九份飽 (淘大商場1期)

营业中

休息中

同屋企人黎淘大食飯，見好耐無食台灣野所以試試呢間。一入餐廳，覺得裝修好有心思，滿滿既台灣懷舊味道👍🏻Menu就係一張紙，自己填選食物及野飲。• 紅燒牛腩刀削麵 HK$65牛腩非常大舊👍🏻但口感一般，唔算好淋又唔係鞋口，都有4-5舊。但刀削麵就爭少少，可能同平時食開既刀削麵有啲唔同，佢似係比較煙韌但唔算好彈牙而闊身嘅麵條，但湯口係幾夠味道，唔係死咸。• 香酥雞扒魯肉飯 HK$53雞扒都夠多及大舊（我影得醜🥲），而且炸起熱辣辣👍🏻不過魯肉唔夠肥同埋唔夠多！唔夠拌飯🥲而且醃蘿蔔只係得一片⋯希望餐廳之後可以改善，起碼最少都有三塊😂• 滷味拼盤 HK$37佢又唔係大碟，但係啲份量又唔係話好少🫠我自己本人就唔特別大興趣食滷味，屋企人就話無咩特別。• 玉米起司蛋餅 HK$32成餐飯覺得最好食嘅一樣嘢食🥹有非常多嘅粟米，咬入口之後有卜卜既口感～而且都有足夠嘅芝士！粟米同芝士味道都好夾，加埋辣醬食好惹味🩷叫左杯芋頭奶茶，熱，0糖。一飲落口，勁甜😵我即刻望一望張單，又真係落左0糖架喎，我就估可能餐廳本身係用糖水浸住啲芋頭肉，不過芋頭肉有好多👍🏻但甜度需要改善🫠價錢合理，再次經過既話都可以再試下其他野食👍🏻

知你一向喜歡遊台灣，一年會遊幾次，但因疫情關係而未能出走，所以今晚專登跟你吃餐台灣菜，希望可一解你的相思之苦，哈！餐店門外放了一個「九份飽站」車站牌，還未進入已感受到台灣的色彩，門面設計好有特式。走進內裏更眼前一亮，柔和的燈光下掛了一行行紅燈籠，還搭了照相館、大戲院、冰菓室等場景；擺放了古式的郵筒、單車、木櫈等等，連下單處都設計成車票站，非常有心思的裝潢，令食客猶如身處台灣，吃出台灣風味。採用木枱圓櫈，設有多張二至四人枱，座位不少，加上樓底甚高，感覺挺舒適。看看點餐紙，共有四項，分別有主餐、飲料、小吃湯類和甜品，每項選擇都幾多。我們就揀了三款菜式開心share，再加兩杯飲品，好豐富。********************好懷念台灣的牛肉麵呀……這客紅燒牛腩刀削麵($62)令我重拾台灣的味道。刀削麵中厚邊薄，外滑嘟嘟，內有筋道，口感佳，伴着濃郁的湯同吃，味道香濃，不鹹不油，又香又美味。每件牛腩大小適中，啖啖肉，夾雜一些筋膜，腍嫩中亦帶煙韌， 入味而不鹹，正！還配有嫩口無渣的白和紅蘿蔔，幾條翠綠的菜心，足料！********************在台灣早上必吃蛋餅，又好懷念呀！肉鬆起司

呢日喺附近行完街街 醒起有朋友推薦左呢間一入到去 裝修格局令我回想起六年前去台中一個叫新香蕉樂園的地方૮ •̥ ·̫ •̥ ა 真係好想去旅行🧳💡懷舊魯肉飯（小）魯肉肥瘦均勻 肉既份量都不少 唯食到落底魯肉汁不見了 送唔哂碗飯不過叫細份剛好俾我地開心share‪ ֊ ̫ ֊💡海苔肉鬆起司蛋餅呢個再來的話一定會encore甚至會自己叫一份每檯都叫 當然要試雖然係最遲先到既一味 但絕對係新鮮整出嚟海苔肉鬆好多 但咬落去有半融嘅起司香味蛋餅熱辣辣又軟熟 好吃💡炸甜不辣 以為睇落細細兜 原來成兜都有好多條成兜滿晒 酥軟鬆脆 口感煙韌 一條條咁食完又想再食(ᐥ꒳ᐥ )但旁邊配搭的辣醬就即時變得很香港風味💡滷味拼盤老實講 好細既一碟 而且係超薄切 薄到自己食咩都feel 唔到入面有五款食物 每款約有三塊 較為吝嗇唯果一隻雞翼俾我整下佢滷水真偽 撕開雞翼入面完全冇滷水味 肉質都係白色嘅滷水表現就真係一般般但係💡鳳梨綠茶 跟餐+$10叫了半甜 入口舒適唔甜 好香嘅鳳梨味減甜度更顯出綠茶味香( •́ɞ•̀)( •́ɞ•̀)✰ 只接受walkin 星期六晚六點半等候時間約為20分鐘

