協盛大排檔 (已結業)

呢間火鍋店，我們一班朋友都會經常嚟打邊爐，因為可以坐街邊，好有feel，尤其是冬天🌬超正！不過員工就粗聲粗氣，可能呢啲就係大排檔嘅作風總括嚟講 想試香港地道既大排擋就最啱喇！美道不算最美味，但風味搭夠舖頭 後門 芫荽皮蛋湯底，沙嗲濃郁，皮旦芫荽好多鱔片好脆口 蠔好大隻，熟後不會縮到好細👍花甲超甜，無沙脆骨腩好爽口👍韭菜豬肉適中，不會太大隻手打蝦丸拼墨魚丸炸魚片好脆，打邊爐前已食晒一碟西洋菜牛柏葉金菇 份量小左D 好似無左1/3咁

打邊爐，不外乎牛肉要靚，海鮮新鮮，如果加埋啲丸丸餃餃又好味，再加埋仲有出色嘅煲仔飯，再再加埋經濟實惠，咁就真係冇得頂！喺天后嘅【協盛大排檔】就幾乎接近呢個要求！除咗環境……呢度位處銅鑼灣街市附近橫街，一到夜晚，成條街都係佢地霸晒，而我地坐嘅位置，就喺正隔離紙紥舖門口，喺我頭頂，吊住一紥紥金銀衣紙，正所謂…舉頭望衣紙低頭滾雞子尤其喺呢段萬聖節期間，都可謂非常應節！先邁手切肥牛，一望已覺得對板，食過都尚算甘香，合格！再嚟花蝦，夠晒生猛，肉質夠爽又鮮味，出色！ 一人一隻蟶子皇，新鮮又冇沙，掂當！ 仲有自製蝦丸，超級彈牙，極品！仲有墨丸鱔片炸魚皮……樣樣都有返咁上下，唔怪得d枱擺滿成條街！食到一半，雖然有少少飽飽地，但損友話一場嚟到，冇理由唔試埋個煲仔飯，試咪試！就叫個排骨煲仔飯，損友居然話不如加條臘腸，我就話不如晒冷，唔爭在要埋潤腸！結果一煲雙腸排骨煲仔飯，令成枱人飽到上事業線！好滿足！埋單一人二百二，呢餐邊爐……認真抵打！

友人前往澳洲前,我們5人組決定來個飯局,由在下找地方吃火鍋,要香港區又要平民價,當然是這裡!一行5人都愛吃牛,是夜點了不少牛肉!吃了的份量有2-3個M記托盤左右吧!我與酒友S先生先到,先點一枝泰象啤解暑!鍋底點了清湯和沙爹,再加一碗好吃的沙爹醬伴吃!食物方面點了3大碟手切肥牛,雖然不是油花滿溢但吃下去有牛味,當中也有點油脂,是美味的!除此之外,大家都是羊仔國的老同學,也少不了點些羊肉!其他食物方面,魚皮餃,手打蝦丸,生根,雞肉,鱔片.菜以及桂花蚌和珊瑚蚌,都有點選!湯底實在不特別,不過沙爹醬伴吃是很不錯的!各種食材都新鮮美味, 手打蝦丸雖然有點硬身但相當好吃和有彈性! 鱔片也很鮮味,很不錯!再追加了一枝酸梅湯,是店的名物,解渴清甜,比出面飲的比較濃一點!上次來吃時已賣清了呢!其實吃火鍋基本上用食材新鮮就是錯不了吧!這裡,吃3次都沒有失望!這店分室內外席,大排檔也不要期望好舒適,不過出品夠美味,已值得再來吧!

這裡一直在列，因為天氣問題，一路都未幫襯。秋風起，係時候打今年第一次邊爐，就當然黎呢到試下。打邊爐其實無咩特別好寫，純粹分享下圖片。手切肥牛同埋本地肥牛，幾十蚊碟，份量算係咁，牛肉食落牛味十足，不錯的。羊肉片就無咩羊味，好普通。唯一試既丸，墨魚丸，係手打的。海鮮有花蝦同花甲，花蝦$138，有13、4隻，大大隻，生猛，自己買都要呢個價錢，抵食。花甲幾鮮甜，還可以。牛栢業爽口，不過碎了點。炸魚皮大塊，脆口。整體邊爐料都幾滿意下。呢到有煲仔飯供應，亦試左煲，有飯焦，飯焦迷應該滿意。其實係臘腸排骨飯，不過無咩臘油香，臘腸水準很不濟。店好小，大家都喜歡店外，更有風味麻。不過係垃圾站旁或者後巷，衛生方面，來這裡要有心理準備，唔好投訴啊。每人都係$200蚊，抵食。