韓半島 (已結業)

這間係開業無幾耐的新餐廳，裝潢以深木色做主調～論特別一定是餐牌上的菜式名📋因為係根據韓國景點特色而設計🗺這裡每款菜除咗用上新派煮法外，排位也非常精緻而帶點色彩-<渡柴草橋過溪流> 🍝$68這是一款用上幼麵配上特製醬油，面上有青瓜、紅菜頭同鵪鶉蛋，個汁真係做得很好。掛哂上麵到😋而食落涼涼地酸酸地😎啱鬼哂夏天食<閑麗水道的斑斕> 🍙$68手作牛肉飯糰配飛魚籽、鯷魚干、紫菜脆片，望落去跟菜名很配👍整個飯糰好靚，食落有少少似日式飯糰👅口感豐富<升上神仙臺> $128個五花腩用上特製醬油伴食🐷肥瘦都幾分明，伴碟有醃蘿蔔跟沙律伴🌱兩者之間有黃色的醬伴食😈食落都幾新鮮特別而整頓飯可以用舒服來形容😌由點菜到吃完都好有詩意

之前係依頭番學都冇乜點發現依間韓國餐廳，雖然我唔太好韓星韓劇，但我對韓國菜簡直係非常著迷，所謂食開有條癮，時不時都會搵埋chicken同我去食韓國野，今次我就搵到依間幾有特色既韓國餐廳，食物質素其高！！依間餐廳係樓上鋪，所以往往會容易被人忽略，唔識捐窿捐la真係唔易發現。環境感覺幾休閒，設計頗為西式，背景播放住韓國流行歌，可能因為新開關係，67點既人流都唔算太多。meau款式多多，由飯到麵再到小食、年糕等等，有好多新穎既韓國菜式，最有趣既係，每樣菜名都水蛇春咁長，如詩如畫完全係走文青風格，菜名下方都有解釋食材，同埋當你埋頭係meau之中，店員亦好主動向你介紹菜式，不過要留意既係，店內都會有韓國人既waiter、waitress，要問既都要揀揀人嫁。當你地覺得每個菜名點解要起得咁長既時候，其實當中係包含左韓國景色，店員向每位派發卡片當中有韓半島既ig，大家不妨上去睇下，仲可以知道更多韓國既資訊！向著月兒唱羌羌水月來，其實係海鮮薯仔煎餅，有多種海鮮配料、椒絲同香葉，老實講食過咁多個韓國海鮮煎餅，依間既海鮮煎餅係我覺得最！好！食！薯仔做餅底令成個感覺脆身但又鎖到油份，配上佢既醬汁係精華既所在