今日和朋友往九龍灣九份飽食晚餐, 我們點了香酥雞扒魯肉飯, 香酥排骨刀削面、海苔培根煎餅、滷味拼盤、黑糖珍珠奶茶和芋頭奶茶。香酥雞扒魯肉飯份量足料, 雞扒炸得金黃香脆, 肉質鮮嫩, 魯肉肉味香濃, 食落有油花, 白飯食落軟綿, 黃羅白食落鮮甜, 整份香酥雞扒魯肉飯食落惹味, 份量十足；海苔培根煎餅蛋味香濃, 海苔食落爽脆, 培根鹹度適中, 整份海苔培根煎餅食落美味滿足, 配上辣度辣椒汁口感一流；滷味拼盤材料有豆腐, 雞蛋、朱耳朵、雞翼和牛肚。豆腐豆味香濃, 鎖上滷水汁口感一流, 而牛肚食落爽口；最後黑糖珍珠奶茶黑糖甜度適中, 奶茶茶味香濃, 配上珍珠口感十足。餐廳座位適中, 環境怖置猶如置身廿十世紀的台灣, 餐廳食物美物美味, 份量十足, 價錢合理, 食了一頓美味台式晚餐。

幽暗的晚光，大紅燈籠高高掛，加上懷舊色彩的商店，旅客眾多，好不熱鬧。這尤如在晚上台灣九份的繁華景象，其實是在九龍灣一家台灣菜館的情況。這種環境，讓我和男友彷如置身九份。這裡的台灣特色美食當然應有盡有，麵、蛋餅、小食和飲品的價錢都好實惠，台灣餐廳用台灣價嗎？！所以我倆忍不住點了好幾款食物。滷味拼盤 $35有滷得軟身的雞翼、豆腐，爽口的牛肚、豬耳和蛋共五款食材，非常豐富。全部食材都好入味，鹹中帶點甜。海苔肉鬆起司蛋餅 $37不厚的蛋皮包著好多餡料，漲鼓鼓飽滿地上菜。除了頂部的甜醬汁，還有辣醬帶來刺激感。一切開完全是爆餡的狀態，滿滿的酥香肉鬆、切成細絲的香脆紫菜被半融的奶滑士和煙靱的蛋餅皮包裹著，是有著多重口感的豐富滋味。紅燒牛腩刀削麵 $59深啡的牛肉湯，味道相當濃厚，充滿著藥材和牛肉的味道，鹹香的感覺讓人一喝再喝。牛肉煮得入味又軟身，很易咬開，也有足夠的牛味，加上鹹菜有畫龍點睛之感。刻意加10元點的刀削麵，彎曲的外型已很好掛湯。它的質感彈牙、勁度十足，很好咬口。九份芋圓 （溫）$35這比我想像中大份、豐富。煙靱好咬的芋頭、蕃薯及紫薯芋圓不在話下，還有彈牙的珍珠，幼滑的豆腐花，滑溜清涼的仙

友人新屋入伙，今晚就去她家housewarming。雖然她是入廚高手，但由於搬入去不久，可以話「百無」，加上六點仍是禁堂食，故只好外賣。九龍灣唔止德福食肆雲集，連淘大都有很多選擇架，她今晚就帶我來到這間挺有特式的食店。  門外放了一座寫上「九份飽站」的車站牌，門面的設計已挺有特式。走進內裏就更眼前一亮，柔和的燈光下掛滿一行行的紅燈籠，還搭建了照相館、大戲院、冰菓室等場景，;亦擺放了古式的郵筒、單車、木櫈等等，連下單處都化身成為車票站，非常有心思的裝潢，令食客猶如身處台灣的九份、十份，吃得更有台灣風味。可惜六點後禁堂食，我們今次只好先初步觀摩一下，下次再慢慢坐低感受。看看點餐紙，共有四項，分別有主餐、飲料、小吃和甜品，每項的選擇都唔少。我們就揀了六樣開心share。主餐有紅燒牛肉米粉；小吃有海苔肉鬆起司蛋餅、滷味拼盤和腐乳燙青菜；飲料有凍蜂蜜檸檬；甜品有芋頭芋圓豆奶，係咪好大食呢? 哈哈!********************一吃台灣菜就想起牛肉麵，這客紅燒牛肉米粉($49)挺有份量。米粉和湯料分層盛載，唔會俾米粉索晒啲湯，讚! 米粉Q彈有咬口，口感不俗，掛湯力較弱，還是舀一大羹湯放上

