グリル滿天星

营业中

休息中

每次都見到長長人龍，一直好好奇究竟有幾好食🤔前幾日平日lunch time 以為可以少啲人去試下啦。等左大約20分鐘，入去叫左signature 之一嘅肉汁漢堡扒蛋包飯🍛同埋一份炸雞。蛋嘅部分吾錯，夠熱，夠滑，入面嘅蕃茄飯就正正常常，小小酸酸地嘅蕃茄味，都開胃👌🏻但就略嫌唔係好夠熱，不過撈埋啲蛋口感都唔錯，不過不失。至於份炸雞就普通，粉偏厚，食落油份較重，不過就好夠熱。總括嚟講，試過一次就好了，個人不回頭，CP值偏低，二百幾一個蛋包飯味道無特別impressive 到我🤔😂

日日經過都排隊、5:00冇人排、點都試一試！一入去係用電話scan QR code order 但個位唔太收到電話、所以load得好慢、佢個舖本身有Wi-Fi 提供、但個PW勁長所以對於我呢啲懶人都係慢慢load. 叫咗一個漢堡扒蛋包飯、個漢堡扒就一般冇特別而且有啲乾身好實、個蛋包飯都ok ge 煎得幾好、單張入邊有少少海鮮粒（我估應該係帆立貝嗰啲）有啲鮮味嘅、唔係用勁cheap嘅料。但係個汁唔多夠、如果有咖喱汁就更好（因為我開頭以為咖喱汁、原來係肉汁。其實個賣相係靚嘅、但味道就ok la 冇乜驚喜！我覺得我會再黎、但等冇人排隊先啦！

今日放咗工來尖沙咀海港城逛街，見滿天星在此新開了餐廳又咁多人排隊等候，所以我們 也一起湊熱鬧人真的很多，我們差不多排隊用了一小時才入坐，雙腳坐下來有一種如釋重負嘅感覺！餐廳都用QR code 自己下單，上萊speed 都很快，因為每張枱只有90 分鐘用膳時間。我們的晚餐叫咗兩份蛋包飯，兩杯果汁和一個甜品：1. 漢堡扒蛋包飯： 有兩個汁一個為蛋包飯而，另一足牛肉汁，蛋包飯用茄汁炒飯，整體來講好味😋2. 鰻魚蛋包飯： 1⃣️條大鰻魚，好味😋3. 士多啤梨疏乎厘pancake，味道可以，但是有一個個心不是太熱😌總括來說，正面：食物方面好味，環境可以，可以一試！負面：排隊太長，要長期站立排隊冇等侯位，食物價高🤑不可能常常到來。

之前見到原身係burger店嘅位置圍封咗，話將會開一間日本直送嘅蛋包飯專門店。終於嚟到今日同我嚟排隊嘅竟然係我家姐🤣從來都冇試過兩個港女咁瘋癲，已經提早咗半個鐘頭嚟到，結果等足一個鐘先入得到去，其實佢12點開門㗎，不過唔知點解佢哋安排座位上面好似有啲困難，明明見到好多吉位佢都唔安排俾人快啲入去，令到排隊嘅人開始暴躁。排隊人龍兜咗兩個圈，喺商場入面有造成阻塞㗎，我哋明明數過人頭應該第一轉可以成功入到去，如果再遲啲，我哋都唔會繼續等😓呢一方面佢哋有好大進步空間以我記憶我應該冇喺日本食過呢一間，不過憑以往嘅經驗多數響日本傳過嚟香港嘅舖頭通常都冇日本做得咁好。一坐低 侍應簡單介紹咗點樣落單，點樣like佢哋IG有小禮物送,搞咗一大輪結果都係要侍應我哋落單😝為蛋包飯而來咁梗係要食蛋包飯啦，其次我哋再想試吓佢個疏乎厘pancake，不過勁失望嘅係原來2:30之後先有得供應！how come？ 但係排咗咁耐冇理由放棄丫嘛，所以退而求其次揀咗個waffle. 蛋包飯揀咗個最貴嘅漢堡扒。講真二百幾蚊一個飯真係有點兒那個，我諗試一次就夠。蛋包飯其實好一般囉，佢用嘅蘭王旦，入邊嘅炒飯偏林身，唔係粒粒分明嘅飯