漁吉海鮮丼專門店 (已搬遷) 新店位置

非常豐富既丼，有齊唔同款式既刺身，包括三文魚、油甘魚、星鰻、帆立貝、海膽、三文魚籽、櫻花魷魚、赤蝦同蟹籽，唔洗左揀右揀😝。我最欣賞個櫻花魷魚，每條都滑嘟嘟，咬落去煙煙韌韌，而媽媽就對個帆立貝情有獨鍾，本身唔太好刺身既佢都覺得好鮮甜。同埋，海膽個表面有輕輕燒過既，所以食落感覺更加帶出海膽個種獨有既回甘味😋。..「蟹三味」丼即係包括了雙色蟹肉、松葉蟹腳同蟹籽😋。 聽店員講師傅將蟹肉起出後，會將其中一半撈上蟹膏，所以有一邊蟹肉係相對顯得較深色。味道方面，白色個邊比較食到蟹肉既鮮甜味，而深色個邊相對食到較濃既蟹膏味。最令我驚喜既就係個松葉蟹腳，好鮮甜之餘又唔會無咩蟹味。另外，師傅係醋飯面先鋪上一層蟹籽，之後再將蟹肉放係上面，令到每啖飯都充滿住脆卜卜既蟹籽，配埋蟹肉一齊食真係非常滿足☺。..未食已經聞到好香清酒味，經調味的湯汁飲落好清，咸咸地咁，唔似平時就咁飲清酒咁難入口😋。蜆肉方面，Size比平時大隻，而且食落好爽口，撈埋D清酒湯汁一齊食真係別有一番風味，食完之後媽媽仲講笑咁話醉醉地🤣。..

俗語都有話「辛苦搵嚟志在食」，放假食Lunch梗係要對自己好啲、食好啲！之前去九龍城食泰菜，已經有留意一間新開嘅日本料理叫「漁吉」，地點都幾易搵 -- 喺衙前圍道、南角道交界今日12點去到，餐廳啱啱開門；雖然我同朋友坐咗喺近門口位置，但係感覺唔差，可能因為枱與枱之間嘅距離適中，光線又充足，坐得幾舒服。坐好諗住倒杯茶飲，點知個侍應提我：要搖勻先倒出嚟，我再望望枱面上一個溫馨提示，原來個壺入面裝嘅唔係茶，係麵豉湯；雖然倒出嚟嘅湯無任何配料，不過我已經覺得賺咗，因為佢用白麵豉，飲落唔會過濃，我仲飲咗兩碗我叫咗一個北海帆立海老丼，朋友叫咗個漁吉特選丼，另外加多個清酒煮蜆。清酒煮蜆 – 非常有驚喜嘅一個小食！清酒同蔥加埋聞落清香；飲落有酒味但唔會過濃或過咸，有啲似溫清酒；用沙白蜆無沙，煮嘅時間啱啱好，蜆肉鮮嫩；有少量幼薯粉，連湯一齊食，正！北海帆立海老丼 – 先要讚wasabi，唔係用粉沖或者現成擠出嚟嘅wasabi膏係磨出嚟嘅質感，食落唔嗆鼻但香。飯面有半個泰國青檸，我擠咗少少青檸汁落赤蝦同帆立貝。玉子幾甜，食落唔乾帆立貝有兩隻，面輕微燒過，味道唔錯，唔太鍾意食火灸嘅朋友落單前可以同侍應講講。

去到九龍城泰國餐廳多就係人都知，上星期五行行下俾我見到間新開日本餐廳，所以就走左入去試試門口光猛，位置優越，係正十字路口，衙前圍道 南角道交界龍王丸材料有：原隻龍蝦、帆立貝、左口邊、蟹籽、玉子、三文魚樣樣食品都好新鮮清酒煮蜆：蜆肉肥美，清酒夠白，最緊要真正平民價$38真係邊度都搵唔到蒜香厚切牛舌 雖然厚切但肉質很（林）身，美味可口，食唔停口$38超值關西雪姬（冷豆腐）豆腐好滑，上面加左一隻隻櫻花蝦加上胡痳醬有另一番風味，口感唔錯$38邪惡之雞翅：點解會叫邪惡呢，我諗就係因為佢外面炸得好脆同樣係$38仲有免費任飲味噌湯蟹王丼材料包括：熟蟹肉、海膽、三文魚籽、蟹籽、玉子豪快海鮮丼其實即係用平民價錢食到什錦刺身飯$128

人人黎九龍城食泰國菜，唔通人人黎九龍城都食泰國菜咩！我哋今次就特別啲，唔食泰國菜，揀咗呢間新開嘅日本餐廳食晚飯。首先，你以為日本餐廳有綠茶飲，咁你就錯啦，呢度綠茶變左做味噌湯，壺湯擺咗喺枱面，斟之前搖一搖，將湯搖勻，可以無限添飲。服務員超有禮貌，送餐時會向逐個食客介紹嘢食同埋要點樣食。我哋叫咗兩個丼飯，同兩個小食。丼飯極大碗，碗碗都超多蟹籽多到好似倒瀉左。特選丼有左口邊, 三文魚, 白肉豚, 台立, 櫻花魷魚, 帆立貝, 赤蝦, 三文魚籽, 海膽, 蟹籽, 玉子好豐富！櫻花魷魚味道好特別，有少少似甜蝦嗰種鮮甜，又有櫻花香味食落甘甘地。豪快丼就有三文魚, 油甘魚, 白肉豚, 甜蝦, 帆立貝, 蟹籽, 玉子, 一樣都係大大碗。牛脷係真厚切！多肉汁幾嫩口，又多蒜又多蔥，最特別係個柚子醬，幾清新酸酸地鹹鹹地。清酒煮蜆，有20幾隻蜆，加埋韓國粉絲，酒味很濃郁。

旗袍話九龍城新開咗間海鮮丼店，睇門面好似冇乜特別，menu又冇，好在上openrice睇咗啫。不過既然今日嚟到咯，就試吓啦。推門入嚟，全木嘅裝修又不錯，牆上仲有一大幅手繪嘅「本日大漁圖」，意思係祈求漁獲豐收。坐得幾舒服，冷氣又夠勁喎！呢度主打食丼飯，最出名嘅係兩種，其中一種係有選用原隻約重三百至四百克嘅伊波龍青龍蝦嘅龍王丸。諗住一人一款，但店員話好大碗㗎喎，不如叫一個飯share再試吓其他小食，好，聽佢話食物未到之前，諗住斟杯水飲吓，點知係麵豉湯！哇，成壺麵豉湯，太開心喇嘛？！蟹王丼 ($198)賣相勁吸引！大半碗飯鋪滿來自日本青森縣嘅蟹肉及蟹膏，旁邊有輕輕炙過嘅海膽及用秘醬醃過嘅三文魚子，撥開睇睇，飯面上又鋪滿蟹子，真係非常豐富呀！老實講，真係到滿晒，想佬飯嘅時候差不多撈到跌晒！蟹肉又鮮又甜，蟹香濃郁，真係非常非常非常好味！飯粒用咗穗之香米，超有彈性及黏糯，入口濕潤，店員叫我哋加少少佢哋自家製嘅醬油，提升鮮味之餘又唔會鹹到蓋過啲材料嘅味道，實在太好味喇！最重要嘅係真係非常足料，撈完飯之後，真係每一啖飯都有好多好多蟹肉，食到最尾都仲有好多，非常滿足！蒜香厚切牛舌 ($38)牛舌煮到大概