聯發茶餐廳

营业中

休息中

行開九龍城，我都食過好幾次聯發茶餐廳，佢係令到我回頭再食幾次，除左炒蛋出名，呢度既叉燒都很不錯的，包括味道口感都係我鐘意的😀員工服務快手又有禮貌，快手就好多都係，但呢度既員工都好有禮貌，對客人態度好好我叫左滑蛋叉燒飯，滑蛋好食就不在話下，叉燒都好好食好正，所以再食呢度既叉燒滑蛋，實在係愛上了，仲有洋蔥一齊炒，更加香同好食，份量十分足夠而且賣相都吸引朋友食特餐，沙嗲牛肉湯意粉配太陽雙蛋同牛油多士，佢話份量同樣好足，味道都唔錯好好食，牛肉唔會過硬，太陽雙蛋入口都唔錯而且煎得好高質！同埋佢好鐘意食多士，覺得呢度既多士值99分飲品我地有杏仁霜同奶茶，亦不過不失，我同朋友都幾度回訪了，除左食物吸引我地當然員工態度都好重要，佢地好快手又有禮貌既態度都留到好多回頭客

九龍城是我工作的地區，每次午膳我都會與同事盡量試去不同食店，由牛腩粉麵、印度食店、泰國餐廳、日式料理等也試過了不少，但最穩妥的貼地選擇都是選茶餐廳。 點解？ 因區內的大小食店多不勝數，能在此區立足的茶餐廳，水準也有一定保證。今晚放工約了朋友在宋皇臺站外等，然後行了一個街口到候王道的聯發茶餐廳用膳。聯發茶餐廳是貼地的民生餐廳，以叉燒及煲仔飯馳名，我們都喜歡吃叉燒，所以就叫了兩個滑蛋叉燒香蔥飯餐配熱檸茶。飯後當然要叫甜品，店內有雪糕咖啡，我們就點了來品嚐一番。總括而言，叉燒鬆化肥瘦適中，雪糕咖啡有創意，如能由一球雪糕加至兩球的比例，甜與苦的咖啡甘香味道配合，定必效果更佳。

第2次幫襯啦.滑蛋叉燒飯蛋香而且真係做到滑蛋質地唔會過熟 令到個飯保持濕潤食到最後都冇一啖係剩食白飯!!!豉油都唔洗落太多.西多士好厚阿傻的嗎食完一個飽到上心口炸得好靚 上面層牛油都算幾大塊我輕輕喺個面到掃左一下就撩開左佢勁邪惡阿 肥妹can’t handle 個包其實炸完都好軟 唔係隔夜包冇哂水份嗰隻 唔會硬到脆多士咁.凍奶茶真係必飲一入去餐廳已經聞到成間都係茶味好濃滑!!!!!.下次嚟會試下佢D茶餐同炭火叉燒飯

今日食lunch 經過聯發茶餐廳，見唔多人就入左去食(平時星期六日都好多人，要排隊)平時都係食早餐同茶餐，今次就試下啲碟頭飯🤡🤡叫左個滑蛋叉燒飯同凍奶茶。等左5分鐘就黎齊，效率非常快👏🏻叉燒雖然偏瘦，但係無平時燒味鋪買果啲咁乾身，味道幾好👍🏻滑蛋就好出色，好滑同好重蛋味，唔似加左奶果啲炒蛋，加埋啲叉燒係絕佳配搭👅凍奶茶夠曬大杯，同埋用左不銹鋼杯，保持冰凍，味道都唔錯👍🏻整體份量都算多，好餓先食得曬.不過價錢以碟頭飯黎講都算偏貴，連凍飲都62蚊👀👀

之前來過聯發食常餐，知道佢地嘅蛋同埋叉燒都有一定水準。見到有叉蛋飯供養，明知不便宜但也忍不住一試。聯發的叉蛋飯有兩種，一種是午餐的炒滑蛋叉燒碟頭飯，跟飲品; 另一種是煎太陽蛋叉燒飯，飲品要另計。今天吃的是前者。點了餐，2分鐘內已經有得食。炒蛋鮮黃而富有蛋香，叉燒蜜味豐富，甜豉油可自由添加。比起幾條街外的味將軍，聯發的叉蛋飯在蛋的質和量都更高，成品比味將軍更香但較乾身 (是的，味將軍的炒蛋是半生熟，入口更滑) 。叉燒方面也是聯發贏一條街，價錢方面是$60 對$38，兩者也包飲品而凍飲無需加錢。吃罷，肚子滿足，荷包空虛。已不想去研究$60大元有多少是材料人工，有多少是鋪位租金。貴價碟頭飯的背後，起碼吃得滿意便是了。