百芳池上便當 (希慎廣場)

营业中

休息中

百芳池上便當我都食過唔止一次la，最鍾意呢度既便當有好多配菜。食個便當有種翻左台灣既感覺😚又豐富又好食，性價比極高。 1⃣️百芳豬扒便當（$61）便當配菜好豐富，有粟米、粉絲、肉碎、榨菜粒、炒菜，仲有半隻滷水蛋🤩淨係食個飯已經好滿足。豬扒切好四塊，冇骨方便食用，外皮冇炸到好脆，但係食落好入味😋  2⃣️滷肉飯便當（$55）配菜一樣係好豐富，望到都已經開心🥰冇乜汁，但係滷肉本身半肥瘦，伴埋飯食，有啲肥膏令到整體食落都唔會覺得乾，而且都幾夠味👍  3⃣️台式鹽酥雞（套餐+$28） 鍾意佢地呢度既鹽酥雞，好有台灣夜市風味🤤雖然雞肉唔算特別嫩滑，但係鹽酥風味夠曬出，亦都炸得好脆。而且份量好多，冇諗過加配小食都會有咁大袋。  4⃣️夜市花枝丸（套餐+$17） 有五粒，調味同鹽酥雞一樣，好香😍花枝丸大大粒幾彈牙，而且入面仲食到原粒花枝。  5⃣️茉香綠茶（跟餐）綠茶幾好飲，不過嗌左少甜都係好甜，建議大家嗌低啲既甜度。  6⃣️炭焙烏龍（跟餐）烏龍有甘香，嗌左無糖飲落好舒服好解渴😌 

Hysan嘅foodcourt一向都好受歡迎就算大部份都係連鎖店不過都係有水準今日好掛住台灣所以就諗住食台式便當🍱感覺就好似去左個快閃旅行咁又係因為懶嘅關係一早就用openrice外賣自取訂定同朋友去到app寫已經可取不過職員又話未得不過野飲就已經準備好見到其他買外賣嘅人都好似等左好耐不斷問有未反而有啲遲黎嘅人有得拎先最後比預定時間等多左15分鐘先攞到😥其實台式便當配料大部份應該早已準備好今次真係耐左D而且外賣次序真係有啲混亂加埋行番去嘅時間飲品最後整好左半個鐘先飲得🙁圓圓嘅便當盒好似新年全盒充滿各種唔同配菜全部都好適合撈飯有粟米、粉絲、娃娃、菜脯、半隻滷水蛋中間有滷肉飲品有3款唔使加錢我就揀咗杯茉香綠茶不過我見佢台式飲品選擇頗多平時台式餐廳選擇最多只係得珍珠奶茶呢間選擇誇張到好似一間台式飲品店有芝士奶蓋、豆乳、小芋圓等等Overall味道不錯不過食物上菜時間要控制得好啲畢竟食foodcourt 都係為咗快

已有一段時間沒有外出進餐和出外旅行。想起台灣的美食，便來到公司附近的便當店買個台灣便當回家吃。這裏是一個美食廣場，有大量座位，只是因限聚令，晚上未能在此堂食。滷肉飯便當($54)，便當配白飯、三款配菜、半隻滷水蛋和一杯飲品。免費餐飲可選阿薩姆紅茶、茉香綠茶或碳焙烏龍。滷肉飯有軟腍的半肥瘦豬肉，濃郁的滷汁多得可以拌整碗飯吃。配菜有清爽鮮甜的粟米粒，與軟腍的滷菜一爽一軟的配搭搭當。滷水蛋是不能缺少的配料，爽而彈牙。再加上大量爽甜的娃娃菜，既有蔬菜，又有肉類，簡簡單單的便當也能做到均衡營養。滷肉飯以木盒盛着，木盒可以保温，而且能吸收食物散發出來的水氣，令食物更清爽和飯粒不會變得過於軟腍。凍芋頭鮮奶(+$27)是甜蜜濃芋系列的其中一項芋頭飲品。聽說芋泥綿滑非常好喝，所以我不選免費飲品，以正價減8元選了這杯原價$35的特飲。芋泥量多而香甜，佔了整杯近一半，十分足料。加上香滑的鮮奶，攪拌後可嚐到兩種不同的香滑感，是完美的配搭。在炎炎的夏日，喝一杯冰涼綿密的芋頭鮮奶，沁人心脾。

是日在疫情期間，到food court食個便飯，出入都有量體溫，以及分隔座位，都算安心。既然想簡單就買個便當好了，殊不知一D都唔簡單，便當幾有台灣風味，係food court算係高質出品了。如果打算去food court食個便餐，不失為一個好選擇。當中驚喜既位，雖然唔係奶茶專賣店，我點既黑糖珍珠鮮奶係出奇咁好飲！！真係值得試下。台灣牛肉麵 紅燒湯麵呷一啖湯，都幾香濃，牛肉味好香，牛肉分量都多，係食之前快快趣分D俾朋友，而蘿蔔都好入味。台灣夜市香腸太想念台灣夜市，點左咗分腸仔分享，就係台灣既味道，哈哈 XD滷肉飯便當滷肉飯用料都豐富，鋪滿飯上面。我試咗少少，滷肉飯都幾惹味，最後朋友係成個飯食曬呢~黑糖珍珠鮮奶就係佢！真係好飲！攪勻之後飲，黑糖既味道係好出，不過唔會甜得緊要，我覺得係啱啱好，真係贏到出面既專賣店呢芋圓奶茶黃色果杯，好難影到入面，朋友話好多芋泥，到飲完奶茶，仲有好多芋泥，佢係撕開包裝紙來食XD