麵屋神匠

营业中

休息中

呢間係油麻地地鐵站附近既拉麵店都幾吸引，出面已經見到掛滿紙燈籠，裝修好有特色🥰見到店鋪主打蝦湯底既拉麵/沾麵，我地就兩款都有嗌黎試下。 1⃣️濃厚蝦湯拉麵（$98）配料有筍、蔥、溏心蛋、紫菜、慢煮叉燒。首先一黎到先試下湯底，哇😳真係好濃郁既蝦味～鍾意蝦湯底既人一定要黎試下！另外呢度既叉燒都係好正，慢煮呈粉紅色，食落幾嫩，而且大大塊，肥瘦相稱，成碗拉麵都幾出色😋  2️⃣濃厚蝦湯沾麵（$118）個沾麵更加吸引🤩第一眼係比個羅勒醬法包吸引住目光👀第一次見日式沾麵配上咁西式既小食～法包好脆，面頭搽上薄薄一層羅勒醬，風味十足，就咁食或者點沾麵汁食都唔錯☺然後重點個沾麵汁，比起拉麵既更加濃郁～面頭有大量櫻花蝦，麵條沾上沾麵汁既同時會沾到啲櫻花蝦，個麵同個汁配合得夠好夠掛汁之餘，連埋櫻花蝦一齊食，令蝦味更加特出🤤呢個沾麵絕對算得上係我食過既蝦沾麵入面頭幾位！值得一試！  3⃣️法包配羅勒醬（$28）因為見到呢個小食好特別，朋友都想試下，所以雖然沾麵到本身有配呢個法包，我地都再散嗌左碟食。一碟有四件，夠脆，而且真係好有特色！  

呢間餐廳主打濃厚蝦湯拉麵同沾麵🍜店內採用木紋日式裝修同落地破璃設計，掛滿日式紅白藍燈籠同特色牆畫🏮💗濃厚蝦湯沾麵 ($118)蝦湯用上甜蝦、赤蝦、蝦乾，大量蝦殻，以秘密配方熬煮至少4個鐘，味道鮮甜濃稠，蝦味特別濃郁🦐；冷沾麵寬偏Q彈，掛湯力強🍜；兩片叉燒選用豬肩肉，低溫慢煮保持粉嫩軟滑🐖；配料包括有溏心蛋、筍條同自創嘅羅勒醬多士🌿💗黑蒜蝦湯拉麵 ($88)沿用招牌濃蝦湯底，澆上獨特甜香嘅黑蒜油，令味道更豐富🧄；配料包括有三片叉燒、溏心蛋、筍條同紫菜🥓。附送涼拌青瓜為開胃菜🥒💗炸日式餃子 ($32/ 4隻)餃子炸至外表香脆，餡料以豚肉同椰菜為主，飽滿多汁，蘸上微酸嘅餃子醋提鮮🥟

由於好耐冇食沾麵，今日我同朋友揀左呢間旺角新開既拉麵店。我哋七點左右到達，當時無人排隊，之後開始大排長龍，非常幸運☺️餐廳採用落地破璃，環境舒適。另外天花掛滿燈籠，日式氛圍非常濃厚。- 濃厚蝦湯沾麵最特別既地方係多左一片羅勒醬法包，職員建議我先食法包。清新既羅勒醬同香脆既法包係一流既配搭。至於主角－濃厚蝦湯沾麵，叉燒經低溫慢煮後變得非常粉嫩，而且切得好大片。蝦湯質感比較濃稠，令拉麵非常掛湯，每一啖都充滿蝦既精華。蝦湯入面仲有樱花蝦，口感更加豐富。另外，職員話如果蝦湯凍左可以換返熱辣辣！仲要係免費！- 濃厚蝦湯拉麵蝦湯既蝦味非常鮮甜，拉麵有咬口唔會煮得太淋。叉燒一樣粉嫩，另外仲有大量蟹肉，加上竹荀同溏心蛋，材料非常豐富😍拉麵/沾麵份量好足夠，唔駛叫小食已經夠飽。麵屋神匠既沾麵應該係近排食過最好味！

經過油麻地 遠遠就被呢一間新開張 店內掛滿燈籠嘅日式拉麵店吸引咗入去🏮呢度座位唔算好多 主要係二人一台嘅木枱🙂同一般拉麵店一樣 呢度都有湯拉麵同沾麵可供選擇 亦有多款小食👅 我哋就揀左比較少見嘅花咲蟹湯拉麵同埋濃厚蝦湯沾麵🍜 花咲蟹湯拉麵湯底湯郁鮮甜 仲有好多蟹肉 🦀🦀 鍾意食花咲蟹嘅朋友唔可以錯過啦😆 濃厚蝦湯沾麵嘅湯好似醬汁咁結 拉麵係粗身冷麵 口感彈牙掛湯👍🏻 兩款拉麵都配有2大片慢煮叉燒 溏心蛋同筍架🌟

鬧市之中新開既拉麵店，一個個燈籠🏮掛哂係到實在太吸睛，望多兩望就同男朋友決定今晚個餐就地解決😂。沾麵比拉麵多左塊法包同半隻蛋，我地就一人叫左一個沾麵😂。🍅蕃茄控必點第一次食蕃茄味既沾麵，唔錯，但我個人就鍾意傳統既蝦湯多D，比較日式😌。第一件事就梗係襯熱食塊法包配羅勒醬，多士都幾脆，好香basil味，好似平時食西餐麵包點湯咁，玩fushion野😆。麵條係我喜歡既粗麵，櫻花蝦散發淡淡既蝦味，每條麵條都掛哂汁，好食！叉燒係慢煮，入口極嫩！好欣賞！食得勁乾淨😋，真心推薦👍🏻。食完只係7點出面已經排緊隊，即刻覺得自己去左轉日本咁😆。如果入面播既歌轉埋日文歌應該更有feel🎌。