Ssal Bori Ssal

营业中

休息中

🙋🏻‍♂️餓底探員去咗尖沙咀調查呢間韓國菜，餐廳有多款正宗韓式地道美食，環境舒適，好似置身喺韓國用餐咁，店外長期現人龍，有唔少韓國人顧客，人氣爆滿🐖韓式豬手&五花肉 $318🙋🏻‍♂️表示個豬手同五花肉份量超多，配上沙律，生菜同醬料，豬手口感香軟，五花肉脂香爽口，用生菜包住啲肉同沙律一齊食，食落清新又可減低膩感🍜招牌海鮮拉麵 $105🙋🏻‍♂️表示拉麵麵質爽彈，配上青口，蜆肉，大白菜等配料，味道辛香又有鮮味，充滿韓式地道風味🦑海鮮煎餅 $149🙋🏻‍♂️表示個煎餅煎到金黃色脆卜卜，口感非常酥脆，入面有魷魚，蔬菜等配料，配上辣汁，食落香口惹味📈吃貨指數😋好味度 9/10🔙返啅度 9/10

Bookmark左呢間餐廳好耐琴日終於去試到！雖然我唔係最鍾意韓國菜但係間中就係會想食下韓國野😂1. 海鮮煎餅個煎餅上到黎熱辣辣，裏面都幾多魷魚，外皮少少脆，加埋個酸甜既醬汁，難怪咁多人推薦2.部隊鍋呢幾日天氣開始凍所以就點左個鍋，不過呢個就相對普通，而且我係好唔食得辣既人😂所以呢個辣對我黎講已經係極限3.米酒米酒有好多味，連紫薯都有，我地就揀左原味，都幾好飲😍今次冇話題別驚艷，如果下次再黎會想食下蛋卷，芝士泡菜炒飯，炸雞🍗Overall: 7/10

尖沙咀韓國街不嬲都多韓國餐廳選擇，今次同朋友揀咗嚟食呢間Ssal Bori Ssal🤔 我哋下晝兩三點到好好彩唔使排隊就有得入去食👍🏻 裝修簡單，牆上面貼滿韓式海報🇰🇷Mak So Sa ($110)用韓式米酒裝住，好適合同朋友一齊飲🍻佢係米酒，燒酒同雪碧混合嘅韓式Cocktail，好特別好好飲🥰🥰 飲落去甜甜地，唔會好覺有好重燒酒嘅嘅酒精味，又會飲到淡淡嘅米酒香😋 入口亦都非常順滑，超級容易入口🥳海鮮煎餅 ($149)非常之推介呢個海鮮煎餅，超大塊好適合大家share一齊食🤪 外層煎到金黃香脆，粉漿亦都唔會太厚，好容易食到入邊海鮮材料嘅味道🥰 配埋個辣醬，非常之開胃，絕對值得一試👍🏻韓式蟹籽泡菜石鍋飯 ($120)本身以為冇乜特別，點知原來成日都好有驚喜🫨 白飯上面鋪滿蟹籽紫菜，熱辣辣嘅石鍋煲將啲飯煎到有少少焦香🤩 撈埋蟹籽，酸辣嘅泡菜，再加上充滿芝麻油味嘅紫菜，超級match 🥰會令人一啖接一啖咁食醬油蒜蓉炸雞 ($112)呢個炸雞就比較一般，外皮雖然炸得夠脆，但係雞肉肉汁較少，食落較乾身🥲 醬汁亦都唔多，味道唔突出，令整體感覺食落較乾部隊鍋 ($298)好豐富，好大兜嘅部隊鍋😋材

ᗦ↞◃ ᗦ↞◃ ᗦ↞◃ ᗦ↞◃ ᗦ↞◃ ᗦ↞◃ ᗦ↞◃ ᗦ↞◃ ᗦ↞◃ ᗦ↞◃ ✨ 海鮮煎餅 $149非常足料，最鐘意佢外面煎到脆卜卜，同個辣汁非常夾😋✨蛋卷 $133蛋捲就比較普通，冇乜味，但勝在超大份量，仲有好多茄汁同沙律醬🥫✨招牌海鮮拉麵 $105上到嚟熱辣辣出曬煙，超濃海鮮湯底，用嘅係辛辣麵✨芝士泡菜炒飯 $120超多芝士🧀 奶香濃郁，同泡菜非常之夾，但食到後面會有D 漏ᗦ↞◃ ᗦ↞◃ ᗦ↞◃ ᗦ↞◃ ᗦ↞◃ ᗦ↞◃ ᗦ↞◃ ᗦ↞◃ ᗦ↞◃ ᗦ↞◃ 📍 Ssal Bori Ssal 尖沙咀金巴利道78號金輝閣地下B號舖

