田記魚蛋牛腩專門店 (塘尾道)

营业中

休息中

假日同朋友shopping遊車河, 係太子一帶泊車再到附近隨意入咗間粉麵餐廳。估唔到有驚喜!餐廳環境企理, 除了粉麵, 另有淨食、飯類同各式飲品。我地揀咗兩款餐廳招牌必吃嘅崩沙腩同牛腩粉麵,崩沙牛腩河粉:崩沙腩切件, 有d厚度, 整齊一排過放係面, 每件崩沙腩肉質軟嫩, 連帶爽而不硬嘅筋膜, 牛味香濃, 一次食到爽腍兩種口感; 清甜湯底中加入了腩汁, 林滑嘅河粉索咗湯底, 提升了味道。還伴有三件清甜又林嘅蘿蔔, 好滿足!金牌牛腩河粉 (追加雙併牛丸)對比崩沙腩, 牛腩偏林, 沒有爽筋膜連帶, 肉味重一d; 加左$8追加雙拼牛丸 (共2粒), 爽口彈牙, 咬落仲滲出牛肉汁, 夠juicy!淨鮮蝦雲吞:雲吞皮薄, 鮮蝦雖然唔係原隻大大隻, 不過蝦比豬肉料份量為多, 一口咬落食到鮮甜蝦味, 爽口又帶鮮肉香, 足料抵食!粉麵可加$10追加特飲, 揀咗凍檸賓, 沖得味道偏濃少少, 待冰溶化, 味道剛剛好唔會太淡。

跟朋友於附近打完羽毛球，決定要吃得健康一點，選了這間廣東雲吞麵鋪，價錢又便宜，非常抵食。牛三寶幼麵 - $43牛腩油脂分布很均勻，牛肉味很濃重，口感炆得很鬆軟；厚厚的牛肚份量多，嚼勁十足且口感彈牙；牛筋綿軟滑嫩，豐腴不膩味。崩沙牛腩飯 - $53稀有的崩沙腩上下邊位充滿膠質薄膜，爽彈而不硬，口感煙韌爽口，有陣陣肉香，牛味濃郁。配高湯可解膩。淨鮮蝦雲吞 - $28雲吞皮薄透明而有彈性，包著兩三隻爽滑彈牙的蝦仁，混以豬肉餡有爽滑多汁的感覺。底部還有些生菜墊著拌以高湯。生菜 +$8鮮嫩爽脆的生菜份量頗多，拌以蠔油提鮮。ZERO可樂 - $6

次次假期都食得多姿多彩，今次個lunch真係想清淡一下，落吓地食得平凡啲，不外乎都係食吓茶記呀粉麵呀，今餐就呢間啦飲黑豆漿補腎養生先通菜好新鮮，全莖好爽口，唔會難咬，加埋腐乳冇得頂崩沙腩名不虛傳，好爽脆又煙韌，油香好自然河粉唔散易夾又綿，蘿蔔厚度適中呢度另外一個招牌係魚蛋，果然好嫩口，魚片都一樣，另外魚皮餃超大粒，咬落又實淨，唔係好食魚蛋嘅大胃食完一樣叫好雲吞滴滴骰骰，一碗其實都唔少裡面同樣好足料杏仁霜都有得嗌，水吧選擇不乏咁就過咗一個平凡又滿足嘅下晝