花月宮

营业中

休息中

花月宮真係令人百吃不厭，湯底同材料選擇多，仲好高質添阿！環境優雅，裝修高貴宮廷式，卡位座位闊落，可以好舒適咁享受打邊爐🥰醬料費 $18蕃茄濃湯海鮮鍋 $168真材實料嘅蕃茄薯仔湯🍅🥔，蕃茄味香濃帶微酸，入面嘅海鮮有鮮蝦🦐、墨魚🦑同青口，鮮蝦鮮甜爽彈。比起其他湯底，蕃茄湯較清淡同健康😋！滑雞片 $58切片雞脾肉好鮮嫩🐤，沾少少豉油食，帶出鮮味更好味。日本北海道花豚豬腩片 $148脂肪分佈平均🐷，唔會太肥，肉質柔軟。日本北海道花豚豬卷 $128切片豬卷切得厚薄適中🔪，紋理細緻，肉質幼嫩而且肉汁豐富😍！風花雪月手打丸拼盤 12粒 $168共有六款丸，有有鮑魚丸、干貝丸、墨魚丸、芝士墨魚丸、蝦丸、流沙黃金蝦丸。最愛流沙黃金蝦丸口感豐富，蝦肉多到好滿足，入面有個咸蛋黃，咸香好正😋！📍 花月宮 (屯門)屯門良德街8號珀御1樓101號舖

呢間餐廳環境都好舒服，坐位好闊落！一坐底店員就比咗醬料兜你自己揀醬汁。💪🏻 養生豆腐白肉湯鍋 ($128)呢個養生鍋一上枱已經聞到好香藥材味，當中有杞子、紅棗、玉竹等，飲落藥材味都好濃郁，好鮮味😋。而且湯底用嘅豆腐係蜂巢豆腐，所以索晒所有汁🥰 另外，湯底嘅白肉都好大舊，厚切，食落去肉質都好淋，即使係湯底配料都好食！配料都好多份量，好足料！💪🏻 自家製脆炸響炸 ($58)響玲係即叫即炸，新鮮滾熱辣！亦都勁脆身😍 另外，餐廳仲準備咗甜酸醬畀你可以點即刻點黎食。💪🏻 手打干貝丸 ($78)好香瑤柱味，亦有啲瑤柱絲，食落都好彈牙！💪🏻 滑雞片 ($58)雞肉肉質好滑身，一啲都唔鞋😋！而且雞片切得好薄身，所以都好快熟，保留到肉質嫩滑！味道：8.5/10性價比：6.5/10食住瘦指數：💪🏻💪🏻💪🏻💪🏻💪🏻/ Gym Friendly

自從食過花月宮既沙嗲湯底，真係好食到番唔到轉頭🥹 其他沙嗲湯已經滿足唔到我地啦🤣！ 仲有佢地既黃金脆蟮球都係超級好食！特色沙嗲湯底濃濃既花生香味👍🏻，煲入面仲有蜂巢豆腐同豬紅，蜂巢豆腐索哂沙嗲湯，超好味。豬紅新鮮，洗得好乾淨，無腥味。本地手切新鮮頂級騸牯牛頸脊牛肉味濃郁，油脂分佈平均，嫩滑有咬口🐮。滑雞片滑雞片部位用咗雞髀肉，呈粉嫩色，淥熟後非常嫩口，肉質柔軟👍🏻。黃金脆蟮球廚房既炸物技巧真係一流！金黃色嘅外表睇到已經流晒口水🤤～ 外皮香脆，炸粉薄身，鹹蛋黃平均地沾滿每一件脆蟮球，而裏面既蟮球熟度啱啱好，肉質柔軟，而且有彈性😍！！流沙黃金蝦丸 4粒蝦丸真材實料，有粒粒蝦肉，鮮味彈牙💯。薯粉幼身薯粉似粉絲咁幼，比起粗身薯粉更加快熟，煙煙韌韌好吸湯，配上濃郁沙嗲湯食好滋味🥰。📍 花月宮 (屯門)屯門良德街8號珀御1樓101號舖