禮 (打鼓嶺道)

营业中

休息中

去開九龍塘想搵宵夜 估唔到有間居酒屋勁多串燒選擇 原來質素都唔錯❣️古早蟹籽沙律 $88有吞拿魚蓉 青瓜 生菜 蟹籽 洋蔥 估唔到啲吞拿魚蓉仲多過啲菜咁濟 差唔多係用吞拿魚嚟包住啲菜食啖啖肉勁香❣️清酒煮蜆 $88加入昆布煮嘅清酒湯相當鮮甜 大蜆隻隻大粒肉 過吓口癮都忍唔住飲埋啲湯❣️蟹膏玉子燒 $88即叫即整嘅玉子燒 入邊包裹住鹹香蟹膏 配上甜甜地嘅玉子燒夠match❣️忌廉蟹肉薯餅 $58原先以為入邊剩係得啲🦀肉碎 點知一咬爆漿好似cream狀流出嚟 蟹香味十足❣️京蔥雞肉串 $48清甜多汁嘅京蔥卷灑滿彩色芝麻賣相勁吸引夾雜嫩滑雞肉 一啖爽口一啖嫩滑好滿足❣️媽媽鹹蛋豬肉棒 $48見到好有特色但係又驚好鹹 嚟到有啲出乎意料豬肉棒沾上微鹹鹹蛋醬嘅點綴十分出色❣️雞心 $32軟糯雞心清潔得好乾淨 鹽燒更能保持原味❣️雞軟骨 $38都食雞點會唔食雞軟骨 燒到脆卜卜好咬口識落索索聲好過癮❣️雞腎 $32肌肉有彈性肉質緊密 非常爽口好惹味❣️雞頸肉 $38平時食燒味雞頸都只係一細舊 但成串大大舊吉滿真係好考功夫口感大致上同雞肉串相若 嫩滑非常❣️厚切牛舌芯 $68呢個壓軸串燒真心推

平時嚟九龍城食泰國菜，今日就嚟到位於打鼓嶺道嘅居酒屋 禮。雖然店內空間唔算多，但係依然坐得舒服，而店內裝修以木系為主，掛滿日本🇯🇵風情嘅擺設。✨胡麻蕃茄沙律 🥗原隻蕃茄同沙律菜新鮮爽脆，配埋胡麻醬，開胃健康之選～✨漬物三點 三款唔同嘅漬物同樣開胃，最鍾意味道清新爽脆嘅牛蒡！✨蟹羔玉子燒 玉子燒滑嫩亮滿蛋味，加上香濃蟹膏，口感一流。 ✨厚切牛舌芯 👅牛舌柔嫩彈牙，牛味香濃，多汁又有嚼勁。✨鹿兒島一口牛牛肉粒散發牛肉香氣，帶有肉汁，入口清香。✨免治雞肉棒配醬油蛋 雞肉棒充滿肉汁，蘸上醬油蛋食，口感滑溜。✨青森青提豚肉卷🍢✨富士蘋果🍎煙肉卷青提爽甜多汁，而蘋果甜美清脆，兩款水果捲喺豚肉、煙肉中間，中和肉嘅油膩感，感覺清新。✨京蔥雞肉串 雞肉肉質嫩滑， 配埋京蔥，串燒香甜可口。✨清酒煮蜆 蜆肉大大粒，鮮甜之餘仲有淡淡嘅的清酒香味。✨南蠻炸雞 🍗炸雞外脆內軟，薄薄嘅蛋皮同麵衣，酥脆多汁，食嘅時候要小心熱呀！

一間食物種類選擇豐富嘅日式居酒屋小店， 有刺身、壽司、串燒、炸物到丼物等等。 座位以四人位為主，氛圍比較啱一班朋友高談闊論咁聚餐。 極上刺身三品 ($238) • 分別係油甘魚、三文魚、帆立貝。 • 整體係一碟好高質嘅刺身，肉質嫩滑、咀嚼嘅時候有刺身原有嘅淡淡鮮甜。平時唔好刺身嘅我都覺得好食。 清酒煮蜆 ($88) • 每粒蜆肉都好飽滿，最重要係食落唔會咬到沙粒，處理得好好。 • 清酒嘅米香味幾濃郁，但又唔會搶走蜆本身獨有嘅鮮甜。 青森青提豚肉卷 ($48)• 極力推薦‼︎ • 用豚肉包住一粒原整嘅青提去燒，味道有驚喜。 • 青提經過燒烤仍然保持獨有嘅香甜，口感變得更腍同更多汁，兩者味道好配合。 脆皮風鱔 ($88) • 燒嘅程度啱啱好，外皮收得緊緻香脆。 • 入面嘅肉質保持爽口，保留到鱔嘅味道。 池魚王薄切 八切 ($138) • 肉質除咗保持一貫咁鮮嫩肥美，仲多咗一股魚油香。 • 撈少少伴碟嘅薑蔥一齊食又係另外一種層次。 蟹羔玉子燒 ($88) • 玉子口感好濕潤滑溜，比較似蒸出嚟。 • 夾咗蟹羔喺入面，食落有浸浸蟹羔味滲出。

