影片
更多
2020-06-09
719 浏览
行開旺角見呢間舖頭成日都排滿好多人，見大家都唔知食乜就決定試吓，今次我哋都等咗半個幾鐘先入到去。餐牌選擇唔少，我哋四個一致決定叫左：海鮮四色茶漬飯。刺身分別有三文魚、吞拿魚、甜蝦同魚子，色澤鮮艷，但食落普通，刺身質地為薄片，冇乜口感，新鮮程度同質素都好嘛嘛，好難餸到成碗飯，附有涼菜同茶製成茶漬飯，但味道一般。溫泉蛋卡邦尼烏冬。味道如賣相可見都係普普通通，卡邦尼醬汁來來去去味道分別不大，依間係我食過最奇怪嘅勁重奶味，嗰種奶味完全唔似卡邦尼，撈埋煙肉、蛋同烏冬感覺好膩，呢種奶味一啲都唔夾......牛肉壽喜燒定食。呢個係咁多樣入面最好味，牛肉肥瘦適中，牛味濃郁，配埋日式醬汁非常送飯，配菜有唔同嘅蔬菜、冬菇、豆腐、洋蔥、菇類等等，再配埋溫泉蛋好好味。特盛黑麻油濃厚豚骨湯拉麵。個名睇落好吸引，但一上到黎就覺得非常普通，湯底可見一啲都唔濃厚-_-只有面頭嗰啲黑色嘅麻油，食落冇乜黑麻油味，豚肉片見到都知係瘦肉，拉麵又係普通貨色，唯獨係隻蛋係糖心蛋好味啲，$89呢個價錢喺出面都可以食到好好味嘅拉麵，食完真係好失望。食完主食對甜品都冇乜期望，但見排咗咁耐又咁夜就唯有叫少少甜品頂下肚，上面呢個係綠茶豆腐
餐牌選擇唔少，我哋四個一致決定叫左：
海鮮四色茶漬飯
$109
24 浏览
1 赞好
0 留言
海鮮四色茶漬飯。刺身分別有三文魚、吞拿魚、甜蝦同魚子，色澤鮮艷，但食落普通，刺身質地為薄片，冇乜口感，新鮮程度同質素都好嘛嘛，好難餸到成碗飯，附有涼菜同茶製成茶漬飯，但味道一般。
溫泉蛋卡邦尼烏冬
$79
31 浏览
1 赞好
0 留言
溫泉蛋卡邦尼烏冬。味道如賣相可見都係普普通通，卡邦尼醬汁來來去去味道分別不大，依間係我食過最奇怪嘅勁重奶味，嗰種奶味完全唔似卡邦尼，撈埋煙肉、蛋同烏冬感覺好膩，呢種奶味一啲都唔夾......
牛肉壽喜燒定食
$99
34 浏览
0 赞好
0 留言
牛肉壽喜燒定食。呢個係咁多樣入面最好味，牛肉肥瘦適中，牛味濃郁，配埋日式醬汁非常送飯，配菜有唔同嘅蔬菜、冬菇、豆腐、洋蔥、菇類等等，再配埋溫泉蛋好好味。
特盛黑麻油濃厚豚骨湯拉麵。個名睇落好吸引，但一上到黎就覺得非常普通，湯底可見一啲都唔濃厚-_-只有面頭嗰啲黑色嘅麻油，食落冇乜黑麻油味，豚肉片見到都知係瘦肉，拉麵又係普通貨色，唯獨係隻蛋係糖心蛋好味啲，$89呢個價錢喺出面都可以食到好好味嘅拉麵，食完真係好失望。
食完主食對甜品都冇乜期望，但見排咗咁耐又咁夜就唯有叫少少甜品頂下肚，上面呢個係綠茶豆腐芝士蛋糕，賣相吸引，係綠茶豆腐雲石面，食落冇乜綠茶味，豆腐味都好淡，唯有點下碟上面啲士多啤梨汁同果仁碎碎。
綠茶紅豆白玉窩夫。所謂嘅窩夫其實都只係兩塊薄薄嘅窩夫脆餅，口感有點硬，綠茶雪糕配紅豆味道穩陣，白玉癡口唔Q彈，整體唔好食。
呢間店嘅環境舒服，但食品質素真係非常普通，冇一樣令人想再返嚟食，如果中午想搵個地方舒舒服服傾偈都算係唔錯選擇，但論食物好多其他日式餐廳比佢更優勝！
张贴
