紫荊閣 (已結業)

有來自遠方既親戚黎香港, 住近黃埔站既SAV酒店, 因為呢間酒店相對平而近紅館, 而且比較新, 岩哂黎旅遊而又想睇演唱會既朋友入住。咁岩見到有PROMOTION, 1樓呢間中式餐廳新開張全單有7折, 所以就大家方便一於入黎試試!  一坐低先有前菜(HK$16/碟)同茶水作招待, 茶芥(HK$16/位)各人都點左一款自己中意食既菜式試試~ 【豆腐海皇羹】HK$48/位入面有鮮蝦粒、菜心片、蛋絲等等, 湯底比較杰身, 幾清甜, 鮮蝦粒仲仲好爽口tim!!【當紅炸子雞】HK$168/半隻炸子雞炸得金黃香脆, 單單睇賣相已經流哂口水, 雞肉嫩滑, 咬落去依然很juicy…. 伴碟既有蝦片, 不過上檯即食就脆卜卜, 擺左一段時間就好快潮, 雖然蝦片伴碟看似普通, 但呢種伴碟其實係多年前既傳統伴碟佈排, 比較懷舊, 呢種伴碟宜家已經係好多酒樓消失了~【潮式椒鹽骨】HK$168上檯已經聞到香噴噴, 椒鹽骨既骨比較細, 每一件都好好肉, 每件肉為半肥瘦, 咬落仲有少少肉汁, 整體口感唔會太硬, 表面炸得略為乾身, 有些少椒鹽吊味, 加上有香蔥粒, 夾埋一齊食, 味道更為香口!【鮑汁金菰炆伊麵】HK$9

是晚同大學同學食團年飯，當然係食中餐啦！中餐食得多，但懷舊菜真係第一次。由搞手決定是晚菜式，有好多真係聽過未見過。叫化雞之前都係喺周星馳啲戲見過，原來真身係同戲一樣架！好濃好入味！龍鳳球平時出街食都有呢個，入面有雞潤都係第一次。小妹唔太食內藏，但都覺得要試試。潮式椒鹽骨椒鹽骨食得多，但呢個濕濕地，好得意。送飯一流！豉油皇大蝦雀巢椒鹽茄子豆腐 （必食）呢個真係一試難忘，炸茄子食落冇咩茄子味，反而有芋頭魚味。豆腐睇落好似好硬，但食落又好滑好軟。爆瘡？食完先算啦蒜蓉粉絲蒸扇貝粟米斑塊（推介）可能會覺得冇咩特別，未又係粟米魚？錯啦，唔知點解呢個魚炸得黎好鬆化，同出面嘅差好遠！蟲草花雲耳浸白菜仔生炒糯米飯食到咁上下已經戰鬥力下降，都唔記得要相機食先...不過我都食左啲。如果鍾意食糯米飯，一定要試！西米布甸係未懷舊菜我唔識分呀，但甜品真係唔少得。睇落好似好飽，但真係會食唔停口...好香奶皇味但又唔甜，對鐘意奶皇嘅我好吸引呀！

年尾食飯一行15大人2小童，想食返啲懷舊菜，所以搵咗紫荆閣試食今次點咗金華玉樹雞：全雞起骨，啖啖肉，夾埋金華金腿一齊食超好味！清蒸瓜子海班：蒸得啱啱好，面朱登舊肉都仲係滑既，勁！潮式椒鹽骨：肥瘦肉相間既排骨，超好食瑤柱百花脆豆腐：外皮酥脆的豆腐，好好食蟹肉蛋白炒魚肚：清清地，又唔會炒到出晒水，夠乾身，好食生炆頭腩：炆得啱啱好，唔會好老，特別係啲枝竹，好好味豉油皇乾煎蝦球：呢個極度推介，連殻都食埋百花釀蟹拑：啲蝦膠好有鮮味又彈牙，唔會食到一口粉生炒糯米飯及伊麵：生炒既糯米飯，而家好難再食到千層糕及蓮蓉焗西米布甸：蓮蓉焗西米布甸推薦今次真係碟碟都有驚喜，唔似係出面食碟碟都係差唔多既味，而且係呢度真係食返以前細個食到酒樓晚宴時食到既餸菜味道，真係好開心。更難得既係叫咗咁多嘢食碟碟都清晒！無食剩！自己都覺得大家犀利！埋單除開每人平均四百幾，有啲人會覺得貴，但問心出面食唔到咁好味既懷舊菜，個人覺得好值。