肥姐麻辣餐廳

营业中

休息中

今日返工好大壓力，放工決定食餐好😃喺福來邨附近發現呢間肥姐麻辣餐廳，就入咗去叫咗幾樣嘢試吓✨餐廳環境幾舒服，入面有卡位，有圓枱，而且有一啲中國山水畫作點綴，一個人來又有電視睇唔會悶。我叫咗泡椒雞腳 （$43）招牌水煮魚-細 （$168）清炒土豆絲 （$78）泡椒雞腳入味，雞腳唔會硬繃繃咬唔到個皮，泡椒味幾香，都幾開胃，一碗入邊大概有差唔多10隻雞腳，都幾抵食。招牌水煮魚入邊有足料魚塊，魚係食得出新鮮嘅，唔係急凍魚柳，而且魚係厚身，唔係魚片來嘅，入邊有花椒粒、豆芽，海帶。如果兩個女仔黎食都夠。清炒土豆絲係最驚喜。土豆絲吵到唔會太林，又唔會太爽。土豆絲有少少酸味，幾開胃。如果下次食水煮魚或者酸菜魚，唔想配飯，其實配呢個土豆絲都唔錯。我覺得呢間餐廳，幾適合幾個朋友坐低傾吓計、食吓嘢。地方寬敞，環境比一般打冷舖頭更乾淨、衛生。

人情味濃麻辣地道小店一入餐廳啊姐已經好好招呼，又講有咩招牌菜啦～仲講埋食辣既好處可以排毒消脂，傻婆們都有講本身5太食得辣，啊姐就幫我地將d辣野盡量整成bb辣，等我地想食辣但又容易入口，仲教我地點樣可以慢慢食得辣，十分貼心！中意食辣既人士，值得一試！🌸酸菜海鱸魚(原條)$268⭐️⭐️⭐️⭐️⭐️一上枱好大盤勁香辣椒味撲鼻，佈滿辣椒原條花椒，比較冇甘容易食到花椒粒，而且魚都好大條有魚頭魚尾，除左魚仲有勁多酸菜、海帶、芽菜、包菜，全部都煮到十分入味夠淋，食落5係死辣，係好香既辣，而且十分夠酸，魚不會腥，完全色香味俱全！🌸清炒土豆絲$78⭐️⭐️⭐️⭐️☆十分大碟，用左蒜頭去炒，十分香口有鑊氣，而且解辣一流！不過就油左d。🌸沙薑雞腳(不辣)$43⭐️⭐️⭐️⭐️⭐️炆得十分淋同入味，一吮已經好輕易甘皮骨相離！食落有好香既沙薑味，但又不會辣，十分暖身舒服！🌸涼拌粉皮$43⭐️⭐️⭐️⭐️☆傻婆T叫左BB辣，真係辣得好過癮！對傻婆T唔係太食得辣，好有刺激感！食到眼淚水汗水都出晒！粉皮既透明又煙韌，每條都能掛住涼伴汁，零舍惹味！仲有青瓜切絲夾雜來吃，口感非常豐富！🌸菠蘿雪碧$28⭐️⭐️⭐️⭐️⭐️菠蘿放落雪碧，令菠蘿味更特出，仲可以解除辣味

今日天氣麻麻地，唔想去到好遠食飯，最後決定經「點單」外賣app order麻辣嘢食。講到麻辣嘢，梗係叫「肥姐」啦😋🔥🔥🔥由於係跨區，運費都預咗會係貴少少（價錢同喺肥姐度搭的士返屋企差唔多）。起碼可以舒舒服服坐喺屋企等食☺️以後除咗去餐廳食、又多一個選擇喇🏠

天氣凍凍地，食辣暖下身先！ 先黎個水煮牛肉，睇佢咁紅，都真係好辣，好足料，好多牛肉！ 再黎個黃金皮蛋， 皮蛋好靚，有雪花，忍唔住食多幾舊呀！ 川菜好出名既夫妻肺片， 有牛心，牛舌，牛肚，牛肉，好入味，麻辣鮮香呀！ 上湯娃娃菜，中和一下先！ 好夠味，上湯好鮮，d菜吸晒d味，正呀！ 辣子肥腸 - 好多辣椒啊，不過個腸好好食，好爽口！ 再黎個口水雞， 雞肉好香好滑，雞肉好入味！ 清炒土豆絲， 好爽口，切得粗大d，好有口感呀！