Rustico

营业中

休息中

友人台湾返来，当然唔食中国野，选来了西班牙餐厅。今次个个女友都话唔肚饿所以就唔叫餐喇！不过Share 比独食更开心。是次，叫左2个Starter、1个main、2碗汤、3个甜品。话多唔多，不过都饱肚既仲唔驶做大嘥鬼。虾多士- 一听会误会是炸到干晒既多士，不过上台真的好惊喜，颜色鲜艳的虾浸在浓浓的虾汁上，配上面包，其实都几野味，可惜得个两块包，所以几好味都唔够喉。雪鱼波波- 用份子料理弄上的泡泡汁，甜甜地，衬上炸香的雪鱼球，系有特色既。一碟6个，份量刚刚好。海鲜汤- 餐厅好细心，虽然我地4人只点了两碗，不过他们帮手分成4碗，仲将汤料摆好盆上，其实分妥的汤都盛满大半个碟，我觉得是餐厅中最抵叫的食物。海鲜饭- 至于个饭，是用铁盆上的，吸满海鲜汁的饭到上台还是热烘烘，满有龙虾味。最后到上甜品，不过不失的，可以为这餐画上完美的句号。