正九清湯腩 (常安樓)

营业中

休息中

同朋友朗豪坊睇電影神秘場，事前過來享受清湯牛腩，分別要湯河同撈麵，兩種食法麵好係好正！朋友要清湯牛腩河，湯底清甜，牛腩軟嫩，入口即化，肉質鮮美，濃郁的牛肉風味與新鮮的湯底相得益彰。河粉的吸湯能力極佳，充分吸收清湯的精華，搭配滑順口感，層次分明。我要的是清湯牛腩撈麵，口感更有嚼勁，清湯的搭配使得每一口都充滿牛腩的香醇。撈麵上撒上少許油蔥，增添清香口感。腐乳通菜的味道獨特，腐乳香氣濃郁與通菜的清脆口感形成鮮明對比，適合作為配菜，平衡油膩感。每人加上一杯凍檸茶，酸甜平衡得當，清涼解渴。正九清湯腩 (油麻地)地址：油麻地文明里11-13號常安樓地下1號舖

今日收工後同細妹去油麻地上瑜珈堂🧘🏻‍♀️上堂前就係附近食左dinner先～見到呢間清湯腩都幾多街坊食！就決定試吓佢😋＊＊＊＊＊🐮清湯崩沙腩河 $60🥜牛腩擔擔面 $56🥟雲吞 +$8🥬生菜 +$8我同細妹每人叫左一碗牛腩麵🍜，我就加左$8轉崩沙腩😍崩沙腩連埋筋膜，軟唸得黎又唔肥😌河粉夠滑唔痴～細妹叫左擔擔面，好香濃花生味！🍵荔枝烏龍 +$8☕️冰菊普洱 +$8呢度啲冷泡茶都好香，好適合夏天飲呀😙＊＊＊＊＊更多食評資訊：🔎litcloud_

今日我同朋友去油麻地買嘢, 之後就嚟咗呢間“正九清湯腩”醫肚. 舖頭裏面環境都幾光猛, 服務員嘅態度都很好, 手腳好快. 我哋嗌咗清湯牛腩飯, 魚蛋河, 紅油抄手, 飲品就凍檸賓同凍檸樂. 食物賣相都幾好, 魚蛋彈牙，魚片爽口, 河粉入口爽滑, 連湯都好好味, 配搭埋一齊好好食. 半肥瘦清湯腩入口好腍身, 份量夠, 白飯軟硬度啱啱好，夠曬飽. 紅油很有紅色，有紅抄手，啲餡好多，好有蔥香，啲肉好食好有質感，好快就食曬. 啲嘢份量有足又好食, 價廉物美, 冇缺點, 真係好值得推介. 食到啲咁好食嘅嘢食簡直係幸福.

又去油麻地嘅正九清湯腩食晚餐，上次試咗佢哋嘅招牌清湯腩，今次就試佢哋嘅咖喱牛筋河，一樣咁好味😋一上枱，咖喱嘅香味已經撲鼻而嚟，個咖喱汁都幾杰身，望落好吸引！🤤 啲牛筋同薯仔都炆得好腍，入口即溶咁，而且份量都多，撈埋啲河粉一齊食，好滋味！👍咖喱汁唔會太辣，但係就好夠味，帶有少少椰奶嘅香味，撈埋啲河粉一齊食好正！💯 河粉都好滑，索曬啲咖喱汁，每一啖都充滿咖喱嘅香味🤤🤤另外仲叫咗腩汁生菜，爽脆清甜，勁好味😋

今天下午， 我行完果欄，覺得有點肚餓，便走過去油麻地常安樓正九清湯腩(油麻地）午餐。入到去餐厅，已经有很多客人，正在享受他们的下午茶。菜單上有許多美味的選擇。我點了清湯牛腩米粉。牛腩煮得非常嫩滑，湯頭清淡而鮮美，米粉也吸收了湯的滋味，讓我感到非常滿足。為了解渴，我還點了一杯凍檸茶， 跟餐只需3元。凍檸茶清新爽口，非常適合炎熱的天氣。最後，我結帳時，花了45元。我覺得非常划算。希望下次能再來這裡享受美食！

