Paper Moon

营业中

休息中

第一次食咁貴嘅餐廳🤭多謝小編朋友請嘅生日飯😆呢度嘅食物質素係好嘅，但主要係食個景，成晚有得望住個維港食飯感覺自己做咗上流人士😏一嚟就會擺低餐前麵包，雖然我唔鍾意橄欖但佢個橄欖包嘅橄欖幾清爽濃味都食得落口😂海鮮意大利飯嘅份量就真係細咗d，兩三啖就食晒，但醬同飯嘅配搭啱啱好，海鮮有蝦、帶子、青口，都新鮮嘅😗之後就嗌咗呑拿魚薄切，味道係薄嘅呑拿魚刺身加d酸酸鹹鹹嘅汁，非常開胃🤤重頭戲係穀飼牛柳⭐️煮得好夠淋同入味，牛肉咬落有咬口得嚟又唔會韌，配埋佢個胡椒汁有微辣醒神嘅感覺，薯蓉亦好滑🥰食完海鮮飯都唔夠飽就嗌多個pizza😂估唔到有驚喜⭐️佢嘅pizza係用嗰d傳統石爐烤焗，批邊都整得超級好食😆辣肉腸絕對係pizza經典，配埋佢嘅辣椒、洋蔥同薄批底，唔會太辣又夠晒惹味🔥士多啤梨酥餅係餐廳主打，見openrice好多人嗌，但食落冇乜驚喜，鬆脆嘅酥餅夾埋d吉士味嘅cream，覺得唔係好使試😂

今年生日去左Papermoon 慶祝 上次黎過覺得個海景好無敵 所以生日想再感受下!已經早左好多book 但都係book唔到近窗既枱😫 無窗都唔緊要 點知安排左張放係走廊既枱咁 時時刻刻都有唔同既人行黎行去 有幾個員工長期企係我背後 感覺好似怪怪的講番餐飯 叫左3個main, 呢個risotto 偏淡但開胃 唔會有好漏既感覺呢個海膽意粉都係偏淡既但我都覺得唔錯 因為食3個main既話如果樣樣都好濃味會好太飽 塊海膽都幾新鮮最好味係個pizza, 好香脆又多海鮮!呢個甜品都唔錯 唔太甜! 但得地真係食到太飽了 最後都唔係好食得晒.今次個experience比上一次黎差好遠 d staff又好似唔想show我地咁 唔知係咪因為無嗌到酒 下次如果book唔到窗邊位其實未必會黎 因為食物方面只係合格

呢間海景餐廳食正維海個view。餐廳有indoor 同 outdoor，indoor 既setting 都幾靚，outdoor個靚景更加唔洗講。兩個人order 左海鮮意大利飯同辣肉腸pizza。海鮮意大利飯，好juicy 而且做到al dente 既效果，好岩我口味。pizza 個皮好薄，味道幾好。原本以為兩個人會食唔哂，還好個飯portion 唔算大，個pizza 個皮亦好薄，唔好太滯，仲有空間食甜品，所以就叫左個士多啤梨千層酥，呢個真係值得一試，個酥皮係超級脆，個吉士都做得好好果，如果可以再多d士多啤梨🍓果肉就滿分啦。食完仲可以係出面食下海景🌃飲下紅酒🍷消化下。服務方面，Samuel 經理都好好人，除左好識講嘢外，仲比我地試左一款好有茶果味既酒，好可惜我已經唔記得左個名😅

海港城依排做緊消費優惠，會送shopping and eating coupon所以先黎試下依間出名海景既fine dining 餐廳我地兩個人，叫左個湯，飯，pizza,同一個甜品，pizza 食剩一半打包，其他都清哂兩款餐包都唔錯，一款係偏扁身同硬身，另一款係軟身d, 個人鐘意軟身個款，最讚係佢隻醋！！偏甜，唔係酸，點包好好食牛肝菌湯好creamy~~先上飯， 海鮮就係兩隻蝦，一隻帶子，同一隻青口，飯粒好硬身，芯仲差少少，都知意大利飯係甘，但可以再煮透多d比較好，依家真係食到一條硬芯， 飯仲有d 菇類，但食落唔似菇味，反而有少少海鮮味風乾牛肉pizza, 牛肉偏鹹左少少，pizza 底唔會好薄或好厚，依個岩岩好，批邊夠脆，依個唔錯！我地仲加左個side dish 菠菜，正常水準食埋個甜品真係好飽，面頭d cheese 味淡淡地，但質地好厚身好creamy可惜個底唔夠咖啡同酒味，真係差甘d甘樣食左$880~~但個景真係唔錯，如果想近窗邊位要提早好耐bk定