老厝邊

营业中

休息中

滷肉飯（大）正常份量和水準，適合充饑飽肚。古早味冬瓜茶（微甜）（熱）可能台灣飲品就係咁？即使叫咗微甜，但其實都仲係甜。下次或者可以直接叫走糖😂芋頭鮮奶（熱 ）你鍾意飲，因為真係有芋頭泥可以用飲管吸到入口蜂蜜檸檬愛玉有人覺得太酸，對我來講就啱啱好，切凍嘅柑桔檸蜜。不過佢舊愛玉（類似啫喱咁嘅野）實在太大，基本上用飲管係飲唔到，口感上爭咁啲。紅燒牛肉三寶面（乾拌麵）雖然話係乾拌麵，但其實上碟嘅時候感覺有啲似濕炒河。我將佢放喺雪櫃第二日，抽乾水食，先有拌麵嘅感覺😉 不過，牛肉，牛筋都係冇得頂！高質量嘅紅燒牛筋麵所以，即使就咁叫一個牛筋面，其實都好抵食。基本上擺落口，你唔會覺得佢係「筋」，係啫喱，仲林過愛玉。涼拌豬耳 及 香炸魷魚鬚其實送酒就最好，可惜冇酒～但豬耳本身唔會太辣，係幾好嘅涼拌菜。魷魚鬚就外表趣之餘，裏面都幾彈牙！算係真材實料。超濃芋泥蛋餅 vs 薯餅蛋餅兩者嘅配搭感覺有啲奇怪，因為芋頭泥忯甜，但外表嘅蛋餅其實就比較起來，就算係鹹；加上果個醬汁都係鹹。🤔 未能理解呢種配搭。所以，如果你食過薯餅蛋餅嘅話，呢個就相對上比較遜色。因為薯餅本身已經好惹味😍 再加埋佢個醬汁有少少似番茄醬～ 所

因為疫情邊都唔去得，真係好掛住台灣。經過哩間餐廳，裝修風格好有台灣既特色，正好懷念下，一解對台灣既念想，但食完更想去台灣了 整體來講，餐廳既出品都好唔錯，味道都幾正宗，而且性價比都高，店員親切有禮，好似去咗台灣咁。海陸鹽酥雞拼盤哩個係性價比超高，分量足，有雞、魷魚、甜不辣、花枝丸、四季豆、玉米筍味道調配得幾好幾香口，唔怕太鹹。而且表皮炸得幾乾身，唔會太油，唔使擔心油膩。我最重要係魷魚須秘製麻辣牛三寶麵哩個係menu上“推薦”既，於是點咗試試。上面寫著“中辣”，我覺得哩個辣度係一般人容易接受到既辣。反而個湯底辣得幾惹味，味道幾濃，但食完都唔怕好口渴。至於分量，我覺得D牛三寶都幾多，同埋都煮得入味，蘿蔔超入味呀~涼拌豬耳---幾開胃既小食，爽口入味大腸麵線（小） ---擺得幾可愛，最鐘意食大腸蜂蜜烏龍茶 & 珍珠烏龍奶茶左：幾清甜解渴； 右：比一般既珍奶，多咗烏龍茶既“燶”味，茶味濃D無咁甜，啱曬我口味分隔措施都幾好，同埋坐得舒服既

近日疫情雖然有好轉，但暫時還是沒法去旅遊。這天來到大角咀的老厝邊，感受一下台灣的氣氛及美食。最有驚喜是有蛋餅可以吃，起司肉鬆蛋餅（$35）非常足料，有滿滿的起司及肉鬆，超好吃！塔香鹹酥雞（$38）非常正宗，份量足，粉靚惹味，肉質鮮嫩入味，讓人一口接一口。炸甜不辣（$30）份量足，非常有咬勁而調味適中，好好吃！吃著炸物還是要有些其他的中和一下。涼拌豬耳（$29）爽脆，不會太油膩。燙青菜（$22）一點也不馬虎，有滿滿的蒜蓉醬。滷肉飯（小 $30）雖說小份也不小，女生一碗也夠飽，兩個人分享再加上其他小吃就可以多試幾樣！滷肉入味，如果可以再多一點就完美了！炭焙鐵觀音（$18）忘了叫少甜或走甜，但味道也是不錯的！正宗台灣口味，很不錯呢！

今晚又黎大角咀覓食，這次來到一間好有台灣風味的餐廳，裝修很有老台灣的味道!餐牌上不算有很多選擇，但已經很地道。眷村紅燒牛肉麵，湯底有香濃的牛肉味，麵是幼麵，食落煙煙韌韌。牛肉整得幾冧幾鬆軟，湯中還有些酸菜，令味道更惹味!滷肉便當，這裡的滷肉份量都幾多，滷肉唔會太一pat pat，味道夠突出。滷肉飯還配有豆干、滷水蛋和大量椰菜，食完感覺也不會太肥!起司肉鬆蛋餅，這裡的蛋餅餅皮唔會太厚，食落唔會有好漏的感覺，芝士和肉鬆餡料很多，芝士還可以做到拉絲的效果，再點上附有的辣醬，刺激味蕾又美味!涼拌豬耳，豬耳很爽口，味道麻麻辣辣，令人食過不停！經典珍珠奶茶加仙草、蜂蜜檸檬愛玉，珍珠奶茶味道不會太甜，奶和茶的比例剛剛好，珍珠煙煙韌韌，仙草有淡淡的香草味。而檸檬愛玉味道夠酸，飲品亦不會太甜，是一杯不錯的解膩飲品。整體食物味道不錯，難怪未夠7點已經有人龍等候，值得再來!