川火堂

营业中

休息中

勁想食糍粑，冰粉，所以唔好辣嘅我嚟左呢度。點菜時不斷問有冇得BB辣或唔辣😅，店員都覺得我奇怪😅。店內走懷舊風，古色古香，配上香辣川菜，好有味道。🥢農家小炒肉 $98肉炒得乾身焦香，由於唔係舊舊青椒都辣，食得好有驚喜😆好滋味，配飯一流👍🏻。🥢清炒萵筍絲 $78好鐘意食萵筍，呢個芡汁較多，食落好滑口。🥢經典麻辣香鍋揀左秘製醬香口味 $32/鍋配菜：午餐肉，牛百葉，洋芋片，蓮藕片，燉牛肉，魷魚須 $48/款送飯系列，秘製醬香有濃濃孜然粉味，好香。洋芋片軟淋，蓮藕片爽脆，兩個都切得薄，牛百葉吸晒啲汁好食。特別在午餐肉，配呢個醬好味。不過濃味餸菜，食到尾有啲漏。🍨手工紅糖糍粑 $46最期待呢個，外面炸得脆，入面煙韌軟糯，配上唔太甜黑糖，黃豆粉，正，唔好睇佢細細碟，食晒勁飽😆，必點👍🏻。🍨熊貓冰粉 $32可愛熊貓棉花糖裝飾，冰粉似白涼粉，好清新，面頭花生碎增加口感，冰粉非常適合食完辣或濃味食物，必食👍🏻。

見呢度啲客人出出入入，都幾旺場，而且睇門口Menu價錢都唔算貴，今晚就嚟試吓1）金湯酸菜魚 $228呢個酸菜魚超級多材料，有：主角超級多量嘅魚、焦點嘅乾紅辣椒、萵筍片、仲有超級多嘅酸菜，唔少得就係呢煲酸菜魚嘅索味麵底：煙煙韌韌嘅寬粉！！！超正！！分量足夠四個人食！2）鐵板水晶粉 $98個鐵板係熱辣辣卜卜聲咁新鮮滾熱辣上碟，啲水晶粉出晒煙。表面上除左有紫洋蔥絲、椰菜之外，揭開個底有驚喜，就係個水晶粉底加咗隻蛋鋪滿整個鐵板，啲水晶粉係完全沾到蛋香，食落更加香口。呢個菜嘅特別之處就係完全唔辣嘅，好適合啲食唔到辣嘅朋友，亦都好啱一邊食辣嘢，一邊搵啲唔辣嘅嘢平衡下都好嘅。呢個水晶粉都好彈好煙韌，口感唔錯。3）清炒萵筍絲 $78呢碟萵筍份量超級多，多到兩個人到食唔晒。呢碟萵筍係好食嘅，清清地，爽爽脆脆，又有啲小雜菇，豐富口感。4）膠原脆皮豬手 $128 （6隻）呢個豬手同酸菜魚一樣都係今晚嘅焦點。呢樣餸食得出係功夫菜，個面有啲辣辣地嘅紫洋蔥碎，豬手個底就有啲紅樂油。而豬手個表皮就係食到脆卜卜，但咬入去豬手個本質就軟腍腍，所以食得出豬手係煲淋咗先攞去炸！5）熊貓冰粉 $32呢杯係唔食得辣嘅人嘅救星。