今天我放半天假，和兒子一起在旺角逛街，特地來到油麻地的文明里，享受地道的牛腩河。這間正九清湯腩的食物種類繁多，讓人眼花繚亂，無論是湯麵還是小食，都能滿足不同口味。我兒子點了紫菜三寶丸河，裡面有魚蛋、墨魚丸和牛丸，湯頭清淡，鮮香四溢，特別是墨魚丸，口感彈牙，讓他讚不絕口。他對這道菜的評價非常高，覺得每一口都充滿驚喜。我則選擇了清湯牛三寶米粉，裡面有牛肚、牛腩和牛筋，牛肉軟嫩入味，米粉滑順，湯底清淡，沒有牛油的酥味。牛肚的口感特別好，既有嚼勁又不油膩，與米粉的搭配相得益彰。此外，小食方面，我們選了炸雞中翼，外皮香脆，肉質鮮嫩，十分美味；腐乳通菜則清爽可口，為整餐增添了綠意。飲品方面，我選擇了凍阿華田，香濃可口，兒子則喝了凍檸檬茶，酸甜適中，十分解渴，特別適合這炎熱的天氣。整體而言，這次用餐體驗非常愉快，食物不僅美味可口，服務也很周到，

香港人繁忙，步伐緊湊，有時連食飯都沒有足夠時間。「正九清湯腩」就最適合追求快靚正的人。細細的店舖客人絡繹不絕，上菜飛快，食物品質也很好，價錢合理。「正九」有各式各樣的牛寶、丸類和小食，粉麵飯都有。《清湯牛三寶河》$64有牛筋、牛腩、牛肚。牛腩要肥、要瘦或半肥瘦都可以先揚聲。喜歡吃牛的朋友一定不要錯過這碗牛三寶，份量足夠，樣樣都軟腍入味，好吃。《清湯牛腩米粉》$52事先講了要瘦的牛腩，竟然一啲都唔「鞋口」，米粉吸收了清甜的湯汁，特別好吃。《腩汁蘿蔔》$15 ～ 白蘿蔔非常清甜《凍菜蜜》 《凍檸樂》凍或熱的飲品跟餐一律加$8

今次食港式粉麵店，又幾好食正九牛炸醬麵🍜個炸醬真係好惹味，有少少擔擔麵feel🌶️ 啲麵又彈牙，份量都好多，似上海麵，食到好飽清湯坑腩河拼牛腩🐮🍜個湯底好清甜，坑腩多爽，牛腩都好入味，炆得夠淋，河粉份量都足多👍🏻 菜心加腩汁🥬腩汁真係靈魂所在！🤤 淋落啲菜心度，真係好香！😋麻辣白肉🌶️🐷白肉肥瘦適中，麻辣味好香，但係唔會太辣，好啱我口味！🌶️凍檸水🍋夠晒凍，夠晒酸，真係透心涼🧊

好友約我去油麻地行街，順道去位於油麻地文明里11-13號常安樓地下1號舖的《正九清湯腩》食牛腩，環境舒適，坐得舒服。我地點左：📍清湯牛三寶（牛腩、牛筋、牛肚）撈麵（粗麵）$74：湯底清甜，牛腩軟腍入味，牛肚有咬口又好味，牛筋軟綿糯口，粗麵軟硬適中，伴碟的生菜好食。📍清湯崩沙腩飯 $70：清湯崩沙腩和白飯分開上，崩沙腩軟腍入味，墊底的白蘿蔔大件又好味道。📍油菜芥蘭 $19芥蘭青綠好味，加腩汁更添鮮味。📍淨菜肉雲吞 $42：菜肉雲吞大大隻，餡料飽滿，好味又好食。

我經常去北角分店食午餐及下午茶，價錢合理，食物性價比高！我經常叫牛筋河、牛肚河。（看圖出色👍🏻）今日去油麻地做啲嘢，見又有間正九，諗住快靚正，一個人又入去食個粉啦。我17:25左右見門口同樣貼晒餐牌，包括下午茶（14:00-18:00）、正價餐牌，就入去坐低，男侍應招呼我，比咗個正價餐牌，我就諗可能係油尖旺區，星期六、日，所以無下午茶，既然嚟到就照叫啦！大約17:45左右，隔離枱又嚟咗一位女士，男侍應又係比正價餐牌，女士問佢係咪無下午茶，男侍應望望自己手錶話：未夠鐘，做埋比妳啦！跟住佢行咗去收銀櫃度拎張下午茶餐牌😡（係！我一個人真係唔夠膽主動追問返佢，點解唔係計我下午茶？唯有記住：無下次😡）希望唔會再有人好似我一樣中招：美味背後的價格陷阱！食物無可挑剔，誠信大打折扣！

