正九清湯腩 (常安樓)

营业中

休息中

有個朋友住觀塘區 成日聽佢講話食粉麵多數去群星大廈個間正九食牛腩 話必食係牛腩河喎😂所以我成日都想去試就一直book mark 左呢間油麻地分店既正九記清湯腩行經一定要入去食返碗試吓先今日就去食左 果然真的名副其實「清湯牛腩」🤤湯底好清甜 崩沙腩好淋好正 必再回頭食店之一👍🏻🔸清湯牛腩河（$49+$8）（牛腩可升級崩沙腩/坑腩/爽腩加＄8元 ）崩沙腩份量好多 每舊都肥瘦均勻 黐住少少筋位油脂好豐富 牛味好濃 口感一流湯底清澈又甜 無味精感之餘又唔油膩 多蔥花 河粉幼滑又柔軟🔸紫菜三寶丸河（$42）三寶有魚蛋 墨丸 牛丸 再加紫菜魚蛋咬落好彈牙 白滑又大大粒魚蛋新鮮又有魚味牛丸爽口又實淨 食落去味道唔錯墨丸爽脆 口感算滑🔹凍檸茶（$16）茶餐廳檸茶味道 正常發揮

之前係觀塘食過一次正九清湯腩覺得唔錯，今次喺油麻地收工見到呢間分店，一於食埋晚餐先返歸！清湯崩沙腩河（$57）崩沙腩姐係牛橫隔膜附近嘅腩肉，有塊薄膜，腩肉會比較肥，牛脂同肉味香濃，口感軟腍，清甜不膩湯底加上香滑河粉，好快就可以清一碗！淨菜肉雲吞（$40）有八大粒自家製菜肉雲吞，皮薄餡多，鮮甜多汁！腐乳通菜（$19）尚算青綠爽脆，半葉半莖，蘸少少鹹香腐乳醬，非常惹味。腩汁蘿蔔（$16）鮮甜軟腍又無渣，加上惹味腩汁，香濃入味，必點之選！飲品跟餐加$8，今次就叫咗檸蜜同檸賓，大大杯好抵飲！如果係下午茶時段1400至1800嚟食滿$40，仲送支裝汽水或者熱飲！

街上有咁多呢一類既粉麵食店🍜估唔到呢間會特別多人 雖然呢啲都係快黎快去但見佢人流不斷 仲有唔少後生既係度😆見佢四四正正咁都可以一試😌衛生程度比我想像中好👍🏼因為好多時粉麵店唔知點解硬係會油笠笠麵店主打當然就係清湯腩🐂唔同既位置會帶黎唔同既口感除咗牛腩類 一般食魚旦粉麵會見到既食物都會有想食飯類既都有唔同選擇🍛➷🔹 清湯崩沙腩河腩既部位可以轉做崩沙腩 坑腩又或者爽腩🤩個人本身都特別鍾意食崩沙腩 鍾意佢腍得黎又有咬口🤤雖然肉味唔及坑腩咁重 但佢都依然會有個種牛香😶‍🌫️唔係度度都有得揀 佢既好處係可以選擇自己喜愛既部位😋肥瘦選擇係落單既時候要講埋 店舖都會盡量安排👍🏼🔹 排骨擔擔麵上枱時以為搞錯咗係清湯 原來係精華藏歸底😲撈勻既時候 浮出一陣勁香濃既花生醬味🥜飄到去隔離枱個阿姐都望住我地🫢幾唔好意思😆花生醬夠香 麵條既彈性高 湯汁夠杰身可以掛到係麵上面😌排骨炸得脆香金黃😋肉質亦都夠腍身 呢個配搭整體都滿意🔹 炸魚片脆卜卜既魚皮 每次都係不可缺少既配菜😆大大塊 浸返幾秒就食得 完全係地道之選➷經過開真係可以順便留意吓🫢湯底上做到清甜 帶有牛肉既清香😶‍🌫️簡單食一餐可以諗吓佢😋➷🧸🌞 𝗖.𝗼𝗼𝗸