尖沙咀韓國街有唔同嘅韓國嘢食，餐廳內裏裝修好地道，提供正宗韓國料理，店面唔算大但走一個韓國地道溫馨路線，可以舒舒服服咁享受正宗既韓國美食，亦都留意到有韓國人幫襯😍😍😍海鮮煎餅 $149呢個海鮮煎餅不得了，表面非常之脆口，內裡又做到鬆軟，而且配料非常足料，有好多魷魚粒🐙，另外仲有啲蔥調味，亦提供了一個酸辣醬汁，等味道冇咁單調韓式豬手&五花肉 $318🐖呢個係餐廳人氣之選，幾乎每一台都有叫，咁我當然要即管試一試。一上枱見到份量都好大，而且幾特別，食落就知道起碼要三、四個人先食得晒。仲有配生菜🥙同埋兩款不同嘅醬汁。韓式豬手骨膠原非常豐富，而且好入味，最鍾意起晒骨啖啖肉。五花肉就肥瘦適中，亦都唔會好乾柴，必叫👍🏻燉豬肉陪飯 $138🍲🍲🍲湯底鮮美，店員更加提供三款嘅材料，辣醬、胡椒、鹹魚仔，等自己可以適當調味，入邊有好多蔥以及豬肉，最後仲可以加埋飯入去，成為湯飯，慢慢慢慢食哂成個飯😍Mak so sa $110食韓國嘢點少得酒呢😙呢到有好多馬格利酒提供，但最後見到有款有得溝酒就揀左😆😆米酒、燒酒以及雪碧組成既韓式cocktail，由於溝咗雪碧酒精味道就冇咁濃郁，適合大家一路食嘢一路傾偈一路飲嘢

♡◌ ◍ ◯ ⊙ ◌✐ 𝙍𝙚𝙫𝙞𝙚𝙬.📍Ssal Bori Ssal𝕃𝕠𝕔𝕒𝕥𝕚𝕠𝕟: #breadaholic_tsimshatsui𝕋𝕪𝕡𝕖: #breadaholic_restaurant .❅ 海鮮煎餅 ($149)❅ 韓式豬手 ($310)❅ 燉豬肉湯配飯 ($138).//bookmark了超久的一間韓國餐廳, 終於有機會來吃看看 - 隨便點的菜式全部都很好吃, 難怪每次經過尖沙咀都看到很多人在排隊!! 韓式豬手肉質嫰滑, 每一口都是滿滿的骨膠原, 分量很大適合三至四人分享 ( ´▽｀) 另外很推介他們的海鮮煎餅, 煎得外脆內軟, 加入了很多海鮮超厚身!! 一般的韓式料理都比較重口味但這裏也有比較清淡的選擇 - 燉豬肉湯跟menu上的照片長的有點不一樣, 加入了超多韭菜, 感覺很健康養生~//.◌ ◍ ◯ ⊙ ◌

🦑海鮮煎餅💰$149🍚韓式石頭飯（牛）💰$120🍖韓式豬手&五花肉💰$318.⚡最近睇《第六感》第3季，又挑起咗食韓國野嘅筋🥹即刻去尖沙咀韓國街覓食，見呢間韓國餐廳店仔細細內裏又骨緻，就決定食佢解下饞🤤店員大部分係外國人，但廚師係🇰🇷韓國人！店舖牆身痴滿唔同韓國poster同graphic，真係有啲似去咗韓國，小女子6點入座，好快就坐滿人+大排長龍，仲有枱食客係韓國人，睇嚟真係揀啱咗餐廳🤣.⚡本身以為呢到嘅價錢偏貴，點知其實性價比勁高，🍖韓式豬手&五花肉勁大盤！😱3-4個人share都得，豬手軟霖有咬口，配上醬料+生菜勁夾；五花腩都出色，除咗就咁配生菜食配白飯都好一流～.⚡🍚韓式石頭飯同樣好！大！份！要3個人先食得晒嘅節奏😂仲要有飯焦勁香口，撈埋拌飯醬（定辣醬）味道好正宗🥹另外仲有雞/豬/素嘅款揀～🦑海鮮煎餅超足料，肉眼可見每粒魷魚有拇指咁大+厚，粉漿唔會過多、食完唔會漿口，大推！👍🏻.⚡呢到嘅酒品選擇都多，真露、米酒、馬格利酒都有，唔飲酒試下酒品都好正，下次冬天嚟一定會試埋個豆腐海鮮湯😍

