福門海鮮菜館 (已結業)

見呢到好似幾好, 又就腳, 食完又可以行陣街~即刻班齊人馬黎試喇喂!前菜1!! 幾好食~外邊炸得脆脆, 裡面豆腐軟棉棉. 沾少少喼汁 又幾開胃喎邊等齊人邊食, 又唔會太飽肚但又可以過下口癮~前菜2!!味道好, 大部分都去咗骨, 啖啖肉, 唔會太咸 沾醋又醒胃!但係!!! 佢多毛到嘔...真係好核突!!第一啖唔知食落口, 吉口吉到一個點!哂多少少功夫燒下毛又好, 逐條毛拔又好...都唔好咁嘔心啦....真心差 影嚮哂成個感覺!夠惹味! 花椒令到麻辣感一流!雞肉夠嫩又唔鞋口~ 又唔算肥!配菜非常入味, 夾住洋蔥食, 正!蟶子皇 $88/2蒜蓉粉絲蒸係常識吧!真係好鮮甜~ 好大隻~ 好好食好彩蒜蓉唔苦..因為我食過好多餐廳的蒜蓉都帶有苦澀味~粉絲又好食, 唔難吞!真係好難唔妹食嫁喎!!! 哈哈皮脆肉嫩, 口感一流!!雖然好肥, 好油, 好邪惡, 但都忍唔住要食食食，太香口喇!!!個蝴蝶蚌唔知發生咩事,係好大隻但 咬落一"PAT PAT", 又淋"PAT PAT"完全係唔新鮮! 唔係一般嘅唔新鮮, 係死左好耐果種唔新鮮!!!!反而配菜同粉絲好食... 好失望!!!!!!又係唔知發生咩事!!!

由於朋友家住附近, 應佢推介來到只有三分鐘腳程的菜館一試。可能是平日關係,晚上7時人流不多, 唔洗等位今次完全由朋友爸爸發板, 雖然我地加埋只有6個人, 但都叫左好多菜!首先上既係上湯蝴蝶蚌, D蝴蝶蚌好大隻! 用清清既上湯煮,完全成功帶出蚌本身既鮮味! 之後就上左金磚炸豆腐同滷水豬腳仔兩個小食!原先對炸豆腐都冇咩期望, 食過呢餐先知原來豆腐都可以整得咁好味!呢個豆腐完全係外脆內滑, 外邊應用係有落DD 椒鹽,可口非常!入邊個豆腐相反, 係淡淡的豆腐香, 又軟又滑!好驚喜 個滷水豬腳仔都整得好入味!個人最怕食有骨既野,佢個豬腳仔分開得岩岩好, 容易食到!朋友爸爸話黎親必食既燒鵝王＄228人不多所以叫左半隻, 燒鵝皮燒得好香, 食到我停不到口!名不虛傳呀!燒鵝仲有炭燒腩仔肉 ,炭燒得都好香, 但我掛住食炭燒都忘記左食佢.搞到凍左咕嚕黑豚肉,黑豚肉係唔同D既, 肉質細緻軟嫩,好味!蒸蟶子皇,好新鮮好香蒜蓉味!蒜蓉冇得輸!最後呢個叫"玉盤艷素" 個名好好聽!我餐餐都要叫個素食先自我感覺良好!朋友真係冇帶錯我黎,下次探佢地一家都要再食多次先得!