潮館 (創紀之城五期(apm)) (已結業)

方魚炒芥蘭芥蘭夠大條，炒得有鑊氣，而且唔會好生、硬，反而配菜方魚唔出味，看似起鑊前再加上去。滷水拼盤食過好多次了，好穩陣嘅送飯菜式，😋唔會單一咸味，滷水味多層次，底部還有白蘿蔔，唔錯。什菌花膠豆腐煲看似細細煲，其實幾足料，好多豆腐，豆腐滑，花膠都唔差，味道唔錯，芡汁稠度剛好。清蒸花尾龍躉仔蒸得剛剛好，配襯甜甜哋嘅蒸魚豉油同葱絲熟油，魚肉質嫩滑有鮮味。瑤柱蛋白炒飯份量好大碟，飯炒得粒粒分明，飯略嫌乾身左少少，蛋白唔夠融合於飯中，分布不平均。鑊仔胡椒豬肚雞最期待的，可惜最失望，淡無胡椒味，豬肚和雞無味而且切得大細不一。

喺apm諗唔到食咩。最後唔想等位就去食潮州菜。2個人仔叫左凍馬友。炸蠔餅。滷水拼盤。潮州粥。原本想食大眼雞。不過冇就轉左食馬友。馬友上枱時去左骨。不過搞到賣相麻麻。入口第一下就有一陣腥味。質素一般。食到腩位都叫食到有啲油香味。炸蠔餅眼見都叫多蠔。不過唔酥脆。個餅一凍左少少就開始淋同多油。最後揀走左好多粉餅先食到。😖滷水拼盤算係抵食。唔駛$100就有鵝片鵝肉。鵝算淋不過冇乜鵝香味。豬耳有少少酸。鵝亦有一片片毛。蛋唔夠入味。仲有腎。紅腸。豆腐。蘿蔔。正正常常。食左蠔餅感覺好油。所以最後叫左碗粥。碗粥見到一粒粒米同時好綿。有米香味。食完個粥舒服番哂。餐廳有啲嘈。所以食完就快快走了。

年初一同男友2個去食中菜平時2個人開飯好少去食中菜, 因為叫得多又食唔哂不過今日起慶日子, 農曆年初一一於去食下喇意外地唔使等位, 人多就可能要等一陣其實晚市好似是第一次來幫襯菜式唔算多選擇, 有半席及一席的套餐散叫的不算多, 黎食潮州菜, 緊係要點滷水拼盤先喇有點似盤菜feel 最底的是白蘿蔔, 上面盛著的是蛋, 豬耳, 鵝片, 腎, 司華力腸 (不是紅腸), 墨魚蘿蔔也很入味, 整份味道不會太咸, 適中其次是香菇扒豆苗 (忘了名字)帶點瑤柱, 豆苗鮮嫩不過"獻汁"多了點, 整體味道也可以最後的是新年特製菜式, 我又忘了名字因為名字是很有意頭由龍蝦球, 三色椒及露筍炒成龍蝦球有咬口及彈牙, 整碟也不會過多油蔬菜上檯還很青嫩2個人當然食唔哂呢3碟餸喇~埋單要自行到門口收銀處以前同老豆飲過茶, 知道唔收加一, 好抵佢起大年初一既日子, 唔知係改左制還是節日所以都有收加一, 不過無所謂喇, 度度都要加一架喇新年加一算少了當我簽完卡後, 收銀比了2個小利是我地以為只是一般的coupon/金幣朱古力等糖果男友打開時, 是一個十元硬幣我還以為是玩具, 沒想過原來是真金白銀的"十元"利是從未試過去

一年一度嘅新年將來臨,又係同班親友們出動飯叙的日子今晚第一回就選點這裡, 因為之前食過覺得不錯 我們要預先BOOK位還要分兩個時段!我們有六人,順利成章點半席試試...滷水拼盤 - 覺得味道唔錯,好快比我地消滅了炸豆腐卷 - 炸得幾脆,味道也可以花枝珊瑚蚌 - 炒得太油膩,味道一般翅 - 有少量翅,材料不太多,味道普通蒸魚 - 肉質比較鞋,無鮮味龍蝦伊面 - 騙人的龍蝦,只係蝦球,回水富貴鮑 - 只是普通的螺片,失望炸子雞 - 一般貨色...糯米飯- 飯質比較硬,味道還可接受桃包 - 侍應問我地要水晶包定桃包,我地唸耐少少就即刻黑面! 味道一般,不熱可能太多人了,感覺不夠人手,服務自然差, 我們變成比人忽略了!!!食物水準比以前差了很多,而且又唔太抵食,不明白為何還有這麼多人等位??我估我們短期內都不會再來了