阿四車仔麵 (已結業)

今個星期日出咗黎旺角呢邊同寶寶行波鞋街，搵吓有冇上次睇中左而又無我碼嗰對波鞋🙈由於朝早食完早餐就出咗嚟，所以一點幾左右開始肚餓了😆記得前面嘅豉油街都有幾間食肆，所以就行前少少到新寶戲院呢條街覓食🤓揀左揀右之下，來咗呢間好乾淨又光猛嘅車仔麵店💕店入面乾淨整潔，座位間距幾寬闊，有利預防疫症👍🏻整體設計帶幾分懷舊風，完全唔似一間賣車仔麵嘅舖頭😆睇睇點菜單⬇️除咗車仔麵之外仲有飯食😲而且有d小食對於一間車仔麵店來講幾特別下，例如素炸春卷、炸墨魚卷、日式吉列炸蠔、南瓜薯餅......一啲你唔會諗到一間車仔麵店會有嘅小食🤓而且仲非常抵食，最貴嘅小食先$25❗️.我哋一人點左一碗車仔麵，再加幾款小食💕好似寶寶呢啲咁嘅懶人，唔想揀餸揀得咁辛苦就會直接點一個➡️招牌麵 $58招牌面一共有九種餸🤩辣魚蛋、辣魷魚、豬皮、豬大腸、瑞士雞翼、雞翼尖、蘿蔔、滷水蛋、豬紅🥢非常豐富❗️樣樣都可以試吓👍🏻寶寶揀咗最傳統嘅車仔麵 — 油麵配腩汁💕個腩汁另上，睇到個汁超濃深色🤣款款餸都唔錯，魚蛋好大粒彈牙😋滷水蛋好入味；豬腸、蘿蔔都煮得夠腍❗️瑞士雞翼好嫩腍，好似淆/炆咗好耐嘅感覺咁～.而我就揀咗一個三餸麵❗️三餸麵 $38我揀嘅三

今日黎到旺角鼓油街試食呢間阿四車仔麵，去到覺得佢嘅門面同餐廳內部裝修都非常之有格調，比人感覺坐得好舒服而且一啲都唔污糟，仲有酒精搓手液提供，值得一讚呀！入到去老闆仲問我地想坐邊度，臨走仲同我地講bye-bye，好Nice呀！坐低睇menu，呢到嘅車仔麵有超過30樣餸可以揀，仲有十幾種麵同醬汁任你配搭，另外仲有十款招牌小食同有大碗飯揀，正呀！睇左一輪Menu，我最後就揀左個四餸油麵同兩款小食，小食全部都係$20，好抵，而三餸麵就係$38，加一餸加$9 。跟餐飲品仲有減$8嘅優惠添！唔洗幾分鐘就上齊啲野食啦，碗碗都好大碗好足料呀！我揀左沙爹醬，佢係用匙上比我地自己撈勻嘅。係餸菜方面，我覺得呢四樣餸都非常之高水準架，豬大腸係用滷水汁煮嘅，煮得超入味，好香濃架，仲粒粒都勁大粒，非常推薦！牛腩每一舊都好大舊，燜得啱啱好，好軟淋同夠入味！冬菇嘅菇肉好厚實又大大舊，一樣係好入味！最後就係溏心蛋，同係比一隻蛋而唔係半隻，最愛溏心蛋嘅我真係好驚喜！另外兩樣小食，我就叫左日式吉列蠔同炸唐揚雞塊，兩個都係皮薄餡多，一啲都唔hea架，仲加左泰式酸辣醬添。

行行下旺角突然好想食車仔麵，於是即刻上openrice搵下附近有冇，點知前面街真係有間阿四車仔麵，試下先！台面有好多款醬料，仲有辣菜蒲，又辣又爽口好開胃！有好多款餸俾你揀，仲分埋類俾你添。由於我實在太肚餓，我決定喪叫，一次過試多幾款餸，結果叫左7個餸哈哈哈哈！蘿蔔：炆到好軟仲甜到不得之了，係本人今餐最愛的餸！溏心蛋：本人第二最愛，蛋黃好入味，出面食一隻溏心蛋要大約＄15蚊，呢到只係＄9算好抵食！雞腎：夠入味，口感爽！冬菇：嘩呢個又係勁入味，一定係煮左好耐先會咁索味，出色！最後我轉左讚岐烏冬，因為本人太愛彈牙烏冬，湯地加左沙嗲醬，所以個湯有d濃，配烏冬好似沾麵咁食好正好惹味。小食我地就叫左腐乳生菜，炸墨魚卷同瑞士雞翼，生菜呢d就唔多講喇，炸墨魚卷好脆，墨魚肉好滑牙，點埋小小辣油食好正！雞翼d肉勁林，輕輕一咬就出晒黎，真係冇牙都食到，味道岩岩好唔會太咸，推薦！叫左咁多野食最後仲叫埋杯凍檸茶，2個人埋單都唔洗＄200蚊，真心抵食！