鳴門魚市場居酒屋 (已結業)

今日六叔六嬸嚟咗探我們，之後夜晚我們去咗之前食過覺得幾好同有扭蛋機遊戲玩嘅旺角染布房街嘅「鳴門魚市場居酒屋」食晚飯！由於我們5個人，所以可以扭蛋2次！今次我們扭到漁市場刺身拼盤同壽司拼盤「12件」，雖然都係用$1扭蛋出嚟，但出品質素絕對唔馬虎，刺身壽司嘅款身都幾多，而且相當新鮮嫩滑，味道好鮮甜！我們另外再叫咗特上赤蝦海鮮飯同山葵醬油碎粒魚生飯嘅賣相好色彩鮮艷吸引，材料非常新鮮，而且份量十足！燒鷄翼燒得外層都幾香口，肉質都幾軟滑！鰻魚飯嘅鰻魚肉質好嫩滑彈牙，米飯亦幾軟熟！石鍋博多湯豬軟骨烏冬嘅烏冬麵質非常軟滑彈牙，豬骨湯底嘅味道相當鮮味濃郁！石鍋溫泉玉子芝士豬軟骨飯嘅豬軟骨肉質好鬆化軟滑，軟骨好腍身，味道好香甜入味！

今晚我們去咗旺角染布房街嘅「鳴門魚市場居酒屋」食晚飯！餐廳門外放咗扭蛋機，店員同我們講話用$1就可以扭到唔同食物嘅驚喜！本人扭到個漁市場刺身拼盤，真係好開心！漁市場刺身拼盤係用幾款唔同嘅刺身組合而成，而且都幾新鮮！另外我們叫咗特盛海膽飯嘅海膽份量相當多，所以賣相非常吸引，味道好鮮甜軟滑！自家製櫻蝦蟹肉玉子燒嘅玉子燒得好香甜軟滑，一層一層嘅玉子包著蟹肉，口感相當豐富！燒七味魚乾燒得好乾身，味道好惹味！阿古豚豬手嘅豬手好腍好軟滑，而且吸收晒醬汁嘅香甜味！燒日本鯖魚嘅外皮燒得好香脆，肉質好實好嫩滑！鰻魚飯嘅鰻魚肉質好軟滑彈牙同好肥美肉厚！山葵忌廉醬拌海鮮冷稻庭烏冬嘅烏冬相當軟滑彈牙，帆立貝好鮮甜嫩滑，醬汁有山葵嘅香味，感覺都幾特別！

三色海膽飯9/10😍滿滿的海膽，加上一隻生雞蛋，十分吸引。海膽甘味濃郁，鮮甜可口，甘甜味齒頰留香，有爆炸性的視覺和味覺享受。其他壽司都非常美味，尤其喜愛火焰壽司。刺身拼盤7/10⭐️魚生都算厚切，甜蝦新鮮，如果那舊Wasabi可以辣一點就更好。可能因為Wasabi已放了一段時間。

特登黎旺角食呢間日本菜，每次經過，佢都排長龍，想試好耐，難得放假就黎～今次選擇早d黎～咁就唔洗等咁耐入到去，裝潢充滿着日本風情，亦有位置放上新鮮嘅海鮮介紹，同可即席點即席製成刺身供客品嘗先黎個 漁市場刺身拼盤和燒河豚魚乾眼見刺身拼盤做緊半價優惠，當然叫返個啦！刺身新鮮程度高，白見貝原隻上，廚師細心得預先切片方便食用，肉質爽口鮮甜，好易食得出其新鮮程度，刺身拼盤還有特別之處係有水母刺身，質感爽脆，夾上黎還晶瑩通透，睇得又食得～ 2百幾蚊，又特別，算抵食！ 其他刺身當然不惶多讓的鮮和香～ 燒河豚魚乾，一上枱以為普通，但其滋味絕不普通，食落去好香，口感似平時的魚乾煙韌，但味道咸香得多，略帶甜味，完全不會over，的確令人回味火焰左口魚邊壽司 及 火焰三文魚壽司火焰製法輕帶出魚的香味，香而不膩，火焰左口魚帶點脆口之感，三文魚卻有較香之感，兩種的壽司也有各特色，配搭上黎更令人甚覺特別再來客 自家製櫻蝦蟹肉玉子燒櫻蝦蟹肉豐富，玉子質感不會太實，蟹肉甜味調出玉子的甜美，配搭不錯，加上櫻蝦的咬口，難怪係店內推介！不得不試😋😋😋最後晚甜品係串燒菠蘿菠蘿好甜，加上略燒，在冰冷的冬天帶出一絲絲暖意，表面略脆