更不方便呢。蒜香松露薯條的蒜味足，但松露太少，其味道直接被蒜味蓋了過去。如果餐點名稱少了「松露」二字，整道菜就變得十分貼題。我最愛薯條上那一球芝士，與這盤幼薯條絕對合拍，會令人不自覺的吃完一條又一條。意大利辣肉腸薄餅上的芝士和肉腸都是薄薄一片，餅底也不特別好吃，最後都剩下兩塊乏人問津。餐廳放了小蠟燭在碟子下面溫熱著牛扒，牛扒有點韌，雖說味道不錯有肉汁，但這個價錢就不值得了。配菜有沙律、薯條和芝士通心粉。整晚最愛的就是清酒木魚清湯炒蜆意粉，湯清而不淡，入口依然嚐到弱弱酒味，特別能帶出蜆肉的鮮甜，好味。後來的2個甜品由於都是72%黑朱古力，味道是一樣的，都是超甜，而差別在於質感。迷你蛋糕由頭到尾都是硬崩崩的，十分難完整地切開。而布朗尼就鬆一點，但又嫌它