炎天丼 (已結業)

之前一直都有興趣想試天婦羅丼飯，又見呢間舖有唔少好評，今日終於決定要去試試佢。海鮮天丼 $58呢個丼飯分量都唔細，炸物有流心蛋、菜心苗、茄子、蓮藕、虎蝦、魷魚及蟹柳棒。天婦羅炸得幾出色，表面薄薄一層炸粉，食落都唔會好油。建議將流心雞蛋同飯撈埋一齊食，會無咁乾。炸蓮藕好好食，口感脆脆哋仲帶有甜味。比較特別嘅係有炸菜心苗，真係第一次食到。海鮮天婦羅配信州蕎麥麵 $56炎炎夏日最適合食蕎麥麵，撈埋醬汁一齊食，口感好清爽。椰菜花好有驚喜，好好味。唔會炸到好乾身同埋好柴，可以保留到佢原有嘅味道。整體來講，天婦羅嘅質素好高，呢個價錢都真係幾抵食。

提起天婦羅丼飯，大家可能會即刻諗起幾間日本🇯🇵連鎖過江龍，唔知呢一間同樣專門食天婦羅🍤嘅良心小店會唔會俾到驚喜呢。海鮮天丼 $80（流心蛋，菜心苗，茄子，蓮藕，甲紋魷魚，蟹肉棒，虎蝦）一上枱就覺得好靚，樣樣野都炸到金黃色🤤，而且全部都係好貼皮好靚仔，唔會好似有啲天婦羅咁甩皮甩骨。入口超香脆，索索聲好治癒。未試過菜心🥬天婦羅，覺得好特別，原來又有幾好食。虎蝦🦐唔算好大隻，炸完之後入面仲係半生熟，係刺身嘅感覺，個人好鐘意。🥚橙黃色嘅流心蛋黃好香濃，加埋啲珍珠米🍚一齊食，格外有風味。而天婦羅汁偏向淡口帶啲甜味。略嫌飯同餸都唔係好夠熱，係室溫。海鮮天婦羅配信州蕎麥麵 $73（甲紋魷魚，蟹肉棒，海老，菜心苗，椰菜花）同樣炸得好金黃，但佢嘅魷魚🦑就得一舊而且比較細。而海老🦐就同丼飯嘅虎蝦應該一樣，不過朋友就唔鍾意佢比較生嘅感覺。蕎麥麵大大一碗，不過個湯同麵🍜都係室溫暖暖地，唔係好夠熱。我覺得以小店黎講算係相當有驚喜，可以及得上連鎖店嘅水準。雖然仲有進步嘅空間，但價錢味道都合宜，值得一試👍🏻。