真心 (已結業)

中環上班尋覓美食 每日上Openrice找附近有什麼新店好介紹這天找到間在Soho區日本美食店 在人來人往拍照的斜路街而上 向左轉就是此新店 真心....在星期日的Soho區非常多人逗留⋯⋯拍照的⋯⋯品嚐美食的⋯⋯美酒的好地方餐牌分別有串燒 小食 壽司 刺身飯 款式種類少 但可以做更精美我單人匹馬來食Tea 不便order太多或大份量的食物這店有迷你刺身飯作為小食頭盤燒三文魚頭$58 即叫即燒 看落外觀有點兒黑 食落Juicy 魚質鮮嫩 美味 但可跟汁醬更完美深海奇緣 $108上面鋪滿了鮮味的吞拿魚和海膽 看似份量好細小 兩啖便沒有了 但一人份就非常滿足飯用了日本珍珠米和味粉拌好的 很有日本本地家的味道 日本水蜜桃汁 $38 看似普通一杯飲料 有一把傘增加了日本和風傳統飲落非常濃郁的水蜜桃 非常甜美味道 賣相 衞生服務抵食推介

中環Soho 除左酒吧之外，都有好多唔同美食，最近俾我搵到間日式小店，啲魚生刺身又抵食，又新鮮，點可以唔介紹比大家呢?店內雖小，只係有幾張檯，但係裝修幾有特色，牆上面有人手畫嘅日本景色風貌，包括有淺草雷門寺、大阪環球影城、 道頓崛等。首先點左個串燒拼盤，有雞肉串、雞軟骨串、雞腎串、日本和牛串、日本黑豚串、小甘薯串同埋蕃茄串，串燒燒得好香，唔會太燶同唔會太乾身，保留原汁原味，肉質鮮嫩，尤其和牛串。小甘薯又香又甜，蕃茄超juicy。刺身丼 - 千魚千尋，個名相當特別，有三文魚、鯛魚、八爪魚、拖羅蓉、 牡丹蝦，見到個賣相已經相當吸引。三文魚新鮮肥美，另外加$20仲可以轉三文魚腩添；鯛魚味道雖然清淡，但係鮮味十足；八爪魚口感清爽有嚼勁；拖羅蓉油脂感重，將拖羅打成蓉更易入口。牡丹蝦外殼柔軟，蝦頭充滿蝦膏，肉質通透鮮甜，非常美味！刺身下面有飯，mix少少豉油同wasabi一齊食，更能帶出刺身鮮味。另一個特色美食係深海奇緣，係拖羅蓉加海膽丼，海膽帶有獨特的海鮮味，十分濃厚美味。完全唔覺得有經過鹽分和酒精加工過。拖羅蓉加海膽一齊食，竟直係人間美食，超好味！今餐飯真係相當滿意，好耐無食過咁新鮮又咁抵食