南대門3號

营业中

休息中

行開韓國街應該都唔會陌生，呢間南大門有幾間分店分別主打韓國菜、韓國燒烤等，成日路過都見到呢個親切嘅韓國叔叔做招徠，去嘅時候店內滿座都好有禮叫我哋喺門口坐住等，仲有大風扇吹住添🤣🌀鐵板烤牛肉蓋飯 ($89)想食鐵板蓋飯但又唔食得辣就叫咗呢個，係醃好嘅牛肉片同埋一啲椰菜蔥炒成，肉份量都唔少，肉汁好適合撈飯食😙辣泡菜炒飯 ($82)呢個會辣同埋相對比較油膩，因為用咗豬腩肉一齊炒，望落好似冇乜料其實係豬腩肉收晒喺入邊🤣而且泡菜唔會太酸，不過我就期望係太陽蛋多過熟蛋😛海鮮煎餅 ($143)煎餅係比較薄身唔會好重麵粉感，上滿滿嘅材料同埋蔥，煎到有啲脆邊，不錯不錯~

南대門3號 (尖沙咀) 朋友介紹試吓呢間屹立韓國街11年嘅小店，裝修幾新同舒適，平日都坐滿食客。嘢食份量全部都大份夾抵食，岩哂同朋友share 🤣⭐️三款開胃前菜 （Free)⭐️ 海鮮煎餅 ($143) 海鮮煎餅真係做得好出色😝 超大份煎餅入面海鮮同蔬菜餡超足料！煎至金黃色，表面脆香而內裡鮮嫩，有剛出爐嘅鑊氣✨脆皮嘅煎餅口感十足，配埋醬油食，大滿足 💕⭐️ 面豉大醬湯 +飯 ($85) 🍲湯底用上韓國傳統嘅大醬釀製而成，帶有濃郁嘅豆醬味道，再加入鮮甜嘅蜆肉、豆腐同蔬菜，濃厚嘅大醬湯散發出撲鼻而來嘅香氣，鹹度適中，亦係比較健康嘅選擇👍🏻⭐️ 鐵板烤牛肉蓋飯 ($89)呢個性價比好高！滿滿嘅薄片牛肉喺鐵板上慢慢烤熱，軟軟嘅肉質鮮嫩多汁，加埋滋味嘅獨特醬汁，令牛肉更顯鮮味。高麗菜嘅份量同牛肉一樣多，做到好好嘅平衡，滿足得嚟唔會太膩 😚💰HKD 130 p.p for Dinner

好耐冇去尖沙咀食，近排有朋友去左韓國，但我冇得去，所以想搵韓國野食過下癮🤣今次黎到尖沙咀呢條「韓國街」，見到呢間南大門3號都坐滿哂幾多人食，所以就揀左呢間黎食～侍應大部分都係韓國人😍但佢地都可用簡單英文溝通幫我地落單/賣單👍🏻我地叫左三樣平時係韓國餐廳都常見既菜式，包括紫菜包飯、海鮮煎餅同埋鐵板烤醬醃牛肋骨～叫咗嘢食之後仲有四碟小菜，今次有泡菜、醃青瓜及白蘿蔔、粉絲同埋芽菜～泡菜係醃大白菜，辣度比較一般餐廳既辣啲🌶🌶青瓜同白蘿蔔絲都係甜甜酸酸，甜度多啲、酸度少啲👍🏻呢兩樣伴菜食落都好清爽開胃！芽菜味道清新，主要係食其他濃味食物可以清下喉嚨～粉絲有少少醬油味，調味適中，口感Q彈，好正宗既韓式粉絲😋紫菜包飯餡料有腸仔、蛋、青瓜、胡蘿蔔絲、酸黃瓜，仲有淡淡既麻油香味！我好中意佢既配料比飯既份量多，足料之餘唔會食完飽哂食唔落其他菜式👍🏻海鮮煎餅一上枱已經香噴噴煎餅外層煎得非常香脆，即使放凍左都唔會腍哂😝內裡有啲長蔥，口感則有啲似煙韌既蔥油餅海鮮方面亦有唔少元貝、魷魚、八爪魚、紅椒仲有魚露，蘸少少令煎餅更加惹味🤤鐵板烤醬醃牛肋骨一上菜已經覺得好大份 而且勁多肉！烤醬醃左既牛肋骨肉全部都好入味有烤

個日咁啱想食嘅串串搬左😭又咁啱走過去金巴利道！咁就不如食返間韓國菜啦～行完一圈都係鍾意個阿加西叫我地入去🙈咁就入去食返間地道嘅韓餐啦🤣開始會有姐姐送上四碟小菜（南瓜、茄子、泡菜同芽菜）😳都好好味 有返韓國餐廳應有嘅水準～🧀辣炒芝士年糕 💰～72芝士拉到好長嘅絲！不過好快就變成一舊舊😢但係都係好惹味🥰年糕好煙韌！但係又唔會好似出面個D特別硬🍕海鮮煎餅 💰128係用厚厚嘅一層麵粉整架！所以咬落去唔係脆卜卜而係好厚嘅一層餅！啱曬我呢啲鍾意厚身嘅人😍海鮮都超級多！好多蜆肉 搭配埋大蔥真係純正嘅韓國味道～🍜辣醬水冷麵 💰～80用蕎麥麵竟然唔係煙韌嘅口感😳而係淋patpat又好大一舊嘅麵😍雖然加左辣醬但係又唔會好辣！而係有返D層次個口感 唔會單調喔😀入面會有半隻蛋、一塊牛展同一片梨！我就嫌牛展太老啦好難咬得郁😫🧆血腸 💰～78真係不得了！除左點姐姐比我地嘅海鹽之外 我仲試左醬油！估唔到都幾好味（上網search左原來都係濟州島嘅食法🤣）可能有D人會食唔慣！但係真係極力推薦初試者要嘗試下！過左兩個禮拜我仲係好掛住佢陣味道😭

本身想食韓屋，點知門口已經排左好幾個人，太肚餓就去左隔離食前菜都幾好味架，我最鍾意食泡菜同薯仔個雪濃湯一黎到就已經係裝得一半咁少，個湯偏咸，牛肉乾柴，不推薦相反個海鮮煎餅又唔錯喎，一黎到我已經忍唔住咬左一啖先😂😂煎得香脆，料又多，唔會淨係得個餅底加少少料喺面正當我地食到7788，傾左幾句計，檯面仲有一件煎餅諗住陣間食埋佢既時候，有個原本喺門口招客、講韓文既男人過黎用韓文問我地食飽未？再用英文表示出面有人等緊，叫我地埋單😧我打左個突，因為我地都唔係傾左好耐個種，仲有野未食完😓anyway我地梗係即刻走我唔係想話覺得佢地錯或者好嬲，因為對於出面要等既人黎講其實仲好添，快啲有位。講出嚟想大家知道呢度唔岩大家一邊傾計一邊食😂同埋第一次遇到呢啲事，係幾突兀既😂