Rustico

营业中

休息中

友人台灣返來，當然唔食中國野，選來了西班牙餐廳。今次個個女友都話唔肚餓所以就唔叫餐喇！不過Share 比獨食更開心。是次，叫左2個Starter、1個main、2碗湯、3個甜品。話多唔多，不過都飽肚既仲唔駛做大嘥鬼。蝦多士- 一聽會誤會是炸到乾晒既多士，不過上檯真的好驚喜，顏色鮮豔的蝦浸在濃濃的蝦汁上，配上麵包，其實都幾野味，可惜得個兩塊包，所以幾好味都唔夠喉。雪魚波波- 用份子料理弄上的泡泡汁，甜甜地，襯上炸香的雪魚球，係有特色既。一碟6個，份量剛剛好。海鮮湯- 餐廳好細心，雖然我地4人只點了兩碗，不過他們幫手分成4碗，仲將湯料擺好盆上，其實分妥的湯都盛滿大半個碟，我覺得是餐廳中最抵叫的食物。海鮮飯- 至於個飯，是用鐵盆上的，吸滿海鮮汁的飯到上檯還是熱烘烘，滿有龍蝦味。最後到上甜品，不過不失的，可以為這餐畫上完美的句號。

第一次到這間餐廳，無揀錯！平日晚，7點左右全餐廳滿坐，除咗係迫咗少少之外，無挑剔。兩個大男人，叫咗個二人餐，兩個頭盤，兩個主菜，一個甜品，兩杯mocktails，個飯要打包走！今次order都係大路嘢，signature dishes，尚有不少菜式價得一試，要再去。講番食物，唔逐樣講，個人覺得總之樣樣都好味，好味在於濃但不過火，例如辣／咸／甜味都適中。職員服務有禮，醒目，做嘢爽手，抵讚！