見呢間有咁多好評決定嚟試吓一坐低就上前菜，青瓜牛舌我食咗幾粒先記得影相，前菜嚟講係有好多牛舌架啦少少辣，好開胃！正沖繩啤酒清酒煮蜆：蜆好食，冇沙，個湯仲有清酒味上面呢張相嘅食物俾我嘅印象都係普通正常南蠻炸雞：竟然有骨，唔小心咬大啖咗味道都唔錯嘅蟹羔玉子燒：正常～枝豆：普通啦串燒（由上至下）厚切牛舌：幾好食提子豚肉卷（？）：唔記得叫咩名，入面有粒提子，味道ok啦脆皮風鱔：我麻麻地魚冇食到～雞軟骨：味道正常，但係得幾粒已經三十幾四十蚊雞腎：ok雞皮：好脆雞泡魚干：好食！！好入味媽媽鹹蛋豬肉棒：正常咸咸地嘅豬肉日本蕃薯：個樣同想像中有啲唔同，但係好甜好好食鹽燒鯖魚：朋友們話條魚唔錯富士蘋果煙肉卷：唔錯～甜燒菠蘿：好食！好甜侍應服務幾好，雖然中間有漏單，但都處理得ok今次食飯係慶祝生日，侍應俾咗枝煙花蠟燭我地，好正仲會大大聲唱生日歌，超有氣氛整體嚟講嘢食都唔錯，服務幾好，唔趕人走，係價錢進取咗少少同埋廁所一般

蟹膏玉子燒激多蟹膏，玉子燒本身都好食，但蟹膏超級慷慨，鍾意食蟹膏一定要叫！兵庫縣室津生蠔超新鮮超鮮甜！全部串燒燒得剛剛好！！厚燒牛舌燒得剛好，入口超juicy日本亞波美雞：雞肝 雞腎 燒得香香，脆面唔過火！雞心 京蔥雞肉串，照燒汁整得剛剛好，唔會太甜富士蘋果煙肉串，煙肉同蘋果味好夾！汁燒紫菜飯糰，汁多煎到香脆！甜燒菠蘿，本人至愛燒菠蘿，食燒物必叫！燒得剛剛好，無敵!芝士年糕超級超級好食，燒過糯米糍質感內含芝士，同出面食完全唔同！蟹肉薯餅，皮脆忌廉多，唔錯！腐皮稻庭烏冬偏甜湯底，重味腐皮！填肚不錯！下次再黎試其他野食！

喺九龍城長大嘅我，最掛住都係呢度嘅嘢食。不過十年人事幾番新，細個成日食嘅餐廳好多都執咗。呢晚再次嚟到，就去咗一間未去過嘅居酒屋🏮：禮Sake Bar。喺疾市中，餐廳都能夠坐滿哂人，可想而知佢係幾受歡迎👏。餐廳環境裝修偏暗，氣氛好Causal，而我同朋友就坐近廚房位置，但都無被油煙燻到👌。聽聞餐廳有二樓？Sake Bar，顧名思義，梗係有清酒飲🍶。由於我哋對Sake無乜認識，就叫咗枝「松竹梅 特撰 大吟釀 250ML」試下。呢枝承惠$168，價錢都可以，食串燒佐酒一下，一樂事也！食物方面，選擇都幾多，主要係各式各樣嘅串燒🍢，豬牛雞、海鮮、蔬菜通通都有。另外，仲有漬物、玉子燒、定食同甜品等項目。首先，店員為我哋送上是日前菜($10/位)，辣味牛舌絲👅，估唔到個辣味咁勁，成個人即刻醒哂，但都幾惹味、開胃。清酒煮蜆($78)，話明Sake Bar，當然要試下個清酒煮蜆啦。呢個真心超好食，個清酒湯勁正🤤，而且係新鮮滾熱辣咁送上，飲一啖成個身暖笠笠。大蜆有6隻，每隻都好好肉，好鮮甜；另外個湯仲有唔少海帶。而家諗返起個湯都好回味。安格斯肉眼牛扒定食($148)，如果齋食串燒，我諗我哋一人一打都唔夠飽