湄南 (已結業)

將軍澳人口增長快，各式食肆都躍躍欲試，進駐各大新商場。POPWALK新開一間越南、馬來西亞加泰國料理，中文店名叫湄南，但英文名叫MEKONG(湄公)，唔知係故意表現越南同泰國菜都有吖，定係手民之誤？招牌餐牌都用TIFFANY BLUE,內櫳光猛，配以鳥籠設計燈飾，及淺木色枱，感覺新派。牆上有三兩張漁民農夫掃描作為裝飾，可謂聊勝於無，感受唔到半點異國風情。見微知著，對食物有無要求，好容易喺細節上反映。枱面只見兩樽調味料。士拉差辣椒醬同辣椒醋，反而唔見有魚露供應。湄南生牛肉湯河(午餐)$42樂壇有句說話，一人一首主題曲，我話，一國一款招牌菜。一碗牛肉粉就可以知道越南餐廳嘅水準。湯底牛味濃郁，值得一讚！牛河舖上生牛肉，以涫湯淥/浸熟牛肉，配以炸蒜、葱花同薄切洋葱，河粉爽滑，上枱時亦以指天椒同青檸佐食，整體嚟講尚算合格。美中不足，店方未有提供九層塔，芽菜份量太少，最令我留意嘅係，湯唔夠熱！令牛肉比較難由生變熟！但以生牛河而論，實屬中上之選。

今天在星星戲院看過早場後，剛好是１點多，要去午餐了。　　在背包內找到這餐廳的傳單，有九折喎！　～某日收到傳單後就直接放入袋中，～加上多日來没有執袋，今天才發現！　　有新餐廳，所以試下。　沿著指示牌，走過没有上蓋的小路，來到店門了。　（註：今天三十多度，酷熱天氣呀！）　　　就座後，選了喜歡的午市套餐。　　　慢慢地等待食物呈上。　湄南生牛肉湯河　附小碟辣椒碎及青檸　　一碗湯河，份量不算太大，應該不能滿足男生的胃口。牛肉三片，呈上時有部份還是生的（粉紅色）　可能是浸熟的關係，牛肉很滑，加上帶點脂肪。個人覺得，牛肉有肥有瘦，才是最美味。　　湯底没有果種甘味。而河粉不算滑溜，早知就試試金邊粉。最後蘿蔔絲及荳芽，連同湯底一同品嚐。湄南火車頭　附小碟辣椒碎及青檸　　有三款與牛有關的配料　好似是有生牛肉及牛丸　　　　海南雞飯　配一碟雙色醬料　　家人分了一部份給自己。　　黃色＝薑蓉紅色似是豆辦醬，少少鹹，辣度較醇，慢慢才浸出來。配上滑滑雞肉真一流。　　油飯真的很油，但自己能接受這油油的程度。油飯是有點雞湯香味，嚐了第一口，就想來第二口。　　　　雖說是午市，配熱飲要加三元！！　　　　沿路没有遮蓋，又曬又熱