Steak Bar (已結業)

蘭桂芳對於九龍人嘅我嚟講算係有少少陌生上星期經朋友介紹之下喺【Steak Bar】食咗個lunch，估唔到又有驚喜喎一坐低就叫咗兩份主打set lunch，分別係【吉列炸牛扒】同埋【澳洲黑毛安格斯西冷】跟餐有飯、柚子醋沙律同埋麻醬豆腐加咗飯素嘅白飯，入口充滿和式風味，食到停唔到口柚子醋沙律酸酸哋好開胃，為迎接份量十足嘅牛扒餐做好準備飲品方面就叫咗兩款唔同嘅手工啤酒，個人覺得【Acai】有少少果味比較易入口，應該幾受女士們歡迎【吉列炸牛扒】附上小型燒爐，可以自己控制生熟程度，有得食又有得玩個人本身對於吉列嘅扒類都有少少抗拒，怕會好厚粉同埋好乾，但呢度炸漿夠薄夠脆，用牛油煎過嘅牛扒又夠香口，配合碟邊嘅蒜鹽或者燒汁更加可以帶出肉嘅香味【澳洲黑毛安格斯西冷】淨係塊扒都已經份量十足，一切開係鮮嫩嘅粉紅色好吸引入口牛味濃郁，肉汁豐富，不知不覺就食晒成碗飯以中環嚟講呢個價錢算係超值，高質得嚟又夠份量，下次一定要再試埋其他款式

好耐冇出街食牛扒😆因為奇怪嘅sumsum只能食接近well done嘅扒 唔好意思係街食要叫well done😂今次仲要去到蘭桂芳食🤤呢間有驚喜 絕對可以一食再食😍吉列炸牛扒 $188之前係日本食過一次覺得幾有趣 呢到仲有個爐比我再煎一煎 啱哂我要煎熟哂先食😍唔好以為煎熟哂唔好食呀 其實熟哂都好食嘅牛先係好嘅牛🤣澳洲黑毛安格斯西冷 $258一上枱我已經心心眼 皆因塊扒份量好足 朋友要食3成熟 sumsum表示驚訝但見到係煎得好好嘅 切開仲靚呀 最緊要係我又放埋落個爐到煎熟佢黎食 肉質一樣咁淋 而且好香牛味🤤💕和風紫菜薯條 $48感覺好似粗版shake shake薯條😋即叫即炸 基本上冇咩可以挑剔順帶一提就係店員好nice一坐低就好主動介紹有咩好食 見到我個爐彈油又會主動幫我換 值得一讚🤩

終於黎食牛，呢到出名吉列牛，不過今次想食扒就無叫到，服務相當好，待應慢慢介紹菜單等你慢慢揀，仲有好多酒揀，不過自己少飲酒就無叫到，今次叫左兩個套餐，連埋加一，每人平均$260。頂級板腱牛扒 $215套餐包前菜，沙律同飯，前菜係芝麻醬豆腐，豆腐夠滑口。沙律正常菜夠新鮮爽口。飯會有拌飯粉紫菜芝麻配埋，增加口感之餘又增加香口，即刻將個飯昇華。板腱就姐牛嘅膀頭位，油脂比較少。成塊好厚身，根就有少少，但肉質淋身，牛肉味濃。澳洲黑毛安格斯西冷 $258西冷就相對大塊好多，肉汁好多，叫五成煮得岩岩好，味道更出更好味。真心推介食西冷。

其實6月頭架啦，係我懶... 加埋又無咩心機寫呢...好，就咁既，個日我地去試呢間位於中環既餐廳... 行完條大斜路，俾左個窗口位我地，叫左兩個都係推介既set.澳洲黑毛安格斯西冷 - $258好老實講，自從我地自己訂扒回來，自己牛扒自己煎，都無咩出去食，因為食親都覺得屋企冰箱個塊好食尐XD不過佢個有飯素既飯就好好味! 呢個扒有個燒汁有堆蒜鹽，我個人覺得呢個配蒜鹽好食尐!吉列炸牛扒 - $188好耐無食吉列牛啦！ 但有少少失望既，因為佢個炸漿好似太油，但個豆腐又幾滑既.炸魷魚 - $78嗯... 唔識講，好似尐油太老咁，又好似翻炸，但食落又唔係真係咁差, 我都唔識點講...