韓珍 (寶勒巷)

营业中

休息中

好耐冇食韓燒，記得之前在hktvmall購物儲分換了韓珍的cash coupon，食過質素唔錯，加上都幾多韓國人幫趁，比較有氣氛，事隔兩年又再幫趁。＊＊＊＊＊＊＊＊＊＊＊＊＊＊韓珍店面都幾大，可以容納過百食客，座位不會太擠迫，抽風系統幾好，不會有好大油煙味。由於韓珍同旁邊的Chir Chir韓國炸雞是同一集團，所以店內除了韓式烤肉外，同時也可以點韓式炸雞。原本一心打算來吃八色烤肉，因為幾次去韓國旅行都冇機會食，但見到韓珍有個慶州韓牛二人套餐($1,088)幾多野食幾吸引，所以最後都揀左韓牛。雖然這個套餐索價過千元，但份量同質量都交足功課，正常兩個人食都好難食得完，我會建議3至4個人才點，寧靜不夠吃再單點多一款主吃。前菜選擇超多，因為太多野食，基本上前菜都不用再追加。其中我比較喜歡菠菜和醃牛塝。芒果酸奶蔬菜沙律份量幾多，足夠三至四人分吃。內有芒果、沙律菜和車厘茄，以酸奶代替沙律醬幾特別，感覺也較健康。粥煲得夠綿滑，不會太杰，食完仲有大把位食其他食物。海鮮煎餅煎餅直徑有９吋，都幾大份，內有很多章魚和蔥，所以食落幾有咬口，不過煎餅略嫌粉太多，非常飽肚。蛋餅原本套餐包括一客葛根水冷麵或螃蟹大醬

2019年7月21日。晴。尖沙咀。雖然我唔追韓星，亦唔睇韓劇，但韓燒就～～～呵呵！呢日嚟個韓燒double date～座位闊落，坐得都舒服，最要係同其他枱有足夠嘅距離，唔會聽到啲不堪入耳嘅歪理（大家明嘅就明喇～）既然係double date，咁揀四人餐就最好喇～芒果酸奶蔬菜沙律同餐牌上嘅樣幾乎一樣！芒果同啲菜都新鮮，唔錯～但更欣賞嘅係一齊上枱嘅多款配菜～～～加加埋埋有六款咁多，正！海鮮煎餅可以揀泡菜煎餅或者海鮮煎餅煎餅香酥但唔油膩，加埋個汁更好味～炒牛肉粉絲味道濃郁，粉絲軟滑，蘿蔔絲爽脆，口感豐富～韓牛扒 x 2重頭戲嚟喇～～～四人餐有兩塊超級大塊又勁厚嘅慶州千年韓牛肉一塊西冷、一塊肉眼（每塊300g）（另一塊擺得有啲遠，所以影唔到）正當我哋諗緊要點處理呢兩塊牛扒嘅時候好彩有店員過嚟出手相助，幫我哋燒同剪牛扒肉質嫰滑，完全唔會有牛羶味，極度鮮味～牛肉上枱嘅時候仲會配埋海鹽同玫瑰鹽，唔落已經好好味，落咗就非常之咁夾喇～烤大蝦另一重頭戲就係大蝦～一人一隻，好大隻燒嘅時間比牛肉耐，但都唔錯～螃蟹大醬湯唔鍾意呢個湯嘅可以揀葛根水冷麵（2碗）湯微辣，不過入面除咗蟹之外，仲有蜆，令個湯更鮮甜！牡蠣

我個人鍾意食韓國菜，約朋友佢地無意見我就會揀韓國嘢，今次搵咗呢間，可惜。。。網上訂枱，6:30去到坐低，因為仲有一個朋友未到，所以我地三人口只叫酒飲住等，但真係肚餓，店員又唔比前菜，唯有叫咗個煎餅食住先，再問店員比前菜，不過真奇，食開韓國嘢嘅我一向都一坐低就會比前菜，呢到咁特別。。。最後一位朋友嚟到我地即刻點餐，原本再點了燒鰻魚，但無嚟，到埋單佢先話無貨，點解落完單唔過嚟1講呢？呢到食物質素唔高，服務都唔係好，點解會有咁多韓國人嚟幫襯呢。。因為網上訂枱有九折，所以埋單都只係一千零幾，但我地唔會再幫襯囉！

韓珍,坊間充斥很多傳聞,什麼D-Gragon父親有股份,什麼韓星訪港撐場..畢竟韓國文化軟實力雄厚,PR推手很pro,屬真屬假,大家嘻嘻哈哈剝花生,不要太認真."Op... Op.. Oppaaaaa!!!!"於韓珍遇見那麼多靚仔oppa倒是真的,這些機會不是人人有,只屬於幸運的人,而那種幸運是壽星女才有~當然我在胡扯!可是顏值超強的韓仔確確實實坐満了四五檯!Eye Candy可比美法國餐後免費的Petit Four,在座人仕無不樂上半空!離地完畢,返回地球!生日飯聚,大顆兒一邊聽K-pop一邊飲米酒,一邊韓燒一邊睇靚仔,很有網劇"吃的存在"feel..追開韓劇的朋友,多少對該國飲食文化留下"階級"印象,就是有錢人吃韓牛,一般人就食五花肉,普通百姓勞動階級鐘意燒豬皮豬腸,窮家女總愛帶冨二代啜雞腳,而男女老少砍酒很勁不過酒品很差.我們並非扮有錢人,只想嚐嚐不同材料,於是除了{海鮮煎餅}和{梨汁拌生牛肉},就點了個{雜錦拼盤}算了,而沒有選到馳名的{八色五花肉},其實拼盤已包含了無色五花肉和其他豬物了.是晚菜餚