結論放開頭，呢間餐廳係我哋暫時食過最好食又最啱口味嘅韓國菜，門面雖然低調，但入面都幾有韓國Fᴇᴇʟ，恍如置身於韓國😳海鮮煎餅 $149Sɪᴢᴇ夠哂大份，仲預先切開一小塊，非常貼心，有蝦，魷魚，蜆仔，煎到外面脆卜卜，入面都比較軟糯，點埋個汁，真係超級惹味👍🏻原味芝士粟米炸雞 $195一座山嘅炸雞，芝士多到唔洗錢咁，用上有骨嘅雞件，但食落一啲都唔粗糙，調味都恰到好處，仲會食到粟米嘅甜味，好正🫶🏻韓式炆牛尾 $198一食就覺得好有韓國家庭菜嘅味道同感覺，牛尾有好多嚿，嚿嚿都炆到好入味，送飯一流，食落又夠軟身，仲食到好多骨膠原🤣 呢個必點❤️當日見到唔少韓國人幫襯，睇嚟係幾正宗嘅韓國料理😚

韓國街咁多餐廳，但就唔係間間都好食，呢間正宗韓國料理就好好食，經常排長龍，仲有唔少韓國人專登嚟幫襯，真係好似喺韓國嘅小店食飯咁嚟呢度好多人都會叫韓式豬手，人唔多仲可以叫豬手同五花腩雙拼，一次過可以試晒兩樣豬手好淋好入味，半肥瘦嘅五花肉加埋泡菜用生菜包住食，油膩感冇晒，食多幾舊都冇問題大推呢度嘅海鮮煎餅，餡料豐富粉又唔多，仲煎到脆卜卜，配埋辣汁真係冇得輸好鍾意飲韓式嘅湯，純豆腐海鮮湯係首選，夠鮮味又辣辣地真係可以餸到一碗飯蛋卷入面有火腿、蔥花、仲有好邪惡嘅流心芝士添

Ssal Bori Ssal 尖沙咀金巴利道78號金輝閣地下B號舖味道評分:☄️(必食之選)>☀️>🌤>⛅️>💨落單後會先上枱3款前菜：泡菜、豆芽、魚糕✨特別想提一提，佢地的泡菜入口清甜，之後慢慢辣，後勁十足🤣☄️海鮮煎餅 $149必點推薦‼️煎餅做到外脆內軟的極致，口感好好😙想講魷魚勁大舊，已經唔可以用「粒」嚟形容，要用「條」🤣🤣☀️芝士粟米炸雞 甜辣味 $195好驚喜的位係有飯焦食😍飯焦+芝士+粟米依個組合好味😋有骨炸雞份量好多，每個雞塊都沾滿口味淡淡的甜辣醬，配搭芝士後味道會更濃郁☺️☀️蛋卷 Egg roll $133有媽媽的味道，口感順滑🤤整到好厚食落超滿足🫶🏻蛋卷表面仲有好多沙律醬同蕃茄醬，好難唔好食🤣☄️Mak So Sa $110有燒酒的氣味+米酒的味道+最後用雪碧的甜味中和翻燒酒的啃，成件事都好match，同埋易入口好多😙❤️‍🔥獨特韓國菜式幾多選擇～❤️‍🔥餐廳環境温馨地道~ 另收加一服務費~

每次想食地道韓國菜都會去到尖沙咀，「𝐒𝐬𝐚𝐥 𝐁𝐨𝐫𝐢 𝐒𝐬𝐚𝐥」定價親民，有多款獨特韓國菜式﹑馬格利酒選擇😍 難怪有咁多韓國人幫襯，質素有保證👍🏻.ᐟ ❝ 小菜 ❞坐低店員就送上韓國小菜，有泡菜、芽菜、蒜苗，清新開胃，仲可以免費refill添.ᐟ ❝ 韓式五花肉 $𝟐𝟖𝟎 ❞五花肉肥瘦相間，唔會膩口，夾埋新鮮生菜﹑韓式醬料、沙律菜一齊食，口感豐富，超滿足🤤 份量亦好多，足夠3-4人share.ᐟ ❝ 海鮮煎餅 $𝟏𝟑𝟗❞海鮮煎餅好厚，外面煎得香脆，內裡塞滿八爪魚、韭菜、洋蔥，做到外脆內Q😍 作為下酒菜就最適合.ᐟ ❝ 花蛤大醬鍋 $𝟏𝟎𝟑 ❞大醬湯係韓國人最愛既家常湯飯，呢度就食到正宗味道.ᐟ以石鍋送上夠哂熱辣辣🔥 仲附有白飯一碗，送湯一流.ᐟ大醬味道濃郁，調味剛好，唔會太鹹～有齊花蛤、蘿蔔、豆腐、櫛瓜、蔥花，非常足料.ᐟ ❝ 𝑴𝑨𝑲 𝑺𝑶 𝑺𝑨 $𝟏𝟏𝟎 ❞地道韓式cocktail，用米酒、燒酒、雪碧整成，咁大壺先$110，非常抵飲👍🏻.ᐟ 比例控制得幾好，入口香甜，酒精濃度唔會太勁，好岩女仔飲.ᐟ