牛腩專門店，吃出風情，爽腩河，牛肚河，牛腩河大比拼！招牌爽腩河牛腩界之精緻位，稀有部位，肉質爽彈，帶滿滿膠質，湯底香濃，掛河粉，吃完嘴唇黏黏，證明真材實料！ 加一勺辣椒油，提升層次！ 牛肚河爽脆滿滿牛肚，洗得乾淨，非常彈牙，煮得爽口不韌，吸盡湯汁精華。金錢肚蜂巢紋理，吸湯能力強！ 牛腩河經典之選坑腩也很棒，牛味濃郁，肥瘦適中，搭配河粉，簡單又滿足。 腐乳通菜平衡油膩感，完美配搭！ 爽腩河爽口，通菜必點！靈魂！ 店子方便座位舒適，平吃又夠飽，棒

呢間擁有幾間分店的牛腩粉麵鋪，好受附近嘅街坊歡迎，而油麻地分店更加成日有遊客嚟幫襯。餐廳主打清湯腩，都仲有幾款飯可以揀同埋小食等等。仲有下午茶相當抵食。會送熱飲，仲可以加錢轉特飲。🍜牛腩三寶河麵牛腩三寶包括：牛腩、牛筋同牛肚。全部都煮到好腍。特別係牛筋真係好腍。牛肚都入口夠軟熟同好入味。另外，我最鍾意食呢度嘅牛腩，因為夠晒爽口、吾太肥又唔黐牙。仲加錢加咗蘿蔔同生菜。蘿蔔依然炆到好入味，入口好淋。

餐廳：正九清湯腩地點：油麻地文明里菜式：牛腩粉麵餐牌：新鮮牛腩牛骨，各款粉麵飯，飲品，都有下午茶餐等等。牛腩擔擔麵 $44牛腩一客7-8件，整得好淋，牛味濃，無特別吩咐已經係半肥瘦，帶少少筋，果然係招牌。花生醬喺底，要自己搞起，湯底味道夠，花生夠香，好滑溜，麵質好淋。蔥花放匙羹，加有少少鹹菜。少見牛腩可以配擔擔麵，有特色。淨菜肉雲吞 $42淨菜肉雲吞有8隻大大隻菜肉雲吞，皮薄餡靚，食落啖啖爽脆菜粒，豬肉量唔少，好高質。蔥花放匙羹。個湯好清。腐乳通菜 $19呢個價錢足有一大碗通菜，菜莖爽口，菜葉幼嫩，腐乳多到食唔哂，豐儉由人。汽水 下午茶餐包汽水，附上紙飲管。今餐牛腩真係好正，其他食物都唔差！餐廳裝修光猛，算乾淨，座位舒適。平日下午茶時段滿座。

【油麻地街坊食堂 正九清湯腩實測】 藏身油麻地舊樓地舖的正九清湯腩，店面狹長樸實，午市坐滿街坊與上班族。招牌雖是牛腩，但試了幾款小菜反而有驚喜。 醉雞用上全腿部位，斬件鋪滿白瓷碟，黃酒香溫潤不嗆喉，雞皮爽彈，肉質緊實帶嫩，骨髓仍見淡淡粉紅，冰鎮處理得宜。紅油抄手屬川粵混血版，雲吞皮薄透，豬肉餡混了少許蝦米提鮮，辣油偏甜微辛，拌兩啖白粥剛好。芥蘭配埋牛腩汁，莖部削皮後無渣，淋一勺牛腩清湯同食，平凡中見功夫。 三款菜埋單百五蚊有找，份量足料。若嫌牛腩太飽足，這類家常小食反而更顯小店功力。推薦貪心又想試多款餸的食客，下午茶時段人流較少，而且會有下午茶優惠

油麻地常安樓的正九清湯腩，是街坊間口耳相傳的牛腩專賣店。招牌清湯底看似簡單，入口卻滿是牛骨香與淡淡藥材甘甜，不油不膩的風格正合香港人口味。首試「清湯崩沙腩米粉加蘿蔔雲吞」，崩沙腩選得講究，筋膜與瘦肉層疊如書頁，燜得軟而不爛，筋膜嚼來帶膠質黏香。蘿蔔清甜無渣，雲吞雖是配角，蝦肉與豬肉比例得宜，皮薄得透光。米粉吸湯力稍弱，但正好突顯湯頭原味。「三寶崩沙腩河粉」則滿足貪心的食客，牛筋呈琥珀色，膠質豐盈卻不黏牙；牛肚厚切保留嚼勁，處理得毫無異味。河粉滑溜掛湯，搭配濃淡得宜的清湯，樸實中見真章。兩碗份量十足，人均百元有找。雖無華麗裝潢，但從湯頭火候到部位處理，處處顯露老師傅功力。若路過油麻地想來碗地道牛腩粉，這間街坊小店值得專程拜訪。