The Boathouse (已結業)

好耐無去赤柱，不竟揸車都要個幾鐘。。。真係想睇睇有無咩唔同，於是早一星期決定了去lunch順便行吓！受到颱風嘅影響，今日嘅香港熱到36度，仲要哂到無朋友，響廣場泊車行去大街餐廳短短一條路，好似行咗十萬九千里。。。由於book位講咗要indoor，被安排在二樓，阿麻上樓比較辛苦！睇完餐牌，由於有老人家，所以我地決定share食物！由於樓梯無遮擋，而且只得一部分體式冷氣，所以場內係唔夠凍，我地一路食一路流汗。。。所以食完都唔想再坐即刻埋單走！嘆唔到喇！

是日老公放假，該日天朗氣清，風和日麗，於是下午往赤柱閒遊，沿著赤柱大街而行，正在心大心細，去邊間食肆覓食，又係美利樓經過這船屋，難得不用等位，十分雀躍店內客人不多，可以揀位坐，室內、室外、窗口位置也多侍應全是外藉人仕，服務態度頗不錯，原想order海鮮桶，由於不喜吃奶類、芝士和白汁之混合汁液，她建議menu上原定的白酒蒜蓉忌簾汁，可以註明棄用忌簾，正是我心意海鮮桶----內有藍貝-肉質普通，不算鮮甜，但味道算是最好的了。蝦-肉身算爽口，但不覺鮮甜花蛤：雖然幾大隻，除不鮮甜外，肉質還有點韌凍咖啡：味道幾好，頗香濃(最重要沒有酸味)生啤：我一啖也沒有嚐，老公話幾好和煦的陽光照耀室內、陣陣清爽的涼風吹來，吃著海鮮、喝著凍飲，遠望海岸，個人一下子內心很寧靜、很滿足雖然食物沒有驚喜，但也不是十分差勁，而食肆環境優雅、窗外風景怡人、加上服務也很不錯，值得比個笑臉(用滙豐白金咭有九折)

老公生日, 諗左好耐同佢點慶祝 , 黎呢度食飯係其中一個慶祝項目之一原本BOOK左晚上7點, 但由於下午冇野做,就早少少入黎食, 黎到唔駛等位, 亦都可以坐到Bacolny Table所以好開心AR!!坐低就ORDER左個海鮮桶, 蒜蓉包,同心太軟, 不過個侍應D態度唔係太好,海鮮桶到左LA , 好好味, 成桶海鮮都好好味, 好新鮮但係等左好耐都未有蒜蓉包 , 問一問先知漏左冇ORDER , 唔緊要LA, 就當係比多少少時間比我欣賞下STANLEY 風景LA蒜蓉包黎到LA , 都係好味,除左點佢原來的醬汁, 我地仲點海鮮桶個D , 好好味, 食到好飽!反而心太軟就麻麻地LA , 無咩驚喜最唔開心係明明問左HSBC 係唔係有10% 折扣 , 點知佢唔記得左, 冇折扣之外,佢仲唔肯幫我地CANCEL 返張INVOICE,,,只係話請返飲品比我地, 冇辦法LA,,,,但係我地呢餐就變左冇折囉...CHEAP AR!

連日大雨，趁有藍天白雲去赤柱走一趙，最終是為了要食Boathouse。原安排坐室內，難得好日子，當然要坐室外感受一下赤柱大街的熱鬧氣氛，因為有海風吹來也不覺悶熱。老公後前要了兩杯冰凍啤酒來解解渴。之後再個熱烘烘的豬仔包。海鮮桶有黑青口、蜆及蝦配以蒜蓉白酒忌廉汁，我對於海鮮只是一般，最不放過是附了一細桶的忌廉汁，有蒜蓉的野味、白酒的清香及忌廉的美味，用來點鮮味的海鮮及不凡的麵包同樣滋味。另外再附上一片蒜蓉包，完全唔脆口，而且亦缺乏蒜蓉香。Baby ribs配炸薯角，六大條的豬仔骨，每條也沾醬了濃稠的燒醬汁，帶點微辣美味非常，骨肉鬆化不乾；那一大埋脆薯角灑上鹹，不油不膩，十分香脆可口。飽餐後，甜品當然不可缺的一環，餐牌上的5、6款甜品，每款也想試，最後還是要朱古力的，兩個賣相也很精緻。Chocolate pecan pie-批的質地好實，不夠鬆化，又沒有牛油香。Death by chocolate是心太軟，焗得過火沒有流心之餘，還有陣陣燶味，基本上是食唔到朱古力味。環境當然是一流，食物都有水準，HSBC亦有折扣優惠，只差在服務態度麻麻。