話說已經嚟過呢間喺尖沙咀嘅韓國餐廳幾次，但次次都懶得影相，今次終於的起心肝🤣 每次有朋友問我尖沙咀有咩好餐廳介紹，或者香港有咩好食嘅韓國餐廳，我都會推介呢間餐廳！🐷韓式豬手拼五花肉 ($308) 份量好多，豬手入味得嚟，肉質唔會韌，豬皮煙韌仲好有膠質🤤 五花肉肥瘦剛剛好，用跟配嘅生菜或娃娃菜包住兩款肉食，啖啖肉超滿足！🦑海鮮煎餅 ($139) 呢個煎餅又係一定要試，好適合同朋友們一齊share！煎餅煎到好香脆，一啲都唔粉，材料有魷魚、蝦、韮菜同蔥，沾埋醬一齊食更惹味😍雖然今次淨係叫咗兩樣嘢share，但我同朋友兩個人係完全食唔曬，要打包返屋企🤣 建議大家同多啲frd嚟就可以試多幾樣😋同埋記得打電話預約，咁就可以慳返時間唔駛排長龍等～

呢間有韓國人幫襯嘅餐廳水準唔錯💕食物好大份 又保持應有水準今次一開門就入去所以唔洗等位❣️坐底左一陣就開始爆全場full🫣.🌟海鮮煎餅 $139煎餅金黃色好厚身🍕賣相好吸引😜餡料有韭菜 蝦肉🍤同魷魚🐙海鮮都係細細隻外脆內厚實味道唔算濃點埋辣醬會更惹味🌶️如果粉漿冇咁厚就更好喇🙈.🌟泡菜豬肉湯 $88湯夠晒熱🍲有大大條金菇 可以浸得熟😂泡菜微辣❣️仲有豆腐 好滑豬肉份量唔多湯用黎撈飯就啱晒🍚好惹味💓.🌟韓式石鍋飯(雞) $88蛋黃金黃色好吸睛🍳雞肉調味好好配菜都好爽脆🥕口感好好加埋韓式辣椒醬🌶️配熱辣辣嘅飯就好perfect🥰.📍Ssal Bori Ssal尖沙咀金巴利道78號金輝閣地下B舖

朋友嘅朋友表示呢間係韓國街數一數二好食嘅餐廳，所以就帶左我嚟！2個人係冇得book位，想唔洗排隊最好7點前嚟到啦～┄┅┄┅┄┅┄┅┄❦ 韓式豬手&五花肉 $290上網睇話呢道菜係2人份，但d肉多到我覺得3-4個人食都得😂 豬手超嫩，個皮勁軟淋淋又夠味，五花肉都好肥美～不過d菜得幾塊，又細，仲要有d係娃娃菜都唔知點包肉😑評分：🌕🌕🌕🌖🌑-❦ 海鮮煎餅 $129超足料超大份！煎餅鋪滿晒海鮮，仲煎到脆脆地，熱辣辣咁食真係超好食😍評分：🌕🌕🌕🌕🌗-❦ 泡菜豬肉鍋 $89唔算太辣食泡菜味好夠，豬肉都好淋。好好味，但兜野應該勁重味精，我同朋友食完勁口渴🥵評分：🌕🌕🌕🌗🌑-小菜（尤其是泡菜）都超好食，仲可以任添架！

今日想食韓國食 帶左男友黎依間一直都好中意既韓國餐廳。地點係韓國街方便既，不過店內空間較窄 唔算坐得好舒服。好好彩今日冇book,但7點前去到所以有位，之前冇book要等好耐！前菜芽菜泡菜 正常冇影1. 海鮮煎餅每次黎都會叫既菜！煎食左韭菜 同海鮮 有蝦墨魚 加埋個汁真係超惹味😋2. 韓式石鍋拌飯正常發揮 冇咩特別 中意佢飯粒夠分明 唔會太濕。份量岩岩好 好合理3. 豬手併五花肉份量好足！豬手好淋夠入面 五花肉亦好夠肥 不過好似有個汁點會好d 我地都係點番海鮮煎餅個汁拌碟既菜好開胃 中和番肉既肥膩另外仲配左個米酒，好好飲 不自覺飲左好多☺️整體來講 依間餐廳咁多次黎都好穩定，野食好食正宗，唯一缺點係比較full同比較逼😇 會繼續黎～