今日去咗九龍灣shopping，行經見到呢間新開嘅台式餐廳，望落去Menu幾唔錯，所以決定買外賣返去食😋香酥排骨飯 ($45)- 排骨好大舊，望到香脆嘅表皮已經好吸引，鹹鹹香香，食到舔舔脷香酥雞扒魯肉飯 ($48)- 雞扒炸到金黃金黃，望到已經流晒口水，雞扒外皮酥脆香口，食落脆卜卜，雞肉滑嫩多汁，食得好滋味- 魯肉飯都好好味，醬汁地道，夾埋香酥雞扒一齊食一絕紅燒牛肉米粉 ($49)- 紅燒牛肉大大嚿，而且牛肉一啲都唔乾身，紅燒汁都好香濃惹味，連埋米粉索晒啲汁，好好味滷味拼盤 ($35)- 滷味嘅款式都幾多樣化，例如有豬耳、雞翼、滷蛋、牛腱同豆腐，款式好豐富，而且滷得好好，醬汁香濃，非常入味，食落好惹味珍珠奶茶 ($23)- 茶底都幾突出，而且珍珠Q彈，幾有嚼勁，甜度都適中，配台式菜一流整體來講呢間台式菜好好食，而且價錢都好親民，望到餐廳嘅內部設計都幾靚，幾有特色，遲啲睇吓有冇機會堂食，食埋其他菜式😄

無得去旅行，相信大家都靠食黎得到慰藉。我都唔例外，今個星期就決定飛一轉台灣！九份飽裝修特別，充滿舊式台灣感覺。天花掛滿紅燈籠，牆身兩邊有舊招牌設計，又靚又吸睛！食物整體味道唔錯，除左主食外，仲有多款台式小食。價錢經濟實惠！食到十成飽，人均都係$100以內，抵食。🔸台灣擔仔米粉 $42有肉燥、滷蛋、蝦、酸菜、芽菜、芫茜餸料較少。米粉量多，透明偏幼身。單一碗擔仔米粉可能會Dry少少，用黎餸小食一齊食會飽肚D。🔸海苔肉鬆起司蛋餅 $37蛋餅皮薄，咬落微帶煙韌。海苔、起司味唔算特出，但肉鬆不少。🔸酥炸花枝丸 $35熱辣辣炸起，花枝丸皮夠酥脆。咬落彈牙，唔係林滋滋個種。🔸滷味拼盤 $35拼盤包括豆腐、滷蛋、豬耳、雞翼、牛腱。滷味夠入味，香氣濃郁。個人最喜歡豬耳，爽口Q彈。另外還點選了幾樣，不過不失，就不刻意提了：）🔸綜合湯 $25 （紫菜、貢丸、魚丸）🔸蜜桃紅茶 $20 （+$3椰果）/ 🔸草莓綠茶 $20

今日約咗Gym buddy放工後做gym，gym房喺淘大商場附近，咁啱九份飽係淘大商場開咗分店，gym buddy又好耐冇食過台灣野，所以我哋決定試吓九份飽嘅新分店！我同朋友7點去到門口，點知餐廳已經大排長龍🤣，人氣非常旺盛。九份飽走懷舊風格，餐廳每個角落都掛上舊式招牌，包括電髮院、戲院、照相館等等📷天花亦舖滿紅色燈籠🏮- 懷舊魯肉飯肉粒肥瘦均勻，而且切得好大粒，食落鹹中帶甜，而且醬汁夠多，每一啖飯都唔駛乾淨淨。另外配上一片醃蘿蔔，酸酸甜甜兼解膩。- 肉鬆起司蛋餅餅皮煙煙韌韌，蛋同餅皮煎得好貼合，入面嘅芝士呈半溶狀態，加上香甜肉鬆，真係食到停唔到，如果每朝起身都食到蛋餅就正啦😫- 滷味拼盤拼盤有豆腐、雞翼、雞蛋、豬耳等，味道唔會太甜，每款滷味都好入味。- 鹽酥雞香脆外皮下肉質非常嫩滑多汁，調味恰到好處，唔會過鹹。叫咗滷肉飯再加$10就可以有一杯蜂蜜檸檬。而我叫左珍珠奶茶。九份飽嘅珍珠奶茶味道亦唔錯，珍珠有咬口，甜度適中。以後每一次做gym之前都要嚟九份飽食返個滷肉飯先😍

今日和朋友往九龍灣在份飽食台灣菜, 我們點了香酥雞扒魯肉飯, 香燥雞扒肉燥面、酥炸花枝丸、滷味拼盤、珍珠奶茶和芋頭牛奶。香酥雞扒魯肉飯雞扒熱辣辣, 肉質鮮嫩啖啖肉, 口感十足, 魯肉飯飯粒軟綿, 魯肉肉質鮮甜味美,口感十足, 整碗香酥雞扒魯肉飯食落美味, 口感豐富；酥炸花枝丸炸得金黃, 食落有彈牙有鹽酥香味, 食落惹味；滷味拼盤有豆腐, 雞翼、朱耳、蛋和牛展, 牛展食落軟腍, 豆腐鎖上滷水汁, 食落香甜；最後珍珠奶茶我選了少甜, 珍珠奶茶奶茶茶味香濃, 奶味香滑, 珍珠大小適中, 甜度適中。餐廳裝修是五六十年代台灣, 很有古早風, 餐廳食物美味份量十足, 價錢合理, 食了一頓高質美